ອິນໂດເນເຊຍຍົກລະດັບເຕືອນໄພ ພູໄຟອານັກ ກຣາກາຕົວ

ອິນໂດເນເຊຍຍົກລະດັບເຕືອນໄພ ພູໄຟອານັກ ກຣາກາຕົວ - advert banner 728 90 728x90 - ອິນໂດເນເຊຍຍົກລະດັບເຕືອນໄພ ພູໄຟອານັກ ກຣາກາຕົວ

     ໜ່ວຍ​ງານ​ລັດຖະບານ​ຂອງ​ອິນ​ໂດ​ເນ​ເຊຍປະກາດ​ຍົກ​ລະດັບ​ການ​ເຕືອນ​ໄພ​ຈາກ​ເຫດ​ພູ​ໄຟ​ອາ​ນັກ ກຣາກາ​ຕົວ ບໍລິ​ເວນ​ຊ່ອງ​ແຄບ​ຊຸນ​ດາ ລະຫວ່າງ​ເກາະ​ຊຸະວາ ​ແລະ ​ເກາະ​ສຸ​ມາດຕາ ​ໂດຍ​ລະບຸ​ວ່າ​: ​ໄພ​ຈາກ​ພູ​ໄຟ​ຍັງ​ຢູ່​ໃນ​ລະດັບ​ອັນຕະລາຍ ຫລັງ​ການລະ​ເບີດ​ຂອງ​ພູ​ໄຟ​ໜ່ວຍ​ນີ້​ໄດ້​ສ້າງ​ໃຫ້​ເກີດ​ຄື້ນສຶນາ​ມິ ​ໃນ​ທ້າຍ​ອາທິດ​ຜ່ານ​ມາ ​ແລະ ຂ້າ​ຊີວິດ​ປະຊາຊົນ​ຈຳນວນ​ຫລາຍ.

ອິນໂດເນເຊຍຍົກລະດັບເຕືອນໄພ ພູໄຟອານັກ ກຣາກາຕົວ - lattana 1 - ອິນໂດເນເຊຍຍົກລະດັບເຕືອນໄພ ພູໄຟອານັກ ກຣາກາຕົວ

      ສຳນັກງານ​ບັນ​ເທົາ​ໄພພິບັດ​ວິທະຍາ ​ແລະ ວິທະຍາ​ພູ​ໄຟ ກ່າວ​ວ່າ: ລະດັບ​ການ​ເຕືອນ​ໄພ​ຈາກ​ພູ​ໄຟ​ອາ​ນັກ ກຣາກາ​ຕົວ ​ເພີ່ມ​ຂຶ້ນສູ່​ລະດັບ 3 ​​ເມື່ອ​ເວລາ 6 ​ໂມງ​ເຊົ້າຕາມ​ເວລາ​ທ້ອງ​ຖິ່ນ, ພ້ອມ​ແນະນຳ​ໃຫ້​ປະຊາຊົນ​ໃນ​ທ້ອງ​ຖິ່ນ ​ແລະ ນັກ​ທ່ອງ​ທ່ຽວ​ຢູ່​ຫ່າງ​ຈາກ​ລັດສະໝີ 5 ກິ​ໂລ​ແມັດ​ຈາກ​ພູ​ໄຟ​ໜ່ວຍ​ນີ້.

      ລາຍ​ງານ​ລະບຸ​ວ່າ: ​ແຮງ​ລະ​ເບີດ​ຈາກ​ພູ​ໄຟ​ອາ​ນັກ ກຣາກາ​ຕົວ ​ເຄີຍ​ກໍ່​ໃຫ້​ເກີດ​ຄື້ນສຶນາ​ມິ​ໃນ​ປີ 1883 ຖື​ເປັນ​ການລະ​ເບີດ​ຄັ້ງຮຸນ​ແຮງ​ທີ່​ສຸດ​ໃນ​ຍຸກ​ປັດຈຸບັນ ​ໂດຍ​ໄດ້​ຂ້າ​ຊີວິດ​ຄົນ​ຫລາຍ​ກວ່າ 36.000 ຄົນ.

      ສຳນັກ​ຂ່າວ​ກຽວ​ໂຕ ລາຍ​ງານ​ວ່າ: ການ​ພັງ​ທະລາ​ຍລົງ​ຂອງ​ປ່ອງ​ພູ​ໄຟ​ດັ່ງກ່າວ​ໃນ​ວັນ​ທີ 23 ທັນວາ ​ເຮັດ​ໃຫ້​ເກີດ​ດິນ​ຖະຫລົ່ມ​ໃຕ້​ຜືນ​ນ້ຳ ​ແລະ ສົ່ງ​ຜົນ​ໃຫ້​ເກີດ​ຄື້ນສຶນາ​ມິ​ພັດ​ຖະຫລົ່ມ​ແຄມ​ຝັ່ງ​ໃນ​ແຂວງ​ບັນ​ເຕິ​ນ ທາງ​ຕາ​ເວັນ​ຕົກ​ຂອງ​ເກາະ​ຊະວາ ​ແລະ ​ແຂວງ​ລຳ​ປຸງ ທາງ​ຕອນ​ໃຕ້​ຂອງ​ເກາະ​ສຸ​ມາດຕາ. ຂະນະ​ທີ່​ຈຳນວນ​ຜູ້​ເສຍ​ຊີວິດ​ຈາກ​ຄື້ນສຶນາ​ມິ​ໃນ​ຄັ້ງນີ້​ເພີ່ມ​ຂຶ້ນກວ່າ 430 ຄົນ, ຜູ້​ສູນຫາຍ 159 ຄົນ ​ແລະ ຜູ້​ບາດ​ເຈັບ 1.495 ຄົນ. ອີກ​ທັງ​ມີ​ຜູ້​ບໍ່​ມີ​ບ່ອນຢູ່​ອາ​ໄສ​ຈຳນວນ​ເກືອບ 22.000 ຄົນ.