ລາວ-ຫວຽດນາມ ​ເພີ່ມ​ທະວີ​ຮ່ວມ​ມືສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດ

ລາວ-ຫວຽດນາມ ​ເພີ່ມ​ທະວີ​ຮ່ວມ​ມືສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດ - advert banner 728 90 728x90 - ລາວ-ຫວຽດນາມ ​ເພີ່ມ​ທະວີ​ຮ່ວມ​ມືສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດ

    ແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີ ແຫ່ງຊາດລາວ ຊຶ່ງເປັນໂຄງການຮ່ວມມື 2 ຝ່າຍລະຫວ່າງ ຫ້ອງການສະພາວິທະຍາສາດແຫ່ງຊາດລາວ ແລະ ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ເພື່ອສ້າງ​ຄວາມເຂັ້ມແຂງໃນການພັດທະນາເສດຖະກິດ-ສັງຄົມຂອງປະເທດ ​ແລະ ໃນວັນທີ 26 ທັນວານີ້ ສອງ​ຝ່າຍ​ໄດ້​ຮ່ວມ​ປະຊຸມ​ປຶກສາ​ຫາລືກ່ຽວກັບການສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດລາວ ພາຍໃຕ້ການເປັນປະທານຂອງທ່ານ ຈັນແສງ ພິມມະວົງ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ. ທັງ​ນີ້​ກໍເພື່ອສືບຕໍ່ປຶກສາຫາລື ແລະ ປະກອບຄໍາເຫັນຕໍ່ຮ່າງແຜນພັດທະນາດັ່ງກ່າວ​ໃຫ້​ສອດຄ່ອງ​ກັບກົດໝາຍ ວ່າດ້ວຍວິທະຍາສາດ ແລະ ເຕັກໂນໂລຊີ ທີ່ສະພາແຫ່ງຊາດໄດ້ຮັບຮອງເອົາໃນປີ 2013 ຜ່ານມາ. ພ້ອມກັນນັ້ນ ກໍເພື່ອໃຫ້ວຽກງານດັ່ງກ່າວໄດ້ມີການຄຸ້ມຄອງ ແລະ ສົ່ງເສີມການຄົ້ນ ຄວ້າວິທະຍາສາດ ແລະ ເຕັກໂນໂລຊີຂອງປະເທດເຮົາສາມາດກ້າວເຂົ້າສູ່ການພັດທະນາເສດຖະກິດ-ສັງຄົມໃນຍຸກການປະຕິວັດອຸດສາຫະກຳຄັ້ງທີ 4 ຫຼື ເອີ້ນວ່າ ຍຸກ 4.0.

ລາວ-ຫວຽດນາມ ​ເພີ່ມ​ທະວີ​ຮ່ວມ​ມືສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດ - lattana 1 - ລາວ-ຫວຽດນາມ ​ເພີ່ມ​ທະວີ​ຮ່ວມ​ມືສ້າງແຜນພັດທະນາສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດ

      ເປົ້າໝາຍໂດຍລວມຂອງການສ້າງສະພາບັນດິດວິທະຍາສາດ ແລະ ເຕັກໂນໂລຊີແຫ່ງຊາດລາວ ແມ່ນເພື່ອໃຫ້ເປັນສູນເຕົ້າໂຮມບັນດາວິທະຍາສາດ ແລະ ເຕັກໂນໂລຊີທົ່ວປະເທດທີ່ມີຫຼາຍຂະແໜງການ, ຫຼາຍຂົງເຂດ, ເປັນແຫຼ່ງການພັດທະນາຊັບພະຍາກອນມະນຸດທາງດ້ານວິທະຍາສາດ ແລະ ເຕັກໂນໂລຊີທີ່ມີຄວາມສາມາດລະດັບສູງ, ມີພື້ນຖານໂຄ່ງລ່າງທີ່ທັນສະໄໝ, ສາມາດຕອບສະໜອງຕໍ່ການພັດທະນາວຽກງານວິທະຍາສາດ ແລະ ເຕັກໂນໂລຊີຂອງ ສປປ ລາວ ໃນການຮັບໃຊ້ຢ່າງມີປະສິດທິພາບຕໍ່ການພັດທະນາເສດຖະກິດ-ສັງ ຄົມ ແລະ ວຽກງານປ້ອງການຊາດ, ປ້ອງກັນຄວາມສະຫງົບມີ​ຄວາມ​ເຂັ້ມ​ແຂງ.
ການຈັດຕັ້ງປະຕິບັດການຮ່ວມມື 2 ຝ່າຍໃນໄລຍະຜ່ານມາ ປະກອບມີ 3 ກິດຈະກຳຫຼັກຄື: ການພັດທະນາຊັບພະຍາກອນມະ ນຸດ, ການສະໜັບສະໜູນອຸປະກອບປະກອບໃຫ້ຫ້ອງທົດລອງ ແລະ ການສ້າງແຜນພັດທະນາວິທະຍາສາດ ແລະ ເຕັກໂນໂລຊີ ຂອງ ສປປ ລາວ ອີກ​ດ້ວຍ.

      ຂ່າວ​ໃຫ້​ຮູ້​ອີກ​ວ່າ: ໃນຕອນເຊົ້າຂອງວັນດຽວກັນ, ທ່ານ ເຈິນ ຕວນ ແອັງ ຫົວໜ້າສະຖາບັນປັດຕະພີວິທະຍາ ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ພ້ອມດ້ວຍຄະນະ ກໍໄດ້ເຂົ້າຢ້ຽມຂໍ່ານັບທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ​ເພື່ອ​ລາຍ​ງານ​ຜົນ​ການ​ພົວພັນ​ຮ່ວມ​ມື​ລະຫວ່າງ​ສອງ​ຝ່າຍ​ທີ່​ມີ​ຄວາມ​ຄືບ​ໜ້າ​ສູງ.