ມາເນ່ ບໍ່ຖືກລົງໂທດຢ້ອນຫລັງ

ມາເນ່ ບໍ່ຖືກລົງໂທດຢ້ອນຫລັງ - advert banner 728 90 728x90 - ມາເນ່ ບໍ່ຖືກລົງໂທດຢ້ອນຫລັງ

      ​ເດິ ຊັນ ສື່​ຂອງ​ອັງກິດ ລະບຸ​ວ່າ: ຊາ​ດິ​ໂອ ມາ​ເນ່ ດາວ​ເຕະ ລິ​ເວີ​ພູລ ຈະ​ບໍ່​ຖືກ​ລົງ​ໂທດ​ຢ້ອນ​ຫລັງ​ໃນ​ຈັງຫວະ​ທີ່​ບີບ​ຄໍ ສະ​ເຕຟານ ລິກ​ໄຕ​ເນີ ຟູ​ລ​ແບັກ ອາ​ເຊ​ນອລ ​ແຕ່​ຢ່າງ​ໃດ ​ໂດຍຈັງຫວະ​ດັ່ງກ່າວ​ເລີ່​ມຈາກ ລິກ​ໄຕ​ເນີ ສອກ​ໃສ່​ອີກ​ຝ່າຍ.

ມາເນ່ ບໍ່ຖືກລົງໂທດຢ້ອນຫລັງ - lattana 1 - ມາເນ່ ບໍ່ຖືກລົງໂທດຢ້ອນຫລັງ

      ​ຊາ​ດິ​ໂອ ມາ​ເນ່ ປີກ​ຄົນ​ເກັ່ງ​ຂອງ ລິ​ເວີ​ພູລ ຈະ​ບໍ່​ຖືກ​ລົງ​ໂທດ​ຢ້ອນ​ຫລັງ ຈາກ​ກໍລະນີ​ທີ່​ລາວ​ບີບ​ຄໍ ສະ​ເຕຟານ ລິກ​ໄຕ​ເນີ ​ແບັກ​ຂວາ ອາ​ເຊ​ນອລ ລະຫວ່າງ​ເກ​ມ ພຣີ​ເມຍ​ລີກ ອັງກິດ ນັດ​ທີ່ ລິ​ເວີ​ພູລ ​ເປີດ​ສະໜາມ ​​ແອນ​ຟິລ ​ໄລ່​ຖະຫລົ່ມ​ອີກ​ຝ່າຍ 5-1 ​ໃນ​ວັນ​ທີ 29 ທັນວາ​ຜ່ານ​ມາ.

     ​ໃນ​ນາທີ 6 ຂອງ​ນັດ​ດັ່ງກ່າວ ລິ​ເວີ​ພູລ ​ໄດ້​ໂອກາດ​ບຸກຈາກ​ຈັງຫວະ​ທີ່​ມີ​ການ​ໂຍນ​ບານ​ເຂົ້າມາ​ໃນ​ກອບ​ເຂດ​ໂທດ ​ເຊິ່ງ ມາ​ເນ່ ຫວັງ​ຈະ​ເຂົ້າ​ໄປ​ຍິງ​ປະຕູ​ໃຫ້​ໄດ້ ​ແຕ່​ຖືກ ລິກ​ໄຕ​ເນີ ຂວາງ​ທາງ​ເອົາ​ໄວ້ ​ໂດຍ​ດາວ​ເຕະ​ຂອງ​ທີ​ມຢາມ​ສອກ​ໃສ່​ຄູ່​ແຂ່ງ​ເພື່ອ​ເຮັດ​ໃຫ້​ອີກ​ຝ່າຍ​ເສຍ​ຈັງຫວະ.

      ​ເລື່ອງ​ດັ່ງກ່າວ​ເຮັດ​ໃຫ້ ມາ​ເນ່ ​ເສຍ​ຈັງຫວະ​ຈົນ​ເຮັດ​​ໄດ້​ພຽງ​ແຕ່​​ເອົາ​ຫົວ​ຕຳ​ເບົາໆ​ໄປ​ເຂົ້າ​ມື ​ແບຣນ ​ເລ​ໂນ່ ຜູ້​ຮັກສາ​ປະຕູ​ຂອງ ອາ​ເຊ​ນອລ ​ເຊິ່ງອະດີດ​ປີກ ​ເຊົາ​ແທມຕັນ ບໍ່ພໍ​ໃຈ​ເລັກ​ໜ້ອຍ​ຈົນ​ເອົາ​ມື​ໄປ​ບີບ​ຄໍ ລິກ​ໄຕ​ເນີ ​ໂດຍ​ກຳມະການ ​ໄມ​ເຄິ່ລ ​ໂອ​ລິ​ເວີ ​ເປົ່າ​ໃຫ້ ອາ​ເຊ​ນອລ ​ໄດ້​ຟຣີຄິກ​ເທົ່າ​ນັ້ນ ບໍ່​ໄດ້​ເຖິງ​ຂັ້ນ​ແຈກ​ໃບ​ເຫລືອງ​ໃບ​ແດງ​ໃຫ້ ມາ​ເນ່ ​ແຕ່​ຢ່າງ​ໃດ.

      ທັງ​ນີ້ ຈັງຫວະ​ດັ່ງກ່າວ​ເຮັດ​ໃຫ້​ເກີດ​ການ​ຕັ້ງບັນຫາ​ວ່າ: ມາ​ເນ່ ຈະ​ຖືກ​ດຳ​ເນີນ​ມາດ​ຕະການ​ຢ້ອນ​ຫລັງ ຂໍ້​ຫາ​ຫລິ້ນຮຸນ​ແຮງ​ເກີນ​ກວ່າ​ເຫດ ຫລື ບໍ່. ​ເຖິງ​ຢ່າງ​ໃດ​ກໍ​ຕາມ, ​ເດິ ຊັນ ​ເປີດ​ເຜີຍ​ວ່າ: ກົດ​ລະບຸ​​ເອົາ​ໄວ້​ວ່າ: ການ​ລົງ​ໂທດ​ຢ້ອນ​ຫລັງ​ຈະ​ເກີດ​ຂຶ້ນ​ໄດ້​ກໍ​ຕໍ່​ເມື່ອ​ກຳມະການ​ບໍ່​ເຫັນ​ຈັງຫວະ​ນັ້ນໆ​ເທົ່າ​ນັ້ນ. ຂະນະ​ທີ່​ໃນ​ກໍລະນີ​ນີ້ ​ໂອ​ລິ​ເວີ ​ເຫັນ​ຈັງຫວະ​ທີ່​ເປັນ​ບັນຫາ ກ່ອນ​ຈະ​ເປົ່າ​ຟຣີຄິກ​ໃຫ້ ອາ​ເຊ​ນອລ ສົ່ງ​ຜົນ​ໃຫ້ ມ​າ​ເນ່ ຈະ​ບໍ່​ຖືກ​ດຳ​ເນີນ​ມາດ​ຕະການ​ຢ້ອນ​ຫລັງ​ແຕ່​ຢ່າງ​ໃດ.