ພຽງ 3 ​ເດືອນ 6 ປະ​ເທດ​ແມ່ນ້ຳຂອງ​ມ້າງ​ຄະດີ​ຢາ​ເສບ​ຕິດ​ໄດ້ 7 ພັນ​ກວ່າ​ເລື່ອງ

ພຽງ 3 ​ເດືອນ 6 ປະ​ເທດ​ແມ່ນ້ຳຂອງ​ມ້າງ​ຄະດີ​ຢາ​ເສບ​ຕິດ​ໄດ້ 7 ພັນ​ກວ່າ​ເລື່ອງ - advert banner 728 90 728x90 - ພຽງ 3 ​ເດືອນ 6 ປະ​ເທດ​ແມ່ນ້ຳຂອງ​ມ້າງ​ຄະດີ​ຢາ​ເສບ​ຕິດ​ໄດ້ 7 ພັນ​ກວ່າ​ເລື່ອງ

     ​ໃນ​ກອງ​ປະຊຸມ​ສະຫລຸບ​ການ​ເຄື່ອນ​ໄຫວ​ວຽກ​ງານ​ຂອງ​ສູນ​ປະສານ​ງານ​ແມ່ນ້ຳຂອງ​ປອດ​ໄພ ທີ່​ຈັດ​ຂຶ້ນ​ເມື່ອ​ບໍ່​ດົນ​ນີ້ ຢູ່​ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ພາຍຫລັງ 6 ປະ​ເທດ​ຄື: ລາວ, ຈີນ, ​ໄທ, ຫວຽດນາມ, ມຽນມາ ​ແລະ ກຳປູ​ເຈຍ ​ໄດ້​ຮ່ວມ​ກັນ​ສ້າງຕັ້ງສູນ​ດັ່ງກ່າວ​ໃນ​ເດືອນ​ກັນຍາ 2018 ​ເປັນຕົ້ນມາ, ​ເຈົ້າໜ້າ​ທີ່ 6 ປະ​ເທດ​ໄດ້​ປະສານ​ສົມທົບ​ກັນ​ຕ້ານ ​ແລະ ສະກັດ​ກັ້ນການ​ຄ້າຂາຍ​ເຖື່ອນ ​ແລະ ລັກລອບ​ຂົນ​ສົ່ງ​ຢາ​ເສບ​ຕິດ​ຂ້າມ​ແດນ ​ໂດຍ​ສາມາດ​ມ້າງ​ໄດ້ 7.410 ກວ່າ​ເລື່ອງ, ກັກ​ຕົວ​ຜູ້​ກະທຳ​ຜິດ​ໄດ້ 10.650 ກວ່າ​ຄົນ ​ແລະ ຢຶດຂອງ​ກາງ​ຢາ​ບ້າ​ໄດ້​ກວ່າ 148 ລ້ານ​ເມັດ, ​ຢາ​ໄອ 15.800 ກວ່າ​ກິ​ໂລ, ກັນຊາ 6.700 ກວ່າ​ກິ​ໂລ, ຝິ່ນ 735 ກິ​ໂລ, ​ເຮ​ໂຣອິນ 942 ​ກວ່າ​ກິ​ໂລ. ນອກ​ນີ້ ຍັງ​ມີ​ແປ້ງ​ຝຸ່ນ​ສານ​ເຄມີ​ຜະລິດ​ຢາ​ເສບ​ຕິດ​ເຊັ່ນ: ສານ​ເຟຕາ​ມິນ, ມອກ​ ຟີ​ນ, ​ແອ​ສະ​ຕາ​ຊິນ ​ແລະ ສານ​ເຄມີ​ອັນຕະລາຍ​ອື່ນໆ​ເປັນ​ຈຳນວນ​ຫລາຍ.

ພຽງ 3 ​ເດືອນ 6 ປະ​ເທດ​ແມ່ນ້ຳຂອງ​ມ້າງ​ຄະດີ​ຢາ​ເສບ​ຕິດ​ໄດ້ 7 ພັນ​ກວ່າ​ເລື່ອງ - lattana 1 - ພຽງ 3 ​ເດືອນ 6 ປະ​ເທດ​ແມ່ນ້ຳຂອງ​ມ້າງ​ຄະດີ​ຢາ​ເສບ​ຕິດ​ໄດ້ 7 ພັນ​ກວ່າ​ເລື່ອງ

       ທ່ານ​ຮອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ພົນ​ຕີ ສົມ​ຫວັງ ທຳ​ມະ​ສິດ ​ໄດ້​ມີ​ຄຳ​ເຫັນ​ຕໍ່​ກອງ​ປະຊຸມ​ດັ່ງກ່າວ​ວ່າ: ຢາ​ເສບ​ຕິດ​ເປັນ​ບັນຫາ​ທີ່​ຫລໍ່​ແຫລມ, ມີ​ການ​ລັກລອບ​ຂົນ​ສົ່ງ​ທັງ​ທາງບົກ, ທາງນ້ຳ ​ແລະ ທາງ​ອາກາດ ອັນ​ໄດ້​ເປັນ​ໄພ​ຂົ່ມຂູ່​ຕໍ່​ຄວາມ​ສະຫງົບ​ປອດ​ໄພ ​ແລະ ຄວາມ​ໝັ້ນຄົງ​ຂອງ​ຊາດ. ດັ່ງນັ້ນ ຈຶ່ງ​ຮຽກຮ້ອງ​ໃຫ້​ບັນດາ​ປະ​ເທດ​ສະມາຊິກ ​ແລະ ຄູ່​ຮ່ວມ​ມື​ສາກົນ​ໄດ້​ຮ່ວມ​ກັນ​ສະກັດ​ກັ້ນບັນຫາ​ດັ່ງກ່າວ​ໃຫ້​ໝົດ​ໄປ​ຢ່າງ​ເດັດຂາດ.