ລະວັງອັນຕະລາຍຈາກສານແຫລວໃນເຄດໂທລະສັບ

ລະວັງອັນຕະລາຍຈາກສານແຫລວໃນເຄດໂທລະສັບ - advert banner 728 90 728x90 - ລະວັງອັນຕະລາຍຈາກສານແຫລວໃນເຄດໂທລະສັບ
ລະວັງອັນຕະລາຍຈາກສານແຫລວໃນເຄດໂທລະສັບ - lattana 1 - ລະວັງອັນຕະລາຍຈາກສານແຫລວໃນເຄດໂທລະສັບ

     ຖ້າໃຜຍັງໃຊ້ເຄດໂທລະສັບທີ່ວ່ານີ້ຢູ່ ຢາກໃຫ້ລອງປ່ຽນໄປໃຊ້ແບບອື່ນເບິ່ງດີກ່ວາ ເພາະຫລັງຈາກທີ່ມີຂ່າວວ່າເຄດໃນລັກສະ ນະນີ້ເຮັດໃຫ້ຄົນຜິວໄໝ້ ປະຈຸບັນກໍໄດ້ຮັບການຢັ້ງຢືນແລ້ວວ່າຂໍ້ມູນນີ້ເປັນຄວາມຈິງ ສານນີ້ແມ່ນສານຫຍັງ ແລະ ອັນຕະລາຍຫລາຍປານໃດ ມາຮູ້ກັນເລີຍ.

     ສານໃນເຄດໂທລະສັບດັ່ງກ່າວທີ່ເຮັດໃຫ້ຜິວໄໝ້ກໍແມ່ນສານເດກເຄນ (Decane) ເຊິ່ງໃນການທົດລອງ ເລີ່ມຈາກເອົາຂອງ ແຫລວທີ່ຢູ່ໃນເຄດມາທົດລອງ ໂດຍເອົານຳ້ກົດເຂົ້າໄປປະສົມເພື່ອທົດລອງວ່າເປັນກົດ ຫລື ສານຊະນິດອື່ນ ຜົນປະກົດອອກມາວ່າບໍ່ແມ່ນທັງນຳ້ກົດ.

    ສົມມຸດຖານຕໍ່ມາແມ່ນສານນີ້ຈະເປັນໂຕທຳລາຍອິນຊີ ຈຶ່ງເອົາສານລະລາຍອິນຊີອີກຊະນິດໜຶ່ງມາປະສົມ ຜົນປະກົດອອກມາວ່າ ທັງສອງລະລາຍເປັນເນື້ອດຽວກັນ ຈຶ່ງສະຫລຸບວ່າໄດ້ວ່າເປັນສານລະລາຍອິນຊີທີ່ບໍ່ລະລາຍປລາສະຕິກຊະນິດໜຶ່ງ ຜູ້ທົດລອງ   ຈຶ່ງເອົາສານນີ້ໄປວິເຄາະດ້ວຍເຕັກນິກ Infrared Spectrocopy ເພື່ອເບິ່ງກຸ່ມຮູບແບບຂອງໂມເລກຸນທີ່ໄດ້ຜົນອອກມາວ່າເປັນ  ສານລະລາຍອິນຊີຮີໂດຣກາກບອນສາຍຍາວ ຈຶ່ງພິສູດຕໍ່ດ້ວຍການໃຊ້ເຕັກນິກ Nuclear Magnetic Resonance Spectroscopy ແລະ ຫາຈຸດຟົດຂອງສານອອກມາໄດ້ຢູ່ 174 ອົງສາ.

    ສະຫລຸບໄດ້ວ່າສານນີ້ແມ່ນສານ n- Decaneຫລື ເອີ້ນສັ້ນໆວ່າ ເດກເຄນ (Decane) 100% ແນ່ນອນ, ມີສູດໂມເລກຸນ C10H22 ເປັນໂຕລະລາຍອິນຊີຊະນິດໜຶ່ງ ແຕ່ຢູ່ໃນກຸ່ມທີ່ບໍ່ສາມາດລະລາຍປລາສະຕິກໄດ້.

     ສານນີ້ມີຜົນກະທົບຕໍ່ສຸຂະພາບຫລາຍ ຫາກສືບດົມເຂົ້າໄປກໍຈະເຮັດໃຫ້ເນື້ອເຍື່ອພາຍໃນຜົ້ງດັງລະຄາຍເຄືອງ ຫາກຖືກຜິວ ໜັງກໍຈະເຮັດໃຫ້ລະຄາຍເຄືອງຜິວ ຫລື ເກີດອາການແພ້ ຍິ່ງໃຜແພ້ຫລາຍກໍຍິ່ງອັນຕະລາຍ ແລະ ສິ່ງສຳຄັນຫາກມັນເຂົ້າຕາອາດເຮັດໃຫ້ຕາບອດເລີຍກໍໄດ້.

    ແນວໃດກໍຕາມ ສານນີ້ຍັງບໍ່ອັນຕະລາຍຈົນເຖິງຂັ້ນເປັນມະເຮັງ, ແຕ່ກໍມີພິດຕໍ່ລະບົບປະສາດພາກສ່ວນກາງໃນໄລຍະຍາວ ຫາກສືບດົມຫລາຍໆອາດເຮັດໃຫ້ຮາກໄດ້.