ເສດຖະກິດຫວຽດນາມປີ 2018 ເຕີບໃຫຍ່ຕໍ່ເນື່ອງ 7,08%

ເສດຖະກິດຫວຽດນາມປີ 2018   ເຕີບໃຫຍ່ຕໍ່ເນື່ອງ 7,08% - advert banner 728 90 728x90 - ເສດຖະກິດຫວຽດນາມປີ 2018   ເຕີບໃຫຍ່ຕໍ່ເນື່ອງ 7,08%

      ອັດຕາ​ເຕີບ​ໃຫຍ່​ຂອງ​ເສດຖະກິດ ສສ ຫວຽດນາມ ສູງ​ເກີນ​ເປົ້າໝາຍ​ກວ່າ 7% ​ໃນ​ປີ 2018 ​ແລະ ສູງ​ສຸດ​ໃນ​ຮອບ 10 ປີ ​ໂດຍ​ໄດ້​ປັດ​ໄຈ​ຫລັກ​ຈາກ​ອຸດສາຫະກຳ​ການ​ຜະລິດ.

ເສດຖະກິດຫວຽດນາມປີ 2018   ເຕີບໃຫຍ່ຕໍ່ເນື່ອງ 7,08% - lattana 1 - ເສດຖະກິດຫວຽດນາມປີ 2018   ເຕີບໃຫຍ່ຕໍ່ເນື່ອງ 7,08%

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຫວຽດນາມ​ເປັນ​ໜຶ່ງ​ໃນ​ປະ​ເທດ​ທີ່​ເສດຖະກິດ​ເຕີບ​ໃຫຍ່​ວ່ອງ​ໄວ​ທີ່​ສຸດ​ໃນ​ອາ​ຊຽນ, ອັດຕາ​ເຕີບ​ໃຫຍ່​ຂອງ GDP ຫລື ລວມຍອດ​ຜະລິດ​ຕະພັນ​ພາຍ​ໃນ ສູງ​ກວ່າ 5% ຕະຫລອດ 5 ປີຜ່ານມາ ສ່ວນ​ຫລາຍ​ຖືກ​ຂັບ​ເຄື່ອນ​ໂດຍ​ສິນຄ້າ​ໂຮງງານ​ຜະລິດ​ລາຄາ​ຖືກ ນັບ​ແຕ່​ເກີບ​ກິລາ​ໄນ​ກີ້ ​ໄປ​ຈົນ​ເຖິງ​ເສື້ອຍືດ H & M ລວມທັງ​ຜະລິດ​ຕະພັນ​ເຕັກ​ໂນ​ໂລ​ຊີ​ເຊັ່ນ: ​ໂທລະສັບ​ມື​ຖື​ຊຳ​ຊຸງ ​ແລະ ຊີ​ພີ​ຢູຂອງ​ອິນ​ເທ​ລ.

      ​ແຕ່​ການ​ເຕີບ​ໃຫຍ່ 7,08% ຂອງ​ປີ 2018 ​ເກີນ​ເປົ້າໝາຍ​ທີ່​ລັດຖະບານ​ຫວຽດນາມ​ຕັ້ງ​ໄວ້​ໃນ​ລະດັບ 6,7%. ທ່ານ ຫງວຽນ ບິ ຫັນ ອຳນວຍ​ການ​ສຳນັກງານ​ສະຖິຕິ​ກາງ​ຫວຽດນາມ (GSO) ກ່າວ​ວ່າ: ຂະ​ແໜງ​ແປ​ຮູບ ​ແລະ ການ​ຜະລິດ​ເປັນ​ຕົວ​ຂັບ​ເຄື່ອນ​ຫລັກ​ຂອງ​ການ​ເຕີບ​ໃຫຍ່​.

       ທ່ານ ຫງວຽນ ບິ ຫັນ ກ່າວ​ອີກ​ວ່າ: ​ເສດຖະກິດ​ຫວຽດນາມ​ຈະ​ຍັງ​ເຕີບ​ໃຫຍ່​ຢ່າງ​ແຂງ​ແຮງ​ຕໍ່​ໄປ​ໃນ​ປີ​ນີ້ ​ໂດຍ​ຈະ​ມີ​ຫລາຍ​ໂຄງການ​ເປັນ​ຕົວ​ຂັບ​ເຄື່ອນ​ເພີ່ມ​ເຂົ້າມາ​ອີກ​ເຊັ່ນ: ວິນ​ຟາ​ສ ບໍລິສັດ​ປະກອບ​ລົດຍົນ​ທ້ອງ​ຖິ່ນ​ຂອງ​ວິນ​ກຣຸບ ບໍລິສັດ​ເອກະ​ຊົນ​ຂະໜາດ​ໃຫຍ່​ທີ່​ສຸດ​ຂອງ​ປະ​ເທດ.

       ວິນ​ກຣຸບຂອງ​ທ່ານ ຟາ​ມ ນັດ ວອງ ມະຫາ​ເສດຖີ​ອັນ​ດັບ 1 ຂອງ​ຫວຽດນາມ ​ເມື່ອ​ມໍ່​ໆ​ນີ້​ຫາ​ກໍ​ເປີດ​ຕົວ​ໂທລະສັບ​ມື​ຖື​ຜະລິດ​ໃນ​ປະ​ເທດ ​ໃນ​ຄວາມ​ພະຍາຍາມ​ຄອງ​ສ່ວນ​ແບ່ງ​ຕະຫລາດ​ການ​ສື່ສານ​ທີ່​ຮຸ່ງ​ເຮືອງ.

       ​ເຖິງ​ຢ່າງ​ໃດ​ກໍ​ຕາມ, ທະນາຄານ​ໂລກ​ທວາຍ​ວ່າ: ​ເສດຖະກິດ​ຫວຽດນາມ​ຈະ​ຂະຫຍາຍຕົວ​ຊ້າ​ລົງ ​ໃນ​ໄລຍະ 2 ປີ​ຕໍ່ໜ້າ ຖ້າ​ທາງ​ການ​ຮ່າ​ໂນ້ຍບໍ່​ປົກ​ປ້ອງ​ຕົນ​ເອງ​ຈາກ​ຄວາມ​ເຄັ່ງ​ຕຶງ​ໃນ​ການ​ຄ້າ​ໂລກ​ທີ່​ກຳລັງ​ຂະຫຍາຍຕົວ.