ປີໃໝ່ນີ້ນະຄອນຫລວງຈະສູ້ຊົນເກັບລາຍຮັບໃຫ້ບັນລຸ 1.357 ກວ່າຕື້ກີບ

ປີໃໝ່ນີ້ນະຄອນຫລວງຈະສູ້ຊົນເກັບລາຍຮັບໃຫ້ບັນລຸ 1.357 ກວ່າຕື້ກີບ - advert banner 728 90 728x90 - ປີໃໝ່ນີ້ນະຄອນຫລວງຈະສູ້ຊົນເກັບລາຍຮັບໃຫ້ບັນລຸ 1.357 ກວ່າຕື້ກີບ

ທ່ານຫົວໜ້າພະແນກການເງິນນະຄອນຫລວງວຽງຈັນ ໃຫ້ຮູ້ວ່າ: ປີ 2019 ນີ້, ຂະແໜງການຕົນຈະສູ້ຊົນປະຕິບັດຈັດເກັບລາຍຮັບເຂົ້າງົບປະມານທີ່ສູນກາງມອບໝາຍໃຫ້ບັນລຸຕົວເລກ 1.357,67 ຕື້ກີບ ເມື່ອທຽບໃສ່ປີ 2018 ເພີ່ມຂຶ້ນ 11,4%. ໃນນີ້, ລາຍຮັບພູດສ່ວຍສາອາກອນ 1.293,37 ຕື້ກີບ, ຄຸ້ມຄອງຊັບສີນຂອງລັດ 63,67 ຕື້ກີບ ແລະ ຄຸ້ມຄອງລັດວິສາຫະກິດ ແລະ ປະກັນໄພ 633,10 ລ້ານກີບ. ສ່ວນລາຍຈ່າຍແມ່ນຢູ່ໃນລະດັບ 533,77 ຕື້ກີບ (ຕົວເລກນີ້ຍັງລວມລາຍຈ່າຍການລົງທຶນຂອງລັດ).

ປີໃໝ່ນີ້ນະຄອນຫລວງຈະສູ້ຊົນເກັບລາຍຮັບໃຫ້ບັນລຸ 1.357 ກວ່າຕື້ກີບ - lattana 1 - ປີໃໝ່ນີ້ນະຄອນຫລວງຈະສູ້ຊົນເກັບລາຍຮັບໃຫ້ບັນລຸ 1.357 ກວ່າຕື້ກີບ

  ຫົວໜ້າພະແນກດັ່ງກ່າວ ໃຫ້ຮູ້ວ່າ: ເພື່ອເຮັດໃຫ້ບັນລຸຕົວເລກລາຍຮັບດັ່ງກ່າວ, ຈະສຸມໃສ່ປະຕິບັດກົນໄກ ແລະ ມາດຕະການສໍາຄັນຄື: ເພີ່ມທະວີຄວາມເອົາໃຈໃສ່ຍົກສູງການເມືອງແນວຄິດຂອງພະນັກງານລັດຖະກອນໃຫ້ໜັກແໜ້ນ, ເຂັ້ມງວດປະຕິບັດວິໄນການເງິນ, ປະຕິບັດລະບຽບກົດໝາຍ, ກວດກາແຫລ່ງລາຍຮັບຕ່າງໆໃຫ້ຄົບຸຖ້ວນລວມສູນ, ສະກັດກັ້ນການລັກລອບໜີພາສີ-ອາກອນ ແລະ ການຄ້າຂາຍເຖື່ອນຕ່າງໆ ແລະ ອັນສໍາຄັນແມ່ນນໍາໃຊ້ເຄື່ອງມືທັນສະໄໝເຂົ້າໃນວຽກງານການເກັບຄ່າພັນທະພາສີອາກອນ ແລະ ຄ່າທໍານຽມຕ່າງໆໃຫ້ກວ້າງຂວາງ.

  ຫົວໜ້າພະແນກການເງິນ ກ່າວວ່າ: ປີ 2018 ນີ້, ການຈັດເກັບລາຍຮັບງົບປະມານໄດ້ 1.222,71 ຕື້ກີບ ເທົ່າກັບ 94,54% ຂອງແຜນການ ແລະ ສາເຫດຕົ້ນຕໍທີ່ພາໃຫ້ບໍ່ສາມາດບັນລຸແຜນການນັ້ນແມ່ນຍ້ອນລາຍຮັບຈາກທີ່ດິນເກັບບໍ່ໄດ້ຕາມເປົ້າໝາຍ, ການປະຕິບັດການຂຶ້ນບັນຊີເຕົ້າໂຮມຊັບສີນທີ່ສານຕັດສີນຮິບເປັນຂອງລັດ ແລະ ການເກັບລາຍຮັບຈາກຊັບພະຍາກອນບໍ່ສາມາດປະຕິບັດໄດ້. ນອກນີ້, ການຕິດຕັ້ງເຄື່ອງບັນທຶກການຂາຍສີນຄ້າ ແລະ ບໍລິການໃຫ້ແກ່ຫົວໜ່ວຍທຸລະກິດຕ່າງໆ ຍັງບໍ່ທັນເປັນຂໍ້ມູນເພື່ອຄິດໄລ່ອາກອນໄດ້. ອີກບັນຫາໜຶ່ງແມ່ນເກີດຈາກການປ່ຽນແປງດ້ານນິຕິກໍາບາງອັນ ເປັນຕົ້ນ: ການກໍານົດເກັບຄ່າທໍານຽມຄັງແຮນໍ້າມັນໄດ້ຫລຸດລົງຈາກ 520 ເຫລືອພຽງ 300 ກີບຕໍ່ລິດ ແລະ ຄາດວ່າຈະສືບຕໍ່ຫລຸດຫລົງໃຫ້ເຫລືອພຽງ 100 ກີບຕໍ່ລິດ, ເຊິ່ງທັງໝົດນັ້ນຖືວ່າເປັນສິ່ງທ້າທາຍສໍາລັບວຽກງານການຈັດເກັບລາຍຮັບພວກເຮົາ.