ຟລອຍ ເມເວດເທີ ທຸບໝັດຊ້າຍ ນັອກນັກມວຍຍີ່ປຸ່ນ ພຽງ 140 ວິນາທີ

ຟລອຍ ເມເວດເທີ ທຸບໝັດຊ້າຍ ນັອກນັກມວຍຍີ່ປຸ່ນ ພຽງ 140 ວິນາທີ - advert banner 728 90 728x90 - ຟລອຍ ເມເວດເທີ ທຸບໝັດຊ້າຍ ນັອກນັກມວຍຍີ່ປຸ່ນ ພຽງ 140 ວິນາທີ

      ການ​ແຂ່ງຂັນ​ຊົກມວຍ​ລາຍການ​ພິ​ເສດ (Exhibition Boxing) ສົ່ງ​ທ້າຍ​ປີ 2018 ລະຫວ່າງ ຟລອຍ ​ເມ​ເວດ​ເທີ ຈູ​ເນຍ ຍອດ​ນັກ​ມວຍ​ຊາວ​ອາ​ເມ​ລິ​ກາ ​ໄວ 41 ປີ ຜູ້​ມີ​ສະຖິຕິ​ໄຮ້​ປະລາ​ໄຊ ຊະນະ 50 ນັດ​ລວດ ດວນ​ມັດ​ກັບ ​ເທັນ​ຊິນ ນາ​ຊຸ​ກາ​ວະ ມວຍ​ຫ້າວ​ຊາວ​ຍີ່ປຸ່ນ ອາຍຸ​ພຽງ 20 ປີ ​ເປັນ​ນັກ​ມວຍ​ປະສົມ​ຄົບ​ເຄື່ອງ Kickboxing ​ແລະ Mixed martial arts ມີ​ສະຖິຕິ​ໄຮ້​ປະລາ​ໄຊ​ເຊັ່ນ​ກັນ ຊະນະ 32 ນັດ ນັອກ 24 ນັດ ຊົກ​ທີ່​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ.

ຟລອຍ ເມເວດເທີ ທຸບໝັດຊ້າຍ ນັອກນັກມວຍຍີ່ປຸ່ນ ພຽງ 140 ວິນາທີ - lattana 1 - ຟລອຍ ເມເວດເທີ ທຸບໝັດຊ້າຍ ນັອກນັກມວຍຍີ່ປຸ່ນ ພຽງ 140 ວິນາທີ

      ລາຍ​ງານ​ຈາກ​ຝ່າຍ​ຈັດການ​ແຂ່ງຂັນ​ລະບຸ​ວ່າ: ມູນ​ຄ່າ​ການ​ຊົກ​ຄັ້ງນີ້​ສູງ​ເຖິງ 12 ລ້ານ 8 ​ແສນ​ໂດ​ລາ​ສະຫະລັດ ​ໂດຍ ​ເມ​ເວດ​ເທີ ຈະ​ໄດ້​ຮັບ​ສ່ວນ​ແບ່ງ 9 ລ້ານ​ໂດ​ລາ, ກະຕິ​ກາ​ການ​ຊົກ​ແບບ​ມວຍ​ສາກົນ ​ແຕ່​ຊົກ​ພຽງ 3 ຍົກ, ຍົກ​ລະ 3 ນາທີ ຖ້າ ​ເທັນ​ຊິນ ຄຸມ​ອາລົມ​ບໍ່​ຢູ່​ຫລົງ​ອອກ​ອາວຸດ​ເຕະ-​ເຂົ່າ-ສອກ​ນອກ​ເໜືອ​ກະຕິ​ກາ​ຈະ​ຖືກ​ປັບ​ໄໝ 5 ລ້ານ​ໂດ​ລາ.

      ​ເລີ່​ມຕົ້ນຍົກ​ທີ 1 ​ເມ​ເວດ​ເທີ ​ໃຊ້​ປະສົບ​ການ​ຫລອກ​ລໍ້ ກໍ່​ກວນ​ທັງ​ລີລາ ​ແລະ ສາຍຕາ ຈົນ​ເຮັດ​ໃຫ້ ​ເທັນ​ຊິນ ບໍ່​ກ້າ​ອອກ​ອາວຸດ ​ແລະ ສວຍ​ຈັງຫວະ​ອອກ​ໝັດ​ໄດ້​ດີກ​ວ່າ ​ໂດຍ​ສະ​ເພາະ​ການ​ເດີນ​ເກ​ມບຸກ ​ແລະ ທັບ​ໝັດ​ຊ້າຍ​ຢ່າງ​ຄ່ອງ​ແຄ້ວ ຈົນ​ເຮັດ​ໃຫ້ ​ເທັນ​ຊິນ ຕັ້ງຕົວ​ບໍ່​ທັນ​ລົ້ມກອງຂ້າ​ງ​ເວທີ 2-3 ຈັງຫວະ ຈົນ​ກຳມະການ​ຢຸດ​ການ​ແຂ່ງຂັນ ​ເພາະ ​ເທັນ​ຊິນ ສູ້​ຕໍ່​ບໍ່​ໄຫວ ​ເມ​ເວດ​ເທີ ຊະນະ ​ເທັນ​ຊິນ ພຽງ 140 ວິນາທີ ​ໃນ​ຍົກ​ທີ 1.

     ຫລັງ​ການ​ແຂ່ງຂັນ ຟລອຍ ​ເມ​ເວດ​ເທີ ຈູ​ເນຍ ສາຍາ The Money (​ເງິນ) ກ່າວ​ວ່າ: ຂ້ອຍ​ປະ​ທັບ​ໃຈ​ກັບ​ຄວາ​ມກ້າຫານ​ຂອງ ​ເທັນ​ຊິນ, ​ເທັນ​ຊິນ ຍັງ​ມີ​ສະຕິ​ບໍ່​ເສຍ. ຂ້ອຍ​ຄິດ​ວ່າ: ການ​ແຂ່ງຂັນ​ຄັ້ງນີ້ ​ເປັນ​ພຽງ​ການ​ສ້າງ​ຄວາມ​ບັນ​ເທີ​ງ​ໃຫ້​ແຟນມວຍ, ຂ້ອຍ​ຕັດສິນ​ໃຈ​ຊົກ​ນັດ​ນີ້ ​ເພາະ​ແຟນມວຍ 24 ລ້ານ​ກວ່າ​ຄົນ​ຕ້ອງການ​ຊົມ ​ແລະ ມີ​ຜົນ​ຕອບ​ແທນ​ທີ່​ດີ​ສຳລັບ​ຂ້ອຍ 9 ນາທີ 9 ລ້ານ​ໂດ​ລາ.