6 ປະເທດ TPP ເລີ່ມບັງຄັບໃຊ້ ຂໍ້ຕົກລົງຫລຸດພາສີ

6 ປະເທດ tpp ເລີ່ມບັງຄັບໃຊ້ ຂໍ້ຕົກລົງຫລຸດພາສີ - advert banner 728 90 728x90 - 6 ປະເທດ TPP ເລີ່ມບັງຄັບໃຊ້ ຂໍ້ຕົກລົງຫລຸດພາສີ

     ການ​ບັງຄັບ​ໃຊ້ຂໍ້​ຕົກລົງ TPP ຢ່າງ​ເປັນ​ທາງ​ການ​ຂອງ 6 ປະ​ເທດ ມີ​ຂຶ້ນຫລັງ​ຈາກ​ບັນດາ​ລັດຖະມົນຕີ​ຈາກ 11 ປະ​ເທດ​ສະມາຊິກ​ຂອງ​ຂໍ້​ຕົກລົງ TPP ​ໄດ້​ລົງ​ນາມ​ໃນ​ຂໍ້​ຕົກລົງ​ຄວບ​ຄຸມ ​ແລະ ກ້າວໜ້າ​ເພື່ອ​ຫຸ້ນ​ສ່ວນ​ການ​ຄ້າ​ທຣານ-ປາຊີ​ຟິກ (CPTPP) ​ໃນ​ເດືອນ​ມີນາ 2018 ທີ່​ປະ​ເທດ​ຊີ​​ເລ ສະທ້ອນ​ເຖິງ​ການ​ຮ່ວມ​ມື​ກັນ​ໃນ​ການ​ຊຸກຍູ້​ຂໍ້​ຕົກລົງ​ການ​ຄ້າ​ເສລີ ທ່າມກາງ​ການ​ໃຊ້​ນະ​ໂຍບາຍ​ປົກ​ປ້ອງ​ທາງ​ການ​ຄ້າ​ຈາກ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໂດຍ 11 ປະ​ເທດ​ສະມາຊິກ TPP ມີ​ເປົ້າໝາຍ​ຈະ​ເຮັດ​ໃຫ້​ຂໍ້​ຕົກລົງ CPTPP ມີ​ຜົນ​ບັງຄັບ​ໃຊ້​ໃນຕົ້ນປີ 2019 ​ເພື່ອ​ສ້າງ​ເຂດ​ການ​ຄ້າ​ທີ່​ມີ​ອັດຕາ​ສ່ວນ​ເກືອບ 13% ຂອງ GDP ທົ່ວ​ໂລກ ​ແລະ ຄວບ​ຄຸມ​ປະຊາກອນ​ປະມານ 500 ລ້ານ​ຄົນ.

6 ປະເທດ tpp ເລີ່ມບັງຄັບໃຊ້ ຂໍ້ຕົກລົງຫລຸດພາສີ - lattana 1 - 6 ປະເທດ TPP ເລີ່ມບັງຄັບໃຊ້ ຂໍ້ຕົກລົງຫລຸດພາສີ

       ທັງ​ນີ້ 11 ປະ​ເທດ​ສະມາຊິກ TPP ປະກອບ​ມີ ອົດ​ສະຕຣາລີ, ບຣູ​ໄນ, ກາ​ນາ​ດາ, ຊີ​ເລ, ຍີ່ປຸ່ນ, ມາ​ເລ​ເຊຍ, ​ເມັກ​ຊິກ, ນິວຊີ​ແລນ, ​ເປຣູ, ສິງກະ​ໂປ ​ແລະ ຫວຽດນາມ. ຂະນະ​ທີ່​ອາ​ເມ​ລິ​ກາ​ປະກາດ​ຖອນ​ຕົວ​ໄປ​ໃນ​ປີຜ່ານມາ.

       ສ່ວນ​ຫວຽດນາມ ​ເຊິ່ງຈະ​ເລີ່​ມບັງຄັບ​ໃຊ້​ຂໍ້​ຕົກລົງ TPP ຢ່າງ​ເປັນ​ທາງ​ການ​ໃນ​ວັນ​ທີ 14 ມັງກອນນີ້ ກຽມ​ຫລຸດ​ກົດ​ລະບຽບ​ຕ່າງໆ​ເພື່ອ​ເປີດ​ເສລີ​ອຸດສາຫະກຳ​ຄ້າ​ຍ່ອຍ​ ​ເຊິ່ງການ​ປ່ຽນ​ແປງ​ນີ້​ຈະ​ເປີດ​ໂອກາດ​ໃຫ້​ແກ່​ບັນດາ​ເຄືອ​ຂ່າຍ​ຮ້ານ​ຄ້າຈາກ​ປະ​ເທດ​ສະມາຊິກ TPP ອື່ນໆ​ຂະຫຍາຍ​ສາຂາ​​ເຂົ້າ​ໄປ​ໃນ​ຕະຫລາດ​ຫວຽດນາມ ທີ່​ຖື​ເປັນ​ໜຶ່ງ​ໃນ​ກຸ່ມ​ອາ​ຊຽນທີ່​ມີ​ອັດຕາ​ການ​ເຕີບ​ໃຫຍ່​ທາງ​ເສດຖະກິດ​ວ່ອງ​ໄວ​ທີ່​ສຸດ.

       ຂະນະ​ທີ່​ມາ​ເລ​ເຊຍ ຈະ​ເປີດ​ເສລີ​ອຸດສາຫະກຳ​ການ​ເງິນ​ຫລາຍ​ຂຶ້ນ ​ໂດຍ​ການ​ອະນຸຍາດ​ໃຫ້​ທະນາຄານ​ຈາກ​ກຸ່ມ​ສະມາຊິກ TPP ທັງ 11 ປະ​ເທດ​ເຂົ້າ​ໄປ​ເປີດ​ສາຂາ​ໃນ​ປະ​ເທດ​ໄດ້ 16 ​ແຫ່ງ ​ເພີ່ມ​ຂຶ້ນຈາກ​ປັດຈຸບັນ 2 ​ເທົ່າ.