ລັດຖະບານຫາລືຫລາຍວຽກງານສໍາຄັນຂອງຊາດ

ລັດຖະບານຫາລືຫລາຍວຽກງານສໍາຄັນຂອງຊາດ - advert banner 728 90 728x90 - ລັດຖະບານຫາລືຫລາຍວຽກງານສໍາຄັນຂອງຊາດ
ລັດຖະບານຫາລືຫລາຍວຽກງານສໍາຄັນຂອງຊາດ - lattana 1 - ລັດຖະບານຫາລືຫລາຍວຽກງານສໍາຄັນຂອງຊາດ

 ກອງປະຊຸມລັດຖະບານປະຈໍາເດືອນທັນວາ 2018 ໄດ້ຈັດຂຶ້ນໃນວັນທີ 24-25 ນີ້, ໂດຍການເປັນປະທານຂອງທ່ານນາຍົກລັດຖະມົນຕີ ທອງລຸນ ສີສຸລິດ. ກອງປະຊຸມໄດ້ພິຈາລະນາຫລາຍວຽກງານສໍາຄັນຂອງຊາດ, ພ້ອມຊີ້ນໍາໃຫ້ສະມາຊິກລັດຖະບານເອົາໃຈໃສ່ຄື: ສືບຕໍ່ຕິດຕາມສະພາບການປ່ຽນແປງຂອງພາກພື້ນ ແລະ ສາກົນຢ່າງໃກ້ຊິດ, ຮີບຮ້ອນຈັດສັນທີ່ພັກຊົ່ວຄາວໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື ແລະ ແຈ້ງໃຫ້ສື່ມວນຊົນຊາບກ່ຽວກັບຄວາມຄືບໜ້າຂອງການແກ້ໄຂໄພພິບັດ ເພື່ອເປັນການຕອບໂຕ້ຫາງສຽງໂຈມຕີຂອງຄົນບໍ່ດີທີ່ຫວັງທໍາລາຍມ້າງເພ ແລະ ສ້າງຄວາມບໍ່ສະຫງົບໃນສັງຄົມ, ສືບຕໍ່ເອົາໃຈໃສ່ປະຕິບັດຄໍາສັ່ງເລກທີ 15/ນຍ ຢ່າງເຂັ້ມງວດ ເພື່ອຢຸດຕິການຕັດໄມ້ທໍາລາຍປ່າ, ການຊອກຄົ້ນເຄື່ອງປ່າຂອງດົງໃນທົ່ວປະເທດ, ເລັ່ງແກ້ໄຂສິ່ງອຸດຕັນທີ່ເປັນອຸປະສັກຂອງນັກທ່ອງທ່ຽວ ແລະ ກະກຽມຄວາມພ້ອມດ້ານການບໍລິການຕ່າງໆໃຫ້ດີ ເປັນຕົ້ນການປົກປັກຮັກສາຮີດຄອງປະເພນີ, ສະຖານທີ່ທ່ອງທ່ຽວສໍາຄັນຕ່າງໆໃຫ້ມີຄວາມເປັນລະບຽບຮຽບຮ້ອຍ ເພື່ອຕ້ອນຮັບປີທ່ອງທ່ຽວລາວ-ຈີນ 2019 ໃຫ້ມີບັນຍາກາດຄຶກຄື້ນ, ເພີ່ມທະວີຄວາມເຂັ້ມງວດໃນການຈັດເກັບລາຍຮັບ ແລະ ຄຸ້ມຄອງລາຍຈ່າຍງົບປະມານ ແລະ ຈັດລຽງບູລິມະສິດໂຄງການລົງທຶນຂອງລັດທີ່ມີປະສິດຜົນສູງ, ເອົາໃຈໃສ່ຄຸ້ມຄອງລາຄາສີນຄ້າ, ລາຄານໍ້າມັນ, ໄຟຟ້າ ແລະ ໃນຕໍ່ໜ້ານີ້, ບໍ່ໃຫ້ບັນດາກະຊວງ, ອົງການ ແລະ ທ້ອງຖິ່ນ ລະດົມທຶນດ້ວຍການຕັດເງິນເດືອນຂອງພະນັກງານລັດຖະກອນ, ທະຫານ-ຕໍາຫລວດ ແລະ ປະຊາຊົນ ເພື່ອນໍາໃຊ້ເຂົ້າໃນການສະຫລອງວັນບຸນສໍາຄັນຕ່າງໆຢ່າງເດັດຂາດ.