ປີ​ໃໝ່​ນະຄອນຫລວງ​ວຽງ​ຈັນ​ຕັ້ງ​ເປົ້າໃຫ້​ເສດຖະກິດ​ເຕີບ​ໂຕ 9,5%

ປີ​ໃໝ່​ນະຄອນຫລວງ​ວຽງ​ຈັນ​ຕັ້ງ​ເປົ້າໃຫ້​ເສດຖະກິດ​ເຕີບ​ໂຕ 9,5% - advert banner 728 90 728x90 - ປີ​ໃໝ່​ນະຄອນຫລວງ​ວຽງ​ຈັນ​ຕັ້ງ​ເປົ້າໃຫ້​ເສດຖະກິດ​ເຕີບ​ໂຕ 9,5%

       ທ່ານ​ເຈົ້າຄອງ​ນະຄອນຫລວງ​ວຽງ​ຈັນ ສິນ​ລະ​ວົງ ຄຸດ​ໄພທູນ ​ໃຫ້​ຮູ້​ວ່າ: ປີ​ໃໝ່ 2019 ທີ່​ຈະ​ເຖິງ​ນີ້, ນະຄອນຫລວງ​ວຽງ​ຈັນ ຈະ​ສູ້​ຊົນ​ໃຫ້​ເສດຖະກິດ​ເຕີບ​ໂຕ 9,5% ​ໃນ​ນີ້​ຂົງ​ເຂດ​ກະສິກຳ-ປ່າ​ໄມ້​ເພີ່ມ​ຂຶ້ນ 4,2%, ອຸດສາຫະກຳ​ເພີ່ມ​ຂຶ້ນ 12,5% ​ແລະ ການ​ບໍລິການ​ເພີ່ມ​ຂຶ້ນ 9,5%, ​ເອົາ​ໃຈ​ໃສ່​ຈັດ​ເກັບ​ລາຍ​ຮັບ​ເຂົ້າງົບປະມານ​ໃຫ້​ບັນລຸ 4.800 ຕື້ກີບ. ນອກ​ນີ້ ຈະ​ສຸມ​ໃສ່​ວຽກ​ງານ​ແກ້​ໄຂ​ຄວາມ​ຫຍຸ້ງຍາກ​ດ້ານ​ເສດຖະກິດ-ການ​ເງິນ ​ໂດຍ​ສະ​ເພາະ​ແກ້​ໄຂ​ໜີ້​ສາທາລະນະ ​ແລະ ໜີ້​ໂຄງການ​ລົງທຶນ​ຂອງ​ເອກະ​ຊົນ​ໃຫ້​ຜ່ອນ​ເບົາ​ລົງ, ​ເພີ່ມ​ທະວີ​ການ​ຄຸ້ມ​ຄອງ​ລັດ​ໃຫ້​ມີ​ຄຸນ​ນະພາ​ບ, ສອດຄ່ອງ​ລະບຽບ​ກົດໝາຍ, ສົ່ງ​ເສີມ​ທຸລະ​ກິດ​ຂະໜາດ​ນ້ອຍ ​ແລະ ກາງ (SME) ​ໃຫ້​ເຂັ້ມ​ແຂງ ​ແລະ ​ເຕີບ​ໃຫຍ່​ຂະຫຍາຍຕົວ​ຂຶ້ນກວ່າ​ເກົ່າ.

ປີ​ໃໝ່​ນະຄອນຫລວງ​ວຽງ​ຈັນ​ຕັ້ງ​ເປົ້າໃຫ້​ເສດຖະກິດ​ເຕີບ​ໂຕ 9,5% - lattana 1 - ປີ​ໃໝ່​ນະຄອນຫລວງ​ວຽງ​ຈັນ​ຕັ້ງ​ເປົ້າໃຫ້​ເສດຖະກິດ​ເຕີບ​ໂຕ 9,5%

      ທ່ານ​ເຈົ້າຄອງ​ນະຄອນຫລວງ ​ໃຫ້​ຮູ້​ວ່າ: ​ໃນ​ປີ 2018 ມີ​ຫລາຍ​ຄາດໝາຍ​ຂອງ​ແຜນ​ພັດທະນາ​ເສດຖະກິດ-ສັງຄົມ​ບໍ່​ບັນລຸ​ໄດ້​ຄື: ການ​ເຕີບ​ໂຕ​ດ້ານ​ເສດຖະກິດ​ບັນລຸ​ແຕ່ 9,3% (​ແຜນການ 10,5%), ນັກ​ທ່ອງ​ທ່ຽວ​ບັນລຸ 1,8 ລ້ານ​ເທື່ອ​ຄົນ (ຄາດໝາຍ 2 ລ້ານ​ເທື່ອ​ຄົນ). ນອກ​ນີ້ ການ​ປະຕິບັດ​ນະ​ໂຍບາຍ 6ສ ຂອງ​ນະຄອນຫລວງ​ວຽງ​ຈັນ​ຍັງ​ບໍ່​ທັນ​ເຮັດ​ໄດ້​ດີ ​ເຊິ່ງສະ​ແດງ​ອອກ​ຄື: ຍັງ​ມີ​ປາກົດການ​ຫຍໍ້​ທໍ້​ສັງຄົມ​ຫລາຍ​ຢ່າງ​ເກີດ​ຂຶ້ນ ​ເປັນຕົ້ນອຸປະຕິ​ເຫດ, ຄວາມ​ບໍ່​ເປັນ​ລະບຽບ​ຈົບງາມ​ໃນ​ຕົວ​ເມືອງ, ຂີ້ລັກ-ງັດ​ແງະ, ຢາ​ເສບ​ຕິດ, ຄ້າຂາຍ​ເຖື່ອນ ​ແລະ ​ໄພ​ສັງຄົມ​ອື່ນໆ ​ເຊິ່ງ​ໃນ​ປີ​ໃໝ່​ນີ້​ຕ້ອງ​ເລັ່ງ​ແກ້​ໄຂ​ໃຫ້​ຫລຸດ​ລົງ ​ເພື່ອ​ແນ​ໃສ່​ສ້າງ​ນະຄອນຫລວງ​ວຽງ​ຈັນ​ເປັນຕົວ​ເມືອງ​ໜ້າ​ຢູ່, ສີຂຽວ ​ແລະ ຍືນ​ຍົງ.