ອາເມລິກາເຕືອນທົ່ວໂລກຢ່າໃຫ້ ກຳປັ່ນນ້ຳມັນອີຣານຈອດທ່າ

ອາເມລິກາເຕືອນທົ່ວໂລກຢ່າໃຫ້ ກຳປັ່ນນ້ຳມັນອີຣານຈອດທ່າ - advert banner 728 90 728x90 - ອາເມລິກາເຕືອນທົ່ວໂລກຢ່າໃຫ້ ກຳປັ່ນນ້ຳມັນອີຣານຈອດທ່າ

ລັດຖະບານ​ວໍ​ຊິງ​ຕັນ​ເຕືອນ​ປະຊາ​ຄົມ​ໂລກ ບໍ່​ຄວນ​ໃຫ້​ກຳ​ປັ່ນບັນທຸກນ້ຳມັນ​ຂອງ​ອີຣານ​ເຂົ້າຈອດ​ທຽບ​ທ່າ ​ເພື່ອ​ໃຫ້​ເປັນ​ໄປ​ຕາມ​ມາດ​ຕະການ​ຂວ້ຳບາດ​ຂອງ​ອາ​ເມ​ລິ​ກາ.

ອາເມລິກາເຕືອນທົ່ວໂລກຢ່າໃຫ້ ກຳປັ່ນນ້ຳມັນອີຣານຈອດທ່າ - lattana 1 - ອາເມລິກາເຕືອນທົ່ວໂລກຢ່າໃຫ້ ກຳປັ່ນນ້ຳມັນອີຣານຈອດທ່າ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ​ໄບຣອັນ ຮຸກ ທີ່​ປຶກສາ​ອາວຸ​ໂສ​ຂອງ​ທ່ານ ​ໄມ ປອມ​ເປ​ໂອ ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ​ແລະ ຜູ້ອຳນວຍການ​ຝ່າຍ​ວາງ​ແຜນ​ດ້ານ​ນະ​ໂຍບາຍ​ອີຣານ ກ່າວ​ໃນ​ວັນ​ທີ 7 ພະຈິກ​ວ່າ: ມາດ​ຕະການ​ຂວ້ຳບາດນ້ຳມັນ​ອີຣານ ​ໂດຍ​ລັດຖະບານ​ວໍ​ຊິງ​ຕັນ​ທີ່​ມີ​ຜົນ​ໃນ​ວັນ​ທີ 5 ພະຈິກ​ຜ່ານ​ມາ ມີ​ຈຸດປະສົງ​ຈະ​ແຈ້ງ ຄື​ການ​ຫລຸດ​ການ​ສົ່ງ​ອອກ​ນ້ຳມັນ​ຂອງ​ອີຣານ “​ໃຫ້​ເປັນ​ສູນ”. ໝາຍ​ຄວາມ​ວ່າ: ມາດ​ຕະການ​ບໍ່​ໄດ້​ຄວບ​ຄຸມ​ສະ​ເພາະ​ປະ​ເທດ​ທີ່​ຄ້າຂາຍ​ນ້ຳມັນ​ກັບ​ອີຣານ​ເທົ່າ​ນັ້ນ ​ແຕ່​ຍັງ​ລວມ​ເຖິງ​ບໍລິສັດ​ປະກັນ ​ເຊິ່ງ​ເບິ່ງ​ແຍງ​ຊັບ​ສິນ ​ແລະ ຫລັກ​ຊັບ​ໃຫ້​ລັດຖະບານ​ເຕຮາ​ລານ ​ເຊິ່ງຄວນ​ຍົກ​ເລີກ​ການ​ຄຸ້ມ​ຄອງ​ດັ່ງກ່າວ.

ຂະນະ​ດຽວ​ກັນ, ທ່ານ ຮຸກ ກ່າວ​ວ່າ: ກຳ​ປັ່ນ​ບັນທຸກ​ນ້ຳມັນ​ຂອງ​ອີຣານ “ບໍ່​ຄວນ​ໄດ້​ຮັບ​ສິດ​ອີກ​ຕໍ່​ປີ” ​ໃນ​ການ​ເຂົ້າຈອດ​ທ່າ​ກຳ​ປັ່ນ​ແຫ່ງ​ໃດ​ກໍ​ຕາມ​ທົ່ວ​ໂລກ ​ເນື່ອງ​ຈາກ​ຕໍ່​ຈາກ​ນີ້ ລັດຖະບານ, ພາກ​ເອກະ​ຊົນ, ຜູ້​ບໍລິຫານ​ທ່າ​ກຳ​ປັ່ນ ​ແລະ ບໍລິສັດ​ຂົນ​ສົ່ງ​ທຸກ​ແຫ່ງ​ອາດ​ຕ້ອງ​ຮັບຜິດຊອບ​ຄວາມ​ເສຍ​ຫາຍ​ທີ່​ເກີດ​ຂຶ້ນ ​ໃນ​ກໍລະນີ​ກຳ​ປັ່ນ​ບັນທຸກ​ນ້ຳມັນ​ຂອງ​ອີຣານປະສົບ​ອຸປະຕິ​ເຫດ​ໃນ​ນ່ານນ້ຳພາຍ​ໃຕ້​ເຂດ​ອະທິປະ​ໄຕ. ​ເຖິງ​ຢ່າງ​​ໃດ​ກໍ​ດີ, ລັດຖະບານ​ວໍ​ຊິງ​ຕັນ​ຍົກ​ເວັ້ນທ່າ​ກຳ​ປັ່ນ​ຊາ​ຮາ​ບາ ທາງ​ຕາ​ເວັນ​ອອກສຽງ​ໃຕ້​ຂອງ​ອີຣານ ​ໃກ້​ກັບ​ມະຫາ​ສະໝຸດ​ອິນ​ເດຍ ​ໃນ​ການ​ຂົນ​ສົ່ງ​ນ້ຳມັນ​ເຂົ້າສູ່​ອັບ​ກາ​ນິດ​ສະຖານ ​ເຊິ່ງ​ເປັນ​ເສັ້ນທາງ​ສຳຄັນ​ດ້ານ​ໂລ​ຈິ​ສຕິກ​ທາງ​ທະຫານ​ຂອງ​ອາ​ເມ​ລິ​ກາ.