ກາຕາປະກາດຊ່ວຍເຫລືອກາຊາ ທ່າມກາງການເຈລະຈາຢຸດຍິງ

ກາຕາປະກາດຊ່ວຍເຫລືອກາຊາ ທ່າມກາງການເຈລະຈາຢຸດຍິງ - advert banner 728 90 728x90 - ກາຕາປະກາດຊ່ວຍເຫລືອກາຊາ ທ່າມກາງການເຈລະຈາຢຸດຍິງ

ທາງ​ການ​ກາ​ຕາ​ປະກາດ​ວ່າ: ຈະ​ຈັດ​ສັນ​ການ​ຊ່ວຍ​ເຫລືອ​ຊົ່ວຄາວ​ໃຫ້​ຄອບຄົວ​ຊາວ​ເມືອງ​ກາຊາ 50.000 ຄອບຄົວ. ຂະນະ​ທີ່​ຄະນະ​ຜູ້​ໄກ່​ເກ​່ຍຢຸດ​ຍິງ​ພະຍາຍາມ​ຈັດການ​ເຈລະຈາ​ລະຫວ່າງ​ກຸ່ມ​ຮາ​ມັດ​ທີ່​ປົກຄອງ​ດິນ​ແດນ​ໃນ​ປາ​ແລັສຕິນກັບ​ຝ່າຍ​ອິດສະ​ລາ​ແອນ.

ກາຕາປະກາດຊ່ວຍເຫລືອກາຊາ ທ່າມກາງການເຈລະຈາຢຸດຍິງ - lattana 1 - ກາຕາປະກາດຊ່ວຍເຫລືອກາຊາ ທ່າມກາງການເຈລະຈາຢຸດຍິງ

ຖະ​ແຫລ​ງການ​ຄະນະ​ກຳມະການ​ຟື້ນຟູ​ກາຊາ​ຂອງ​ກາ​ຕາ ລະບຸ​ວ່າ: ກາ​ຕາ​ຈະ​ຈັດ​ສັນ​​ເງິນ​ໃຫ້​ຄອບຄົວ​ທີ່​ທຸກ​ຍາກ ຄົນ​ລະ 100 ​ໂດ​ລາ​ໃນ​ອີກ 2-3 ວັນ​ຂ້າງ​ໜ້າ ​ໂດຍ​ໄດ້​ປະສານ​ງານ​ກັບ​ກຸ່ມ​ຮາ​ມັດ​ແລ້ວ. ອີກ​ດ້ານ​ໜຶ່ງ ກຸ່ມ​ຮາ​ມັດ​ປະກາດ​ວ່າ​: ​ເຈົ້າໜ້າ​ທີ່​ຈະ​ໄດ້​ຮັບ​ເງິນ​ເດືອນ​ເປັນ​ເທື່ອ​ທຳ​ອິດ​ໃນ​ຮອບ​ຫລາຍ​ເດືອນ, ກຸ່ມ​ຮາ​ມັດ​ເຂົ້າຄວບ​ຄຸມ​ດິນ​ແດນ​ໃນ​ກາ​ຊາ​ນັບ​ແຕ່​ຂັບ​ໄລ່​ກຸ່ມ​ທີ່​ພັກດີ​ຕໍ່​ລັດຖະບານປາ​ແລັສຕິນ ​ເຊິ່ງ​ໄດ້​ຮັບ​ການ​ຍອມຮັບ​ຈາກ​ຕ່າງປະ​ເທດ​ໃນ​ໄລຍະ​ເກືອບ​ເຂົ້າສູ່​ສົງຄາມ​ກາງ​ເມືອງ​ໃນ​ປີ 2007, ຈາກ​ນັ້ນກຸ່ມ​ຮາ​ມັດ​ໄດ້​ເຮັດ​ສົງຄາມ 3 ຄັ້ງກັບ​ອິດສະ​ລາ​ແອນ ​ເຊິ່ງຍັງ​ປິດ​ລ້ອມ​ກາຊາ​ຈົນ​ຮອດ​ປັດຈຸບັນ.