ປີ​ໃໝ່​ເອົາ​ໃຈ​ໃສ່​ປະຕິບັດ​ຄຳ​ສັ່ງ​ເລກທີ 15/ນຍ ​ໃຫ້ເຂັ້ມງວດ​ຂຶ້ນກວ່າ​ເກົ່າ.

ປີ​ໃໝ່​ເອົາ​ໃຈ​ໃສ່​ປະຕິບັດ​ຄຳ​ສັ່ງ​ເລກທີ 15/ນຍ ​ໃຫ້ເຂັ້ມງວດ​ຂຶ້ນກວ່າ​ເກົ່າ. - advert banner 728 90 728x90 - ປີ​ໃໝ່​ເອົາ​ໃຈ​ໃສ່​ປະຕິບັດ​ຄຳ​ສັ່ງ​ເລກທີ 15/ນຍ ​ໃຫ້ເຂັ້ມງວດ​ຂຶ້ນກວ່າ​ເກົ່າ.

      ກອງ​ປະຊຸມ​ລັດຖະບານ​ປະຈຳ​ເດືອນ​ທັນວາ 2018 ຜ່ານ​ມາ, ສະມາຊິກ​ລັດຖະບານ​ໄດ້​ພິຈາລະນາ ​ແລະ ຕົກລົງ​ເປັນ​ເອກະ​ພາບ​ກັນ​ໃນ​ຫລາຍ​ບັນຫາ​ສຳຄັນ​ຂອງ​ຊາດ, ໜຶ່ງ​ໃນ​ນັ້ນ​ແມ່ນ​ການ​ສືບ​ຕໍ່​ເພີ່ມ​ທະວີ​ຄວາມ​ເອົາ​ໃຈ​ໃສ່​ການ​ຄຸ້ມ​ຄອງ​ປົກ​ປັກ​ຮັກສາ​ຊັບພະຍາກອນ​ທຳ​ມະ​ຊາດ ກໍ​ຄື​ການ​ປະຕິບັດ​ຄຳ​ສັ່ງ​ຂອງນາຍົກລັດຖະມົນຕີ ​ເລກທີ 15/ນຍ ວ່າ​ດ້ວຍ​ການ​ເພີ່ມ​ທະວີ​ການ​ຄຸ້ມ​ຄອງ​ກວດກາ​ການ​ຂຸດ​ຄົ້ນ​ໄມ້, ​ເຄື່ອນ​ຍ້າຍ​ໄມ້ ​ແລະ ທຸລະ​ກິດ​ໄມ້​ໃຫ້​ເຂັ້ມງວດ​ກວ່າ​ເກົ່າ.

ປີ​ໃໝ່​ເອົາ​ໃຈ​ໃສ່​ປະຕິບັດ​ຄຳ​ສັ່ງ​ເລກທີ 15/ນຍ ​ໃຫ້ເຂັ້ມງວດ​ຂຶ້ນກວ່າ​ເກົ່າ. - lattana 1 - ປີ​ໃໝ່​ເອົາ​ໃຈ​ໃສ່​ປະຕິບັດ​ຄຳ​ສັ່ງ​ເລກທີ 15/ນຍ ​ໃຫ້ເຂັ້ມງວດ​ຂຶ້ນກວ່າ​ເກົ່າ.

      ກອງ​ປະຊຸມ​ໄດ້​ຕີ​ລາຄາ​ວ່າ: ພາຍຫລັງ​ມີ​ຄຳ​ສັ່ງ​ດັ່ງກ່າວ​ອອກ​ມາ ​ໄດ້​ເຮັດ​ໃຫ້ການ​ຄຸ້ມ​ຄອງ​ຊັບພະຍາກອນ​ທຳ​ມະ​ຊາດ​ຮັດກຸມ​ດີ​ຂຶ້ນ ​ໂດຍ​ສະ​ເພາະ​ແມ່ນ​ສະພາບ​ການ​ລັກລອບ​ຂຸດ​ຄົ້ນ ​ແລະ ​ເຄື່ອນ​ຍ້າຍ​ໄມ້​ໄດ້​ຫລຸດ​ລົງ​ຢ່າງ​ຈະ​ແຈ້ງ​ທຽບ​ກັບ​ເມື່ອ​ກ່ອນ, ​ເຮັດ​ໃຫ້ການ​ຄຸ້ມ​ຄອງ​ລັດ-ຄຸ້ມ​ຄອງ​ສັງຄົມ​ດ້ວຍ​ກົດໝາຍ​ໄດ້​ຮັບ​ການ​ປະຕິບັດ​ເປັນ​ຮູບ​ປະ​ທຳ​ຫລາຍ​ຂຶ້ນ, ​ເຮັດ​ໃຫ້​ບົດບາດ​ການ​ນຳພາ​ຄຸ້ມ​ຄອງ​ຂອງ​ພັກ-ລັດ​ສູງ​ເດັ່ນ​ຂຶ້ນ ແລະ ​ເຫັນ​ວ່າ​ຜູ້​ປະກອບ​ການ​ຈຳນວນ​ໜຶ່ງກໍ​ໄດ້ຕັ້ງໜ້າ​ເອົາ​ໃຈ​ໃສ່​ປັບປຸງ​ໂຮງງານ, ຍົກ​ລະດັບ​ສີມື​ແຮງ​ງານ​ຂອງ​ພະນັກງານ​-ກຳມະກອນ​ຂອງ​ຕົນ​ສູງ​ຂຶ້ນ, ສາມາດ​ສ້າງ​ຜະລິດ​ຕະພັນ​ສຳ​ເລັດ​ຮູບ​ເພື່ອ​ສ້າງ​ມູນ​ຄ່າ​ເພີ່ມ​ຂຶ້ນ. ອັນ​ສຳຄັນ​ແມ່ນ​ສາມາດ​ເກັບ​ກຳ​ໄດ້​ຈຳນວນ​ບໍລິ​ມາດ​ໄມ້​ທີ່​ຍັງ​ຄ້າງ​ຢູ່​ໃນ​ສະໜາມ, ​ໄມ້​ທີ່​ໄດ້​ຊື້-ຂາຍ​ແລ້ວ ​ແລະ ຍັງ​ບໍ່​ທັນ​ໄດ້​ຊື້-ຂາຍ. ​ໄປ​ຄຽງ​ຄູ່ກັບ​ການ​ກວດກາ​ພົບ​ເຫັນ​ການລະ​ເມີດ​ຄຳ​ສັ່ງ​ດັ່ງ​ກ່າວຈຳນວນ​ຫລາຍ ​ໂດຍ​ມີ​ການ​ຢຶດ ​ແລະ ປັບ​ໄໝ, ປະຕິບັດ​ວິ​ໄນ​ຕໍ່​ຜູ້​ລະ​ເມີດ​ຢ່າງ​ເຂັ້ມງວດ ອັນ​ໄດ້​ເຮັດ​ໃຫ້​ຜູ້​ລະ​ເມີດ​ເກີດ​ຄວາມ​ຢ້ານ​ກົວ​ບໍ່​ກ້າ​ກະທຳ​ຜິດ​ອີກ. ນອກ​ນີ້ ມີ​ບາງ​ທ້ອງ​ຖິ່ນ​ເລີ່​ມມີ​ການ​ສ້າງ​ເມື​ອງຕົວ​ແບບ​ປະຕິບັດ​ຄຳ​ສັ່ງ​ເລກທີ 15/ນຍ ​ແລະ ຂະ​ບວນການ​ປົກ​ປັກ​ຮັກສາ​ປ່າ​ໄມ້​ຄື: ​ເມືອງ​ທ່າ​ປາງ​ທອງ ​ແຂວງ​ສະຫວັນ​ນະ​ເຂດ ​ໂດຍ​ເລີ່​ມຈາກ​ການຈັດຕັ້ງປະຕິບັດ​ລະບຽບ​ກົດໝາຍ ລວມ​ເຖິງ​ການ​ຄຸ້ມ​ຄອງ​ໂຮງງານ, ການ​ສົ່ງ​ອອກ​ຜະລິດ​ຕະພັນ​ໄມ້​ເຂົ້າສູ່​ລະບຽບ​ກົດໝາຍ​ຢ່າງ​ເຂັ້ມງວດ.