ສະມັດຕະພາບທາງເພດແຂງແຮງຈາກອາຫານທຳມະຊາດ

ສະມັດຕະພາບທາງເພດແຂງແຮງຈາກອາຫານທຳມະຊາດ - advert banner 728 90 728x90 - ສະມັດຕະພາບທາງເພດແຂງແຮງຈາກອາຫານທຳມະຊາດ


     1. ໝາກກ້ວຍ : ອຸດົມໄປດ້ວຍສານອາຫານ ແລະ ວິຕາມິນ ບໍ່ພຽງແຕ່ຈະຊ່ວຍເລື່ອງພະລະກຳລັງ ແລະ ຄວາມແຂງແຮງຂອງກ້າມຊີ້ນ ຈາກການວິໄຈຍັງພົບວ່າ ໝາກກ້ວຍເປັນໝາກໄມ້ທີ່ມີສ່ວນຊ່ວຍບຳລຸງສະມັດຕະພາບທາງເພດໄດ້ເປັນຢ່າງດີ ເພາະນອກຈາກຈະມີສານອາຫານຈຳພວກແປ້ງ ແລະ ນຳ້ຕານແລ້ວ ໝາກກ້ວຍຍັງມີແຮ່ທາດໂປຣຕັສຊຽມ ເຊິ່ງຈະຊ່ວຍກະຕຸ້ນການເຮັດວຽກຂອງລະບົບປະສາດ ແລະ ກ້າມຊີ້ນ.

ສະມັດຕະພາບທາງເພດແຂງແຮງຈາກອາຫານທຳມະຊາດ - lattana 1 - ສະມັດຕະພາບທາງເພດແຂງແຮງຈາກອາຫານທຳມະຊາດ

     2. ໝາກນັດ : ເປັນໝາກໄມ້ທີ່ມີປະໂຫຍດຫລາຍ ໂດຍສະເພາະແກນໝາກນັດ ເພາະມີສານຮໍໂມນກະຕຸ້ນດ້ານເພດໃນຜູ້ຊາຍ, ແຕ່ຖ້າທ່ານໃດບໍ່ສະດວກກິນໝາກນັດສົດໆກໍສາມາດດື່ມໃນຮູບແບບນຳ້ໝາກນັດກໍໄດ້ ນອກຈາກຈະຊ່ວຍເລື່ອງສະມັດຕະພາບທາງເພດແລ້ວ ໃນໝາກນັດຍັງມີວິຕາມິນເຊທີ່ເປັນສານຕ້ານອະນຸມູນອິດສະລະນຳອີກ ກິນແລ້ວສຸຂະພາບຜິວຍັງສົດໃສກ້ຽງງາມຂຶ້ນນຳ.

     3. ໝາກສະຕໍເບີຣີ : ອຸດົມໄປດ້ວຍວິຕາມິນເຊສາມາດຕ້ານອະນຸມູນອິດສະລະ ທັງຍັງມີສ່ວນໃນການຕ້ານຄວາມເສື່ອມເຖົ້າ ແລະ ປ້ອງກັນການເປັນໄຂ້ຫວັດ ແລະ ພູມແພ້ໄດ້. ວຽກງານວິໄຈຈາກມະຫາວິທະຍາໄລ California ພົບວ່າການກິນໝາກສະຕໍເບີຣີຈະຊ່ວຍເພີ່ມປະລິມານອະສຸຈິໄດ້.

    4. ໝາກພິລາ : ອຸດົມໄປດ້ວຍສານຕ້ານອະນຸມູນອິດສະລະຢ່າງຫລາກຫລາຍ  ຈຶ່ງຊ່ວຍໃນເລື່ອງສຸຂະພາບຜິວໄດ້ດີ ສິ່ງສຳຄັນຍັງສາມາດຊ່ວຍກະຕຸ້ນໃຫ້ເລືອດໝູນວຽນໄດ້ດີ ສົ່ງຜົນໃຫ້ອະໄວຍະວະເພດແຂງແຮງ ແລະ ບໍ່ອ່ອນແອກ່ອນໄວອັນຄວນ.

     5. ອະໂວກາໂດ : ມີກົດໄຂມັນບໍ່ອີ່ມໂຕໃນປະລິມານຫລາຍ ເຮັດໃຫ້ດີຕໍ່ຫົວໃຈ ແລະ ລະບົບຫລອດເລືອດ ທັງນີ້ກົດໂຟລິກທີ່ມີໃນໝາກອະໂວກາໂດຍັງຊ່ວຍເພີ່ມຄວາມຕ້ອງການທາງເພດ ຊ່ວຍໃນການເຜົາຜານໂປຣຕິນ ແລະ ເພີ່ມພະລັງງານໃຫ້ກັບຮ່າງກາຍ.

     6. ໝາກເຜັດ : ໃນຄວາມເຜັດຮ້ອນມີສານແຄັບຊິລີນ ຊ່ວຍເພີ່ມຄວາມຕ້ອງການທາງເພດ ເຮັດໃຫ້ອັດຕາການເຕັ້ນຂອງຫົວໃຈສູງຂຶ້ນ ລວມໄປເຖິງກະຕຸ້ນການຫລັ່ງສານເອັນໂດຟິນ ເຊິ່ງເປັນໂຕການເຮັດໃຫ້ເຮົາອາລົມດີ ແລະ ມີຄວາມສຸກ ເຊິ່ງຫາກກິນໃນປະລິມານທີ່ພໍດີ ຮັບຮອງເກີດປະໂຫຍດຕໍ່ສະມັດຕະພາບທາງເພດ.

     7.​ ໝາກໂມ : ຜົນການວິໄຈຈາກສະຫະລັດອາເມລິກາພົບວ່າ  ການກິນໝາກໂມຈະສົ່ງຜົນກັບລະບົບໄຫລວຽນເລືອດທົ່ວຮ່າງກາຍ ແລະ ອາດເພີ່ມຄວາມຕ້ອງການທາງເພດໄດ້ນຳ ເນື່ອງຈາກໃນໝາກໂມມີກົດອະມິໂນຊິທຣູລີນ ຈຶ່ງສາມາດເພີ່ມສະມັດຕະພາບໄດ້ ນອກຈາກນີ້ແກ່ນໝາກໂມຍັງອຸດົມໄປດ້ວຍໂປຣຕິນ, ຄາໂບໄຮເດຣດ, ທາດການຊຽມ, ສັງກະສີ, ກາກໄຍອາຫານ ແລະອື່ນໆ.

     8. ແກ່ນໝາກອຶ : ມີແຮ່ທາດສັງກະສີຄືໃນຫອຍນາງລົມ ຈຶ່ງຊ່ວຍເລື່ອງຄວາມແຂງແຮງຂອງອະສຸຈິ ແລະ ປ້ອງກັນການຂາດຮໍໂມນເທສໂຕສເຕີໂຣນໃນເພດຊາຍ ນອກຈາກນີ້, ແກ່ນໝາກອຶຍັງມີສານຕ້ານອະນຸມູນອິດສະລະອີກຫລາຍຊະນິດທີ່ມີຄວາມຈຳເປັນຕໍ່ຮ່າງກາຍ.

     9. ຂີງ : ຊ່ວຍຍ່ອຍອາຫານ, ຊ່ວຍໃນການໄຫລວຽນເລືອດ, ແກ້ໄຂ້ຫວັດ ແລະ ຫລຸດອາການວິນຫົວປວດຮາກຈາກການເມົາລົດ, ເມົາເຮືອ, ເມົາເຮືອບິນ. ຂີງ ຍັງເພີ່ມການໄຫລວຽນເລືອດທົ່ວຮ່າງກາຍ ລວມເຖິງຢູ່ອະໄວຍະວະເພດນຳ.

     10. ຜັກທຽມ : ມີສານ allicin ຊ່ວຍໃຫ້ລະບົບໄຫລວຽນເລືອດບໍລິເວນອະໄວຍະວະເພດຊາຍໄຫລວຽນໄດ້ດີ ສິ່ງສຳຄັນຍັງຊ່ວຍເພີ່ມຄວາມຕ້ອງການທາງເພດນຳອີກ ທັງນີ້ນອກຈາກເລື່ອງເພດແລ້ວ ຜັກທຽມຍັງແກ້ໄຂບັນຫາຜົມຂາດຫລົ່ນ, ປິ່ນປົວສິວ ລວມທັງເໝາະສົມໃຊ້ເປັນສ່ວນປະກອບໃນອາຫານໃຫ້ກັບຜູ້ຊາຍທີ່ຄວບຄຸມນຳ້ໜັກນຳອີກ.

     ນອກຈາກອາຫານທີ່ແນະນຳມາຂ້າງເທິງນັ້ນ ຢ່າລືມກິນອາຫານໃຫ້ຄົບທັງ 5 ໝວດ, ໝັ່ນອອກກຳລັງກາຍຢ່າງສະໝໍ່າສະເໝີຢ່າງໜ້ອຍອາທິດລະ 3 ເທື່ອ, ຫລີກເວັ້ນອາຫານມັນ, ອາຫານຫວານ ແລະ ເຄື່ອງດື່ມອານກໍຮໍ ພຽງເທົ່ານີ້ທ່ານກໍຈະມີສຸຂະພາບດີຈາກພາຍໃນສູ່ພາຍນອກ.