ການນໍາກະຊວງກ່ຽວຂ້ອງລົງຕິດຕາມ​ຄວາມ​ພ້ອມໂຄງການໄຟຟ້ານໍ້າຂອງໄຊຍະບູລີ

ການນໍາກະຊວງກ່ຽວຂ້ອງລົງຕິດຕາມ​ຄວາມ​ພ້ອມໂຄງການໄຟຟ້ານໍ້າຂອງໄຊຍະບູລີ - advert banner 728 90 728x90 - ການນໍາກະຊວງກ່ຽວຂ້ອງລົງຕິດຕາມ​ຄວາມ​ພ້ອມໂຄງການໄຟຟ້ານໍ້າຂອງໄຊຍະບູລີ

     ໃນວັນທີ 23 ທັນວານີ້, ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ນາງ ບຸນຄໍາ ວໍລະຈິດ ຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ນໍາຄະນະວິຊາ​ການຈາກຂະແໜງການທີ່ກ່ຽວຂ້ອງ ແລະ ຜູ້ຕາງໜ້າກອງເລຂາຄະນະກໍາມາທິການແມ່ນໍ້າຂອງສາກົນ ລົງຕິດຕາມຄວາມພ້ອມ​ຂອງໂຄງການກໍ່ສ້າງເຂື່ອນໄຟຟ້ານໍ້າຂອງໄຊຍະບູລີ ​ແລະ ແລກປ່ຽນຄໍາຄິດເຫັນ, ສ້າງຄວາມເຂົ້າໃຈຕໍ່ການພັດທະນາໂຄງການດັ່ງກ່າວ. ໂຄງການເຂື່ອນໄຟຟ້ານໍ້າຂອງໄຊຍະບູລີ ມີກໍາລັງຕິດຕັ້ງ 1.285 ເມກາວັດ, ສາມາດຜະລິດໄຟຟ້າໄດ້ປະມານ 7.300 ລ້ານກິໂລວັດໂມງຕໍ່ປີ ​ເຊິ່ງຈະຂາຍໃຫ້ກັບການໄຟຟ້າຝ່າຍຜະລິດແຫ່ງປະເທດໄທ. ປັດຈຸບັນ, ການດໍາເນີນການກໍ່ສ້າງແມ່ນສໍາເລັດແລ້ວ 97 ກວ່າສ່ວນຮ້ອຍ ໂດຍຄາດ​ວ່າຈະເລີ່ມດໍາເນີນການຜະລິດຢ່າງເປັນທາງການໃນວັນທີ 29 ຕຸລາ 2019. ໂຄງການນີ້ແມ່ນໄດ້ຈັດຕັ້ງປະຕິບັດຕາມຂະບວນການປຶກສາຫາລືລ່ວງໜ້າ ແລະ ການຕົກລົງສະເພາະ (PNPCA) ຕາມສັນຍາແມ່ນໍ້າຂອງ 1995 ​ເຊິ່ງ​ໄດ້ເລີ່ມດໍາເນີນການກໍ່ສ້າງມາແຕ່ປີ 2012 ເປັນຕົ້ນມາ ​ໂດຍຜູ້ພັດທະນາໂຄງການໄດ້ເອົາໃຈໃສ່ປະຕິບັດຕາມບົດແນະນໍາການອອກແບບເບື້ອງຕົ້ນ (PDG 2009) ແລະ ຜົນການທົບທວນຂອງຊ່ຽວຊານຈາກກອງເລຂາຄະນະກໍາມາທິການແມ່ນໍ້າຂອງສາກົນ (MRCS) ໂດຍການວ່າຈ້າງບໍລິສັດທີ່ປຶກສາຈາກປະເທດສະວິດ ແລະ ບໍລິສັດ CNR ຈາກປະເທດຝຣັ່ງ ໃນການອອກແບບ ແລະ ປັບປຸງຂອງໂຄງການຫລຸດຜ່ອນຜົນກະທົບຕໍ່ສິ່ງແວດລ້ອມ ແລະ ສັງຄົມໃຫ້ຫລາຍທີ່ສຸດ

ການນໍາກະຊວງກ່ຽວຂ້ອງລົງຕິດຕາມ​ຄວາມ​ພ້ອມໂຄງການໄຟຟ້ານໍ້າຂອງໄຊຍະບູລີ - lattana 1 - ການນໍາກະຊວງກ່ຽວຂ້ອງລົງຕິດຕາມ​ຄວາມ​ພ້ອມໂຄງການໄຟຟ້ານໍ້າຂອງໄຊຍະບູລີ