ອາເມລິກາຈັດສັນງົບ 550 ລ້ານໂດລາ ຊ່ວຍພັດທະນາລະບົບໄຟຟ້າຢູ່ເຊເນກັລ

ອາເມລິກາຈັດສັນງົບ 550 ລ້ານໂດລາ ຊ່ວຍພັດທະນາລະບົບໄຟຟ້າຢູ່ເຊເນກັລ - advert banner 728 90 728x90 - ອາເມລິກາຈັດສັນງົບ 550 ລ້ານໂດລາ ຊ່ວຍພັດທະນາລະບົບໄຟຟ້າຢູ່ເຊເນກັລ

ອາ​ເມ​ລິ​ກາ​ປະກາດ​ຄວາມ​ຊ່ວຍ​ເຫລືອ 550 ລ້ານ​ໂດ​ລາ ​ເພື່ອ​ພັດທະນາ​ລະບົບ​ໄຟຟ້າ​ຢູ່​ເຊ​ເນ​ກັລ ທີ່​ເຕີບ​ໃຫຍ່​ຢ່າງ​ວ່ອງ​ໄວ​ໃຫ້​ພຽງພໍ​ກັບ​ຄວາມ​ຕ້ອງການ.

ອາເມລິກາຈັດສັນງົບ 550 ລ້ານໂດລາ ຊ່ວຍພັດທະນາລະບົບໄຟຟ້າຢູ່ເຊເນກັລ - lattana 1 - ອາເມລິກາຈັດສັນງົບ 550 ລ້ານໂດລາ ຊ່ວຍພັດທະນາລະບົບໄຟຟ້າຢູ່ເຊເນກັລ

ບໍລິສັດ ມິລ​ເລນ​ນຽມ ​ແຊ​ລລິນ ຄໍ​ປໍ​ເຣຊັນ ຂອງ​ລັດຖະບານ​ອາ​ເມ​ລິ​ກາ ທີ່​ສ້າງ​ຕັ້ງຂຶ້ນ​ໃນ​ປີ 2004 ​ເພື່ອ​ຈັດ​ສັນ​ຄວາມ​ຊ່ວຍ​ເຫລືອ​ໃຫ້​ແກ່​ປະ​ເທດ​ທີ່​ມີ​ການ​ບໍລິຫານ​ຈັດການ​ທີ່​ດີ ​ແລະ ​ເປັນ​ປະຊາທິປະ​ໄຕ ລະບຸ​ວ່າ​ເຊ​ເນ​ກັລຈະ​ຈັດ​ສັນ​ເງິນ​ເອງ​ອີກ 50 ລ້ານ​ໂດ​ລາ ​ໃນ​ໂຄງການ​ດັ່ງກ່າວ. ​ໂຄງການ​ໄຟຟ້າ​ເຊ​ເນ​ກັລ​ໄລຍະ​ເວລາ 5 ປີ ​ເພື່ອ​ຍົກ​ລະດັບ​ເຄືອ​ຂ່າຍ​ໄຟຟ້າ​ໃນ​ນະຄອນຫລວງ​ດາ​ກາ​ສຳລັບ​ຈ່າຍ​ກະ​ແສ​ໄຟຟ້າ​ຕາມ​ພື້ນທີ່​ຊົນນະບົດ​ໃຫ້​ຫລາຍ​ຂຶ້ນ ​ແລະ ພັດທະນາ​ລະບົບ​ໄຟຟ້າ​ໃຫ້​ດີ​ຂຶ້ນ ​ໂດຍ​ມີ​ເປົ້າໝາຍ​ສຳລັບ​ກະ​ຕຸ້ນ​ການ​ລົງທຶນ, ສົ່ງ​ເສີມ​ການ​ຂະຫຍາຍຕົວ​ທາງ​ເສດຖະກິດ, ຫລຸດ​ບັນຫາ​ຄວາມທຸກ​ຍາກ​ດ້ວຍ​ການ​ພັດທະນາ​ລະບົບ​ໄຟຟ້າ​ໃຫ້​ດີ​ຂຶ້ນ, ຫລຸດ​ຄ່າ​ໃຊ້​ຈ່າຍ ​ແລະ ກະຈາຍ​ລະບົບ​ໄຟຟ້າ​ໃຫ້​ທົ່ວ​ເຖິງ​ຕາມ​ເຮືອນ ​ແລະ ພາກ​ທຸລະ​ກິດ​ຕ່າງໆ. ​ເຊ​ເນ​ກັລ ມີ​ອັດຕາ​ການ​ເຕີບ​ໃຫຍ່ 7% ​ໃນ​ແຕ່ລະ​ປີ ​ເຊິ່ງຖື​ເປັນ​ໜຶ່ງ​ໃນ​ລະບົບ​ທີ່​ມີ​ການ​ຂະຫຍາຍຕົວ​ທາງ​ເສດຖະກິດ​ວ່ອງ​ໄວ​ທີ່​ສຸດ​ໃນ​ພາກພື້ນອາ​ຟຣິກາ.