ສປປ ເກົາຫລີ-ສ.ເກົາຫລີ ຊຸກຍູ້ການສ້າງຖະໜົນ ແລະ ທາງລົດໄຟເຊື່ອມຕໍ່ສອງປະເທດ

ສປປ ເກົາຫລີ-ສ.ເກົາຫລີ ຊຸກຍູ້ການສ້າງຖະໜົນ ແລະ ທາງລົດໄຟເຊື່ອມຕໍ່ສອງປະເທດ - advert banner 728 90 728x90 - ສປປ ເກົາຫລີ-ສ.ເກົາຫລີ ຊຸກຍູ້ການສ້າງຖະໜົນ ແລະ ທາງລົດໄຟເຊື່ອມຕໍ່ສອງປະເທດ

      ຄະນະ​ຜູ້​ແທນ ສ.​ເກົາຫລີ ​ເດີນທາງ​ໄປ ສປປ ​ເກົາຫລີ ​ໃນ​ວັນ​ທີ 26 ທັນວາ​ນີ້ ​ເພື່ອ​ເຂົ້າຮ່ວມ​ພິທີ​ວາງ​ສີ​ລາ​ລືກ​ກໍ່ສ້າງ​ຖະໜົນ ​ແລະ ​ເສັ້ນທາງ​ລົດ​ໄຟ​ເຊື່ອມ​ຕໍ່​ລະຫວ່າງສອງ​ເກົາຫລີ​ໃນ​ແຫລມ​ເກົາຫລີ ​ເຖິງ​ວ່າ​ຈະ​ຍັງ​ບໍ່​ປະສົບ​ຜົນ​ຄືບ​ໜ້າ​ເລື່ອງ​ການ​ເຈລະຈາ​ນິວ​ເຄຼຍ.

ສປປ ເກົາຫລີ-ສ.ເກົາຫລີ ຊຸກຍູ້ການສ້າງຖະໜົນ ແລະ ທາງລົດໄຟເຊື່ອມຕໍ່ສອງປະເທດ - lattana 1 - ສປປ ເກົາຫລີ-ສ.ເກົາຫລີ ຊຸກຍູ້ການສ້າງຖະໜົນ ແລະ ທາງລົດໄຟເຊື່ອມຕໍ່ສອງປະເທດ

      ລົດ​ໄຟ​ຂະ​ບວນພິ​ເສດ​ທີ່​ປະກອບ​ມີ​ຕູ້​ໂດຍສານ 9 ຕູ້ ທີ່​ມີ​ຄະນະ​ຜູ້​ແທນ​ຈາກ ສ.​ເກົາຫລີ ປະມານ 100 ຄົນ ​ເຊິ່ງລວມທັງ​ເຈົ້າໜ້າ​ທີ່ ​ແລະ ຜູ້​ທີ່​ເກີດ​ໃນ ສປປ ​ເກົາຫລີ 9 ຄົນ ອອກ​ເດີນທາງ​ຈາກ​ສະຖານີ​ລົດ​ໄຟ​ໃນ​ນະຄອນຫລວງ​ເຊ​ອຸນ ວັນ​ທີ 26 ທັນວາ​ນີ້ ​ໂດຍ​ການ​ເດີນທາງ​ຈະ​ໃຊ້​ເວລາ​ປະມານ 2 ຊົ່ວ​​ໂມງ ​ເພື່ອ​ໄປ​ເມືອງ​ແຄ​ຊອງ ​ເຊິ່ງ​ເປັນ​ເມືອງ​ຊາຍ​ແດນ​ຂອງ ສປປ ​ເກົາຫລີ. ປະທານາທິບໍດີ ມຸນ ​ແຈ​ອິນ ຂອງ ສ.​ເກົາຫລີ ​ແລະ ທ່ານ ກິມ ຈ໋ອງອຸນ ຜູ້ນຳ ສປປ ​ເກົາຫລີ ຕົກລົງ​ຮ່ວມ​ກັນ​ໃນ​ລະຫວ່າງ​ກອງ​ປະຊຸມ​ສຸດ​ຍອດ​ຄັ້ງທີ 3 ຢູ່​ນະຄອນຫລວງ​ພຽງ​ຢາງ ຂອງ ສປປ ​ເກົາຫລີ ​ໃນ​ເດືອນ​ກັນຍາ​ຜ່ານ​ມາ ຈະ​ຈັດ​ພິທີ​ວາງ​ສີ​ລາ​ລືກ​ພາຍ​ໃນ​ປີ​ນີ້. ກ່ອນ​ໜ້າ​ນີ້ມີ​ກະ​ແສ​ກັງວົນ​ວ່າ: ຂະ​ບວນລົດ​ໄຟ ​ແລະ ວັດ​ສະດຸ​ອື່ນໆ​ທີ່​ນຳ​ໄປ ສປປ ​ເກົາຫລີ ​ເພື່ອ​ໃຊ້​ໃນ​ການຈັດ​ພິທີ​ຈະ​ເປັນ​ການລະ​ເມີດ​ມາດ​ຕະການ​ຂວ້ຳບາດ ສປປ ​ເກົາຫລີ, ​ແຕ່​ມີ​ລາຍ​ງານ​ວ່າ: ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ຍອມ​ຍົກ​ເວັ້ນມາດ​ຕະການ​ຂວ້ຳບາດ​ສຳລັບ​ພິທີ​ຈະ​ຈັດ​ຂຶ້ນນີ້. ລັດຖະບານ ສ.​ເກົາຫລີ ​ເນັ້ນກ່ອນ​ໜ້າ​ນີ້​ວ່າ: ພິທີ​ວາງ​ສີ​ລາ​ລືກ​ນີ້​ບໍ່​ໄດ້​ເປັນ​ການ​ເລີ່​ມຕົ້ນວຽກ​ກໍ່ສ້າງ ​ເພື່ອ​ເຊື່ອມ​ຕໍ່​ຖະໜົນ ​ແລະ ທາງ​ລົດ​ໄຟ​ລະຫວ່າງ​ສອງ​ເກົາຫລີ, ​ແຕ່​ເປັນ​ການສະ​ແດງ​ໃຫ້​ເຫັນ​ເຖິງ​ພັນທະກໍລະນີ​ໃນ​ໂຄງການ​ສ້າງ​ຖະໜົນ ​ແລະ ທາງ​ລົດ​ໄຟ​ເຊື່ອມ​ຕໍ່​ສອງ​ປະ​ເທດ​ເທົ່າ​ນັ້ນ ​ໂດຍ​ການ​ກໍ່ສ້າງ​ຈະ​ຂຶ້ນຢູ່​ກັບ​ຄວາມ​ຄືບ​ໜ້າ​ໃນ​ການ​ປົດ​ອາວຸດ​ນິວ​ເຄຼຍຂອງ ສປປ ​ເກົາຫລີ ​ແລະ ສະຖານະ​ການ​ຕ່າງໆ​ທີ່​ກ່ຽວຂ້ອງ​ກັບ​ມາດ​ຕະການ​ຂວ້ຳບາດ ສປປ ​ເກົາຫລີ.