ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ

ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ - advert banner 728 90 728x90 - ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ

ປີ 2019 ແຂວງເຊ ກອງໄດ້ຕັ້ງເປົ້າໝາຍຈະ ຮັກສາອັດຕາການຂະຫຍາຍຕົວຂອງເສດຖະກິດ ບໍ່ໃຫ້ຫຼຸດ 8%, ດັ່ງນັ້ນ ແຂວງ ມີຄວາມຕ້ອງການທຶນສູງ ເຖິງ 716 ຕື້ກີບເພື່ອນຳ ໃຊ້ເຂົ້າໃນການພັດທະນາພື້ນຖານໂຄງລ່າງຂະຫຍາຍ ຕົວເຂັ້ມແຂງຍິ່ງຂຶ້ນ.

ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ - lattana 1 - ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ

ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ - 2587414 - ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ

ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ, ຜູ້ຊີ້ນຳຂົງເຂດເສດຖະກິດຂັ້ນ ແຂວງ ໃຫ້ຮູ້ວ່າ: ໃນແຜນພັດທະນາເສດຖະກິດ- ສັງ ຄົມປີ 2019 ແຂວງ ມີຄວາມ ຕ້ອງການທຶນເພື່ອມາພັດທະນາດ້ານຕ່າງໆ ປະມານ 716 ຕື້ກີບໃນນັ້ນ ຄາດວ່າ ຈະໄດ້ຈາກການລົງທຶນຂອງ ລັດ 71,6 ຕື້ກີບ, ການຊ່ວຍເຫຼືອລ້າ ແລະ ກູ້ຢືມ  35,8 ຕື້ ກີບກວມເອົາ 5%, ການລົງທຶນຂອງເອກະຊົນ ທັງພາຍ ໃນ ແລະ ຕ່າງປະເທດປະ ມານ 250 ກວ່າຕື້ກີບ ແລະ ອີກ 358 ຕື້ກີບແມ່ນທຶນສິນ ເຊື່ອທະນາຄານ.

ທ່ານຮອງເຈົ້າ ແຂວງ ໃຫ້ຮູ້ຕື່ມອີກວ່າ: ໃນປີ 2018 ແຂວງເຊກອງສາມາດລະດົມ ແລະ ມີການລົງທຶນ ທັງໝົດ 1,1 ພັນຕື້ກີບ, ໃນ ນີ້ເປັນ ທຶນຈາກງົບປະມານ ຂອງ ລັດຫລາຍກວ່າ 100  ຕື້ກີບ, ທຶນຊ່ວຍເຫຼືອລ້າ  ແລະ ກູ້ຢືມຫລາຍກວ່າ 63 ຕື້ ກີບ, ທຶນຂອງພາກເອກະຊົນ ພາຍໃນ ແລະ ຕ່າງປະເທດ 398 ກວ່າຕື້ກີບ ແລະ ທຶນສິນເຊື່ອຂອງທະນາຄານ  619 ຕື້ກີບ, ໂດຍຜ່ານການ ລົງທຶນຄືດັ່ງກ່າວໄດ້ເຮັດ ໃຫ້ເສດຖະກິດຂອງ ແຂວງ ນັບມື້ເພີ່ມຂຶ້ນ ຊຶ່ງສະແດງ ອອກດ້ານກະສິກຳປ່າໄມ້ ປ່ຽນຈາກ 41,78% ມາ   ເປັນ 40,54%, ອຸດສາຫະ ກຳຈາກ 22,19%       ມາເປັນ 22,98% ແລະ ບໍລິການ ປ່ຽນຈາກ 36,03% ມາເປັນ 36,48%.

ພ້ອມກັນນັ້ນ ຂະບວນ ການຜະລິດກະສິກຳເປັນສິນຄ້າກໍມີການຂະຫຍາຍຕົວຢ່າງກວ້າງຂວາງຄື: ປັດຈຸບັນທົ່ວແຂວງມີເນື້ອທີ່ປູກພືດເປັນສິນຄ້າທັງໝົດ 23.028 ເຮັກຕາ, ລື່ນແຜນ ການທີ່ວາງໄວ້ເກືອບ  30%. ນອກນັ້ນຍັງມີສັດລ້ຽງປະເພດຄວາຍ 24.481 ໂຕ, ງົວ 31.786 ໂຕ, ໝູ 197.865 ໂຕ, ແບ້ 21.928 ໂຕ ແລະ ສັດປີກ 1 ລ້ານກວ່າໂຕ./.

ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ - 336982 - ເຊກອງຕ້ອງການທຶນກວ່າ 700 ຕື້ກີບ ເພື່ອການພັດທະນາ