ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ!

ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ! - advert banner 728 90 728x90 - ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ!

# ວິເສດ ສະແຫວງສຶກສາ  

ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ! - lattana 1 - ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ!

ເຫິງແລ້ວທີ່ບໍ່ໄດ້ເວົ້າ ກ່ຽວກັບບັນຫາສໍ້ລາດບັງ ຫລວງ, ບັນຫາໃຫ້ ແລະ ຮັບ ສິນບົນກໍຄືການສໍ້ໂກງຊັບສົມ ບັດຂອງລັດ, ຂອງປະຊາຊົນ ໂດຍພະນັກງານລັດປະເພດ ໜ້າໃສໃຈບ້ຽວ, ກ້ຽງແຕ່ ນອກທາງໃນເປັນເດື່ອ ຫລື ທີ່ ບູຮານລາວເຮົາເອີ້ນວ່າ “ມືຖືສາກປາກຖືສິນ”.

 

ອະດີດຜູ້ບໍລິຫານ ປິໂຕຣຫວຽດນາມ ຖືກຈຳຄຸກຕະຫລອດຊີວິດ ຂໍ້ຫາສໍ້ລາດບັງຫລວງ2018/

ລະມາມປາຖະກະຖາວັນຕ້ານການສໍ້ລາດບັງຫລວງສາກົນ2018/

ສຳລັບມື້ນີ້ຂໍເລີ່ມພາ ທ່ານ ຜູ້ອ່ານເດີນທາງໄປໄກສຸດ ຂອບຟ້າເພື່ອຮູ້ຈັກກັບຂ່າວ ດັງ ຢູ່ປະເທດອຽກລັງທາງ ເອີຣົບພຸ້ນ.
ຂ່າວຈາກໜັງສືພິມ The Nation ຫວ່າງບໍ່ດົນ ມານີ້ ໃຫ້ຮູ້ວ່າ: ທ່ານ ເດນິດ (Denis) ລັດຖະມົນຕີກະ ຊວງຄົມມະນາຄົມຂອງ ອຽກ ລັງ ໄດ້ຖືກກົດດັນໃຫ້ລົງ ຈາກຕັ່ງລັດຖະມົນຕີຍ້ອນ ຄະດີທີ່ແຕະຕ້ອງຈັນຍາບັນ ຂອງຄົນລະດັບລັດຖະມົນຕີ.

ເລື່ອງມີຢູ່ວ່າ ໃນປັດຈຸ ບັນ ລັດຖະບານ ອຽກລັງ ໄດ້ດຳເນີນໂຄງການສົ່ງເສີມ ການເຂົ້າເຖິງສື່ຂອງທົ່ວ ສັງຄົມ, ໂດຍສະເພາະແມ່ນ ໃນຊົນນະບົດດ້ວຍການລົງ ທຶນຕິດຕັ້ງໂທລະພາບຈໍໃຫຍ່ (Broadband)ຕາມຄົວ ເຮືອນທີ່ຍັງບໍ່ທັນມີ ແລະ ຕາມສະຖານທີ່ສາທາລະນະຊົນ ເຊິ່ງຄາດວ່າຈະມີຜູ້ໄດ້ ຮັບຜົນປະໂຫຍດຈາກໂຄງ ການນີ້ເຖິງ 1,1 ລ້ານຄົນ.

ແນ່ນອນໂຄງການໃຫຍ່ຂະໜາດນີ້ກໍຕ້ອງມີການປະມູນຊັ້ນລະວ່າ ແຕ່ແລ້ວ ທ່ານ ລັດຖະມົນຕີ Denir ພັດ ມາຕິດແຮ້ວຄະດີກ່ອນໂຄງ ການຈະເລີ່ມຊ້ຳ, ຍ້ອນວ່າ ທ່ານ ໄດ້ຮັບເຊີນໄປຮັບປະ ທານອາຫານຄ່ຳ ສ່ວນຕົວ ດ້າມຄາບຢູ່ເຮືອນນັກທຸລະ ກິດຈາກ ສ. ອາເມລິກາ ທີ່ ມີເຊື້ອສາຍອຽກລັງ ທີ່ເຂົ້າ ຮ່ວມການປະມູນໂຄງການ ໂທລະພາບຈໍໃຫຍ່.

ມັນກໍເວນຢູ່ບ່ອນນີ້ລະ! ເພາະຕາມຫລັກຈັນຍາບັນ ຂອງປະເທດທີ່ປົກຄອງ ດ້ວຍກົດໝາຍແທ້ ແລະ ມີຄວາມໂປ່ງໄສອີຫລີນັ້ນ, ເຂົາຫ້າມພະນັກງານລັດ ທີ່ຮັບຜິດຊອບໂຄງການປະ ມູນໃດໜຶ່ງມີການພົວພັນ ແບບພິເສດສ່ວນຕົວກັບຜູ້ ຢືນປະມູນເດັດຂາດ.
ເມື່ອເລື່ອງນີ້ແດງຂຶ້ນ, ທົ່ວສັງຄົມອຽກລັງ ກໍທວງ ໃຫ້ ທ່ານລັດຖະມົນຕີ ໂທລະ ຄົມລາອອກຂ່າວຫລ້າສຸດ ບອກວ່າ ທ່ານລັດຖະມົນຕີ ເຈົ້າບັນຫານີ້ ໄດ້ຢືນໃບລາ ອອກແລ້ວ ແລະ ທ່ານນາຍົກ ອຽກລັງ ກໍຕົກລົງຮັບການ ລາອອກ ດັ່ງກ່າວໂດຍໄວເພື່ອ ກອບກູ້ຄວາມເຊື້ອໝັ້ນ- ໄວ້ວາງໃຈຂອງປະຊາຊົນ ຕໍ່ການປະຕິບັດງານຂອງ ລັດຖະບານຕໍ່ໄປ.

ແນວໃດກໍດີ ທ່ານລັດ ຖະມົນຕີ Denis ໄດ້ມີຄຳ ເຫັນຕໍ່ສັງຄົມກ່ອນລົງ ຈາກ ຕັ່ງວ່າ “ຂ້າພະເຈົ້າມີຄວາມ ຮັບຜິດຊອບໃນການຕິດ ຕໍ່ປະຊາສຳພັນກັບນັກທຸ ລະກິດທັງພາຍໃນ ແລະ ຕ່າງປະເທດເພາະບັນຫາ ນັກລົງທຶນເຫລົ່ານີ້ມີບົດ ບາດສຳຄັນໃນການສ້າງ ວຽກເຮັດງານທຳໃຫ້ຊາວ ອຽກລັງ” ແລ້ວທ່ານກໍກ່າວ ຄຳລາ ລົງຕໍ່ຄົນທັງປະເທດ ໂດຍສະເພາະແມ່ນຈຳນວນ 1,1 ລ້ານຄົນທີ່ຈະໄດ້ຮັບຜົນ ປະໂຫຍດຈາກໂຄງການໂທ ລະພາບຈໍໃຫຍ່.

ຂ່າວບໍ່ໄດ້ບອກວ່າ ທ່ານ ລັດຖະມົນຕີ ໄດ້ມີສ່ວນແບ່ງ ຜົນປະໂຫຍດຫລາຍປານ ໃດ ກັບນັກທຸລະກິດ ສ. ອາເມ ລິກາ, ແຕ່ມັນເປັນການກະ ທຳທີ່ເຮັດໃຫ້ສັງຄົມສົງ ໄສ, ຂາດຄວາມເຊື້ອໝັ້ນ ເພາະມັນແຕະຕ້ອງຫລັກຈັນ ຍາບັນຂອງພະນັກງານລະ ດັບນັ້ນ ແລະ ຊ້ຳຍັງເປັນເຈົ້າ ຂອງໂຄງການທີ່ລັດລົງທຶນ ອີກດ້ວຍ./.

ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ! - 258744412121 - ຮ່ວມກິນເຂົ້າດ້າມຄາບ ເຮັດໃຫ້ລັດຖະມົນຕີລົ້ມອາບຟາມ!
(ພາບປະກອບ)