ທ່ານ ກິມ ຈ໋ອງອິນ ໃຫ້ຄຳໝັ້ນ ບໍ່ຜະລິດ-ທົດລອງອາວຸດນິວເຄຼຍ

ທ່ານ ກິມ ຈ໋ອງອິນ ໃຫ້ຄຳໝັ້ນ ບໍ່ຜະລິດ-ທົດລອງອາວຸດນິວເຄຼຍ - advert banner 728 90 728x90 - ທ່ານ ກິມ ຈ໋ອງອິນ ໃຫ້ຄຳໝັ້ນ ບໍ່ຜະລິດ-ທົດລອງອາວຸດນິວເຄຼຍ

     ທ່ານ ກິມ ຈ໋ອງອິນ ຜູ້ນຳ ສປປ ​ເກົາຫລີ ​ໄດ້​ກ່າວ​ສູນ​ທອນ​ພົດ​ເນື່ອງ​ໃນປີ​ໃໝ່​ສາກົນ ​ໃນ​ວັນ​ທີ 1 ມັງກອນວ່າ: ສປປ ​ເກົາຫລີ ຈະ​ຊຸກຍູ້​ໃຫ້​ຂະ​ບວນການ​ປົດ​ອາວຸດ​ນິວ​ເຄຼຍຢູ່​ແຫລມ​ເກົາຫລີ​ມີ​ຄວາມ​ຄືບ​ໜ້າ​ຫລາຍ​ຂຶ້ນ, ພ້ອມ​ໃຫ້​ຄຳ​ໝັ້ນວ່າ: ສປປ ​ເກົາຫລີ ຈະ​ບໍ່​ຜະລິດ ຫລື ທົດ​ລອງ​ອາວຸດ​ນິວ​ເຄຼຍ.

ທ່ານ ກິມ ຈ໋ອງອິນ ໃຫ້ຄຳໝັ້ນ ບໍ່ຜະລິດ-ທົດລອງອາວຸດນິວເຄຼຍ - lattana 1 - ທ່ານ ກິມ ຈ໋ອງອິນ ໃຫ້ຄຳໝັ້ນ ບໍ່ຜະລິດ-ທົດລອງອາວຸດນິວເຄຼຍ

      ​ໃນ​ການ​ກ່າວ​ສູນ​ທອນ​ພົດ​ຄັ້ງນີ້, ທ່ານ ກິມ ຈ໋ອງອິນ ຍັງ​ສົ່ງ​ສັນຍານ​ວ່າ: ທ່ານ​ພ້ອມ​ຈະ​ພົບ​ປະ​ກັບ​ປະທານາທິບໍດີ ​ໂດ​ນັລ ທຣຳ ​ແຫ່ງ​ອາ​ເມ​ລິ​ກາ ​ໃນ​ທຸກ​ເວລາ. ນອກຈາກ​ນີ້ ທ່ານ ກິມ ຈ໋ອງອິນ ຍັງ​ໄດ້​ຮຽກຮ້ອງ​ໃຫ້​ອາ​ເມ​ລິ​ກາ​ຢຸດ​ການ​ຊ້ອມ​ຮົບ​ທາງ​ທະຫານ​ຮ່ວມ​ກັບ ສ.​ເກົາຫລີ.

      ຂະນະ​ທີ່​ວັນ​ທີ 31 ທັນວາ​ຜ່ານ​ມາ, ​ໂຄສົກ​ປະທານາທິບໍດີ ມຸນ ​ແຈ​ອິນ ຂອງ ສ.​ເກົາຫລີ ຖະ​ແຫລ​ງວ່າ: ທ່ານ ກິມ ຈ໋ອງອິນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ຕ້ອງການ​ຈະ​ສ້າງສັນ​ຕິ​ພາບ​ລະຫວ່າງ ສປປ ​ເກົາຫລີ ​ແລະ ສ.​ເກົາຫລີ ​ແລະ ຮ່ວມ​ກັນ​ປົດ​ອາວຸດ​ນິວ​ເຄຼຍຈາກ​ແຫລມ​ເກົາຫລີ ຜ່ານ​ການ​ເຈລະຈາ​ລະຫວ່າງ​ສອງ​ຜູ້ນຳ​ໃຫ້​ມີ​ເລື້ອຍໆ​ຂຶ້ນ.

      ນອກຈາກ​ນີ້, ຜູ້ນຳ ສປປ ​ເກົາຫລີ ຍັງ​ສະ​ແດງ​ທ່າ​ທີ​ວ່າ​ເສຍ​ໃຈ​ທີ່​ບໍ່​ສາມາດ​ເດີນທາງ​ຢ້ຽມຢາມ​ນະຄອນຫລວງ​ເຊ​ອຸນ​ໄດ້​ພາຍ​ໃນ​ປີຜ່ານມາ, ຫລັງ​ຈາກ​ເຄີຍ​ສັນຍາ​ໄວ້​ນຳ​ປະທານາທິບໍດີ ມຸນ ​ແຈ​ອິນ ທີ່​ເດີນທາງ​ຢ້ຽມຢາມ​ນະຄອນຫລວງ​ພຽງ​ຢາງ ​ໃນ​ເດືອ​ນກັນຍາ​ວ່າ​ຈະ​ເດີນທາງ​ໄປ​ຢ້ຽມຢາມ​ນະຄອນຫລວງ​ເຊ​ອຸນ.