ກົດໝາຍຄວາມໝັ້ນຄົງໄຊເບີ ຂອງຫວຽດນາມີຜົນບັງຄັບໃຊ້

ກົດໝາຍຄວາມໝັ້ນຄົງໄຊເບີ ຂອງຫວຽດນາມີຜົນບັງຄັບໃຊ້ - advert banner 728 90 728x90 - ກົດໝາຍຄວາມໝັ້ນຄົງໄຊເບີ ຂອງຫວຽດນາມີຜົນບັງຄັບໃຊ້

      ກົດໝາຍ​ໃໝ່​ຂອງ​ຫວຽດນາມ ວ່າ​ດ້ວຍການ​ໃຫ້​ບໍລິ​ສັດ​ດ້ານ​ເຕັກ​ໂນ​ໂລ​ຊີ​ຕ້ອງ​ບລັອກຂໍ້​ມູນ “ທີ່​ເປັນ​ໄພ​ຕໍ່​ຄວາມ​ໝັ້ນຄົງ​ຂອງ​ລັດ” ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ​ນັບ​ແຕ່​ວັນ​ທີ 1 ມັງກອນ.

ກົດໝາຍຄວາມໝັ້ນຄົງໄຊເບີ ຂອງຫວຽດນາມີຜົນບັງຄັບໃຊ້ - lattana 1 - ກົດໝາຍຄວາມໝັ້ນຄົງໄຊເບີ ຂອງຫວຽດນາມີຜົນບັງຄັບໃຊ້

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກົດໝາຍ​ຄວາມ​ປອດ​ໄພ​​ໄຊ​ເບີ​ສະບັບ​ໃໝ່​ຂອງ​ຫວຽດນາມ ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ​ແລ້ວ​ນັບ​ແຕ່​ວັນ​ທີ 1 ມັງກອນ ​​ໂດຍ​ເນື້ອ​ໃນ​ສຳຄັນ​ລວມທັງ​ການ​ທີ່​ບໍລິສັດ​ດ້ານ​ເຕັກ​ໂນ​ໂລ​ຊີ​ຕ້ອງ​ລົບ ຫລື ປິດ​ກັ້ນ​ເນື້ອ​ໃນ​ທີ່​ລັດຖະບານ​ສັງຄົມ​ນິຍົມ​ຂອງ​ຫວຽດນາມ​ພິຈາລະນາ​ແລ້ວ​ພົບ​ວ່າ: “ສົ່ງ​ຜົນ​ຕໍ່​ຄວາມ​ໝັ້ນຄົງ​ຂອງ​ຊາດ”. ຂະນະ​ດຽວ​ກັນ ບໍລິສັດ​ເຫລົ່າ​ນີ້ ​ເຊິ່ງລວມທັງ​ເຟສບຸກ ​ແລະ ກູ​ເກິ້ລຕ້ອງ​ມອບ “ຂໍ້​ມູນ​ອັນຕະລາຍ” ​ເຫລົ່ານັ້ນ​ໃຫ້​ແກ່​ລັດຖະບານ ​ແລະ ​ເປີດ​ສຳນັກງານ​ເປັນ​ຫລັ​ກ​ແຫ​ລ່ງ ພ້ອມ​ມີ​ລະບົບ​​ເກັບ​ກຳ​ຂໍ້​ມູນ​ພາຍ​ໃນ​ຫວຽດນາມ​ນຳ​ອີກ.

         ​ເຖິງ​ຢ່າງ​ໃດ​ກໍ​ຕາມ, ກະຊວງ​ຄວາມ​ປອດ​ໄພ​ສາທາລະນະ​ຂອງ​ລັດຖະບານ​ຮ່າ​ໂນ້ຍອອກ​ຖະ​ແຫລ​ງການ​ວ່າ: ລັດຖະບານ​ກຳນົດ​ໄລຍະ​ເວລາ​ຫລຸດຜ່ອນ​ໃຫ້​ບັນດາ​ບໍລິສັດ​ເຕັກ​ໂນ​ໂລ​ຊີ​ຕ່າງປະ​ເທດ​ສູງ​ສຸດ 12 ​ເດືອນ “​ໃນ​ການ​ປະຕິບັດ​ຕາມ”. ຂະນະ​ທີ່​ເຟສບຸ​ກອອກ​ຖະ​ແຫລ​ງການ​ກ່ຽວ​ກັບ​ກົດໝາຍ​ດັ່ງກ່າວ ທີ່​ສະພາ​ແຫ່ງ​ຊາດ​ຂອງ​ຫວຽດນາມ​ມີ​ມະຕິ​ຮັບຮອງ​ໃນ​ເດືອນ​ມິຖຸນາ​ປີຜ່ານມາ​ວ່າ: ໜຶ່ງ​ໃນ​ນະ​ໂຍບາຍ​ພື້ນຖານ​ທີ່​ສຳຄັນ​ຂອງ​ເຟສບຸກ ຄື​ການ​ປົກ​ປ້ອງ​ສິດ​ສ່ວນ​ບຸກຄົນ ​ແລະ ຄວາມ​ເປັນ​ສ່ວນ​ຕົວ​ຂອງ​ຜູ້​ໃຊ້​ບໍລິການ ​ແລະ ການ​ສະໜັບສະໜູນ​ໃຫ້​ຜູ້​ໃຊ້​​ເຟສບຸກສາມາດ​ສະ​ແດງ​ຄວາມ​ຄິດ​ເຫັນ, ບອກ​ເລົ່າ ຫລື ​ແບ່ງປັນ​ເລື່ອງ​ລາວ​​ໃດ​ກໍ​ຕາມ “​ໄດ້​ຢ່າງ​ເສລີ ​ແລະ ປອດ​ໄພ”.

      ກົດໝາຍ​ດັ່ງກ່າວ​ມີ​ຜົນ​ບັງຄັບ​ໃຊ້ 1 ອາທິດ​ຫລັງ​ສະມາຄົມ​ສື່​ມວນ​ຊົນ​ຫວຽດນາມ ປະກາດ​ແນວທາງ​ປະຕິບັດ​ຂໍ້​ໃໝ່ ຫ້າມ​ສື່​ມວນ​ຊົນ​ໃຊ້​ເຄືອ​ຂ່າຍ​ສັງຄົມ​ອອນ​ລາຍ​ນຳ​ສະ​ເໜີ​ຂ່າວສານ ຫລື ສະ​ແດງ​ຄວາມ​ຄິດ​ເຫັນ​ສ່ວນ​ບຸກຄົນ “​ໃນ​ທາງ​ຕໍ່ຕ້ານ​ລັດ”.