ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ

ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ - advert banner 728 90 728x90 - ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ
ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ - 48413624 2134229373302542 8070195050413293568 n - ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ

   ໃນໂອກາດໂອ້ລົມຊີ້ນໍາກອງປະຊຸມລັດຖະບານປະຈໍາເດືອນທັນວາ 2018 ຂອງທ່ານນາຍົກລັດຖະມົນຕີ ທອງລຸນ ສີສຸລິດ ເມື່ອບໍ່ດົນນີ້, ເຊິ່ງໄດ້ເນັ້ນວ່າ: ໃນປີໃໝ່ 2019 ຈະມາເຖິງນີ້, ຂໍໃຫ້ສະມາຊິກລັດຖະບານສືບຕໍ່ສຸມໃສ່ປະຕິບັດວຽກງານສໍາຄັນພື້ນຖານຂອງຊາດໃຫ້ມີປະສິດທິຜົນສູງ ຄື: ເພີ່ມທະວີຄວາມເອົາໃຈໃສ່ຮັກສາຄວາມສະຫງົບຕາມຊາຍແດນ, ຄວາມເປັນລະບຽບຮຽບຮ້ອຍໃນສັງຄົມໃຫ້ໜັກແໜ້ນ, ໂດຍສະເພາະແກ້ໄຂປາກົດການຫຍໍ້ທໍ້ຕ່າງໆ ເຊັ່ນ: ບັນຫາຢາເສບຕິດ, ອຸປະຕິເຫດບົນທ້ອງຖະໜົນ,​ ອັກຄີໄພ ແລະ ອາຊະຍາກໍາຕ່າງໆໃຫ້ຫລຸດລົງ, ໃຫ້ທຸກຂະແໜງການ ແລະ ທ້ອງຖິ່ນ ສືບຕໍ່ຜັນຂະຫຍາຍດໍາລັດວ່າດ້ວຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2019 ໃຫ້ມີປະສິດທິຜົນ. ສືບຕໍ່ຕິດຕາມສະພາບການປ່ຽນແປງຂອງພາກພື້ນ ແລະ ສາກົນ ທີ່ກໍາລັງຜັນແປຢ່າງສະຫລັບຊັບຊ້ອນ ແລະ ອາດສົ່ງຜົນກະທົບຕໍ່ດ້ານການເມືອງ, ເສດຖະກິດ-ສັງຄົມຂອງປະເທດເຮົາ, ພ້ອມທັງມີແຜນກະກຽມເພື່ອປ້ອງກັນຄວາມສ່ຽງຕ່າງໆທີ່ອາດຈະເກີດຂຶ້ນ. ເອົາໃຈໃສ່ຄຸ້ມຄອງເສດຖະກິດມະຫາພາກໃຫ້ມີຄວາມໝັ້ນທ່ຽງ, ປັບປຸງກົນໄກການອໍານວຍຄວາມສະດວກແກ່ການລົງທຶນ ແລະ ດໍາເນີນທຸລະກິດໃຫ້ມີບັນຍາກາດຟົດຟື້ນ. ສືບຕໍ່ປັບປຸງກົນໄກການປະສານງານໃນຂະບວນການລະບົບຍຸຕິທໍາໃຫ້ດີ, ສອດຄ່ອງລະບຽບກົດໝົດ ເພື່ອສ້າງສະພາບແວດລ້ອມ ແລະ ຄວາມເຊື້ອໝັ້ນ, ຄວາມຊັດທາ ໃນຂະບວນການຍຸຕິທໍາຕາມທິດສ້າງລັດແຫ່ງກົດໝາຍ. ສືບຕໍ່ເອົາໃຈໃສ່ພັດທະນາສີມືແຮງງານ ແລະ ຄຸ້ມຄອງແຮງງານຕ່າງປະເທດໃຫ້ໄປຕາມລະບຽບກົດໝາຍ, ໄປຄຽງຄູ່ການສ້າງວຽກເຮັດງານທໍາພາຍໃນປະເທດໃຫ້ຫລາຍຂຶ້ນ, ເພື່ອຫລຸດຜ່ອນການໄປອອກແຮງງານຢູ່ຕ່າງປະເທດທີ່ຜິດລະບຽບກົດໝາຍ. ເອົາໃຈໃສ່ຊຸກຍູ້ຂະບວນການຜະລິດລະດູແລ້ງໃຫ້ເປັນຂະບວນຟົດຟື້ນ ແລະ ທັນລະດູການ, ພ້ອມທັງສະໜອງແນວພັນ, ສະໜອງນໍ້າເຂົ້າໃສ່ພື້ນທີ່ການຜະລິດໃຫ້ພຽງພໍ ແລະ ເອົາໃຈໃສ່ຊ່ວຍເຫລືອດ້ານເຕັກນິກການປູກ-ການລ້ຽງຂອງຊາວກະສິກອນ, ພ້ອມທັງວິທີການປ້ອງກັນສັດຕູພືດ ແລະ ພະຍາດລະດູການຕ່າງໆທີ່ຈະເກີດຕາມມາ. ສຸມໃສ່ປັບປຸງການບໍລິການ, ແກ້ໄຂສິ່ງອັດຕັນຕ່າງໆໃນວຽກງານທ່ອງທ່ຽວ ເພື່ອດຶງດູດນັກທ່ອງທ່ຽວເຂົ້າມາທ່ອງທ່ຽວລາວໃຫ້ໄດ້ຫລາຍກວ່າປີຜ່ານມາ. ສືບຕໍ່ຕິດຕາມກວດກາການເຄື່ອນໄຫວຂອງຜູ້ປະກອບການ, ພະນັກງານ, ເຈົ້າໜ້າທີ່ ທີ່ມີສ່ວນກ່ຽວຂ້ອງສົມຮູ້ຮ່ວມຄິດໃນການລັກລອບຕັດໄມ້ທໍາລາຍປ່າ, ໄປຄຽງຄູ່ການປະຕິບັດລະບຽບວິໄນຕໍ່ຜູ້ກະທໍາຜິດຢ່າງເຂັ້ມງວດ ໂດຍມີການອອກຂ່າວຜ່ານສື່ຕ່າງໆໃຫ້ປະຊາຊົນຮັບຮູ້ ແລະ ທັງເປັນຫູເປັນຕາຊ່ວຍເຈົ້າໜ້າທີ່ ເພື່ອໃຫ້ຢຸດຕິການຂຸດຄົ້ນເຄື່ອງປ່າຂອງດົງໃນທົ່ວປະເທດຢ່າງສິ້ນເຊິງ. 

ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ - lattana 1 - ປີໃໝ່ນີ້ນາຍົກເນັ້ນໃຫ້ສະມາຊິກລັດ ຖະບານສຸມໃສ່ປະຕິບັດວຽກງານໃຫ້ມີປະສິດທິຜົນສູງ