ລັດຖະບານ​ເອົາ​ໃຈ​ໃສ່​ຕ້າ​ນການ​ຟອກ​ເງິນ

ລັດຖະບານ​ເອົາ​ໃຈ​ໃສ່​ຕ້າ​ນການ​ຟອກ​ເງິນ - advert banner 728 90 728x90 - ລັດຖະບານ​ເອົາ​ໃຈ​ໃສ່​ຕ້າ​ນການ​ຟອກ​ເງິນ

ຄະນະກໍາມະການແຫ່ງຊາດ ເພື່ອຕ້ານການຟອກເງິນແລະ ານສະຫນອງທຶນໃຫ້ແກ່ການກໍ່ການຮ້າຍ (ຄຕຟງ)ໄດ້ຈັດກອງປະຊຸມສະໄຫມສາມັນຄັ້ງທີ II ປະຈໍາປີ 2018.

ລັດຖະບານ​ເອົາ​ໃຈ​ໃສ່​ຕ້າ​ນການ​ຟອກ​ເງິນ - lattana 1 - ລັດຖະບານ​ເອົາ​ໃຈ​ໃສ່​ຕ້າ​ນການ​ຟອກ​ເງິນ

ໃນວັນທີ 27 ທັນວານີ້ ທີ່ນະຄອນຫຼວງວຽງຈັນໂດຍການເປັນປະທານຂອງ ທ່ານ ສົມດີດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ປະທານ ຄຕຟງ; ຜູ້ວ່າການທະນາຄານແຫ່ງສປປ ລາວ ແລະ ສະມາຊິກຄຕຟງ ເຂົ້າຮ່ວມ.

ກອງປະຊຸມໄດ້ຕີລາຄາສູງຜົນສໍາເລັດວຽກງານການປະເມີນຄວາມສ່ຽງລະດັບຊາດການຟອກເງິນ ແລະ ສະຫນອງທຶນແກ່ການກ່ໍການຮ້າຍຂອງ ສປປ ລາວ, ພ້ອມທັງຮັບຮອງເອົາແຜນປະຕິບັດງານ ເພື່ອແກ້ໄຂຄວາມສ່ຽງຈາກຜົນການປະເມີນທີ່ໄດ້ຮັບຊາບ ແລະ ຜົນຄວາມຄືບຫນ້າໃນການ ຈັດຕັ້ງປະຕິບັດວຽກງານຕ້ານການຟອກເງິນດັ່ງກ່າວ ໂດຍສະເພາະການຂະຫຍາຍກົນໄກການຮ່ວມມືລະຫວ່າງ ອົງການສືບສວນ-ສອບສວນ, ຜູ້ຄຸ້ມຄອງຫົວຫນ່ວຍທີ່ມີຫນ້າທີ່ລາຍງານແລະ ສໍານັກງານຂໍ້ມູນຕ້ານການຟອກເງິນ (ສຕຟງ) ເພື່ອໃຫ້ສາມາດເຂົ້າເຖິງແຫຼ່ງຂໍ້ມູນຂອງບັນດາພາກສ່ວນຕ່າງໆນໍາໄປເຖີງການດໍາເນີນຄະດີອາສະຍາກໍາທີ່ເປັນຄວາມຜິດຕົ້ນຂອງການຟອກເງິນໃຫ້ມີປະສິດທິຜົນຍິ່ງຂຶ້ນ.

ນອກຈາກນີ້ ຍັງສືບຕໍ່ໃນການສ້າງຄວາມສາມາດໃນລວງເລິກໃຫ້ກັບເຈົ້າຫນ້າທີ່ກ່ຽວຂ້ອງກ່ຽວກັບວຽກງານຕ້ານການຟອກເງິນ ແລະສະຫນອງທຶນແກ່ການກໍ່ການຮ້າຍ ພ້ອມທັງໄດ້ຮັບຮອງເອົາແຜນວຽກ ໃນປີ 2019 ແມ່ນການກະກຽມຮອບດ້ານເພື່ອຮອງຮັບການະເມີນຮ່ວມຮອບທີ່ສອງ (ME) ຂອງ ສປປ ລາວ ກ່ຽວກັບວຽກງານສໍາລັບປີ 2020-2021 ຈາກຄະນະກວດສອບຂອງ ກຸ່ມອາຊີປາຊີຟິກ(APG).

ກອງປະຊຸມ ຄຕຟງ ຄັ້ງຜ່ານມາໄດ້ຈັດຂຶ້ນໃນກາງເດືອນມີນານີ້ເພື່ອຮັບຮອງການຈັດຕັ້ງປະຕິບັດ 40 ຂໍ້ແນະນໍາຂອງ FATF ແລະບັນຫາປິ່ນອ້ອມ ອື່ນໆອີກ ເພື່ອຮັບປະກັນບໍ່ໃຫ້ ສປປ ລາວ ບໍ່ຕົກຢູ່ໃນການຕິດຕາມຂອງສາກົນກ່ຽວກັບວຽກງານ AML/CFT ແລະ ກະກຽມໃຫ້ແກ່ການປະເມີນ ສປປ ລາວ ຮອບດ້ານກ່ຽວກັບວຽກງານ AML/CFT (MutualEvaluation “ME”) ໃນປີ2020 ເພື່ອເຮັດໃຫ້ລະບົບເສດຖະກິດ-ການເງິນມີຄວາມເຂັ້ມແຂງ, ຫມັ້ນຄົງ ແລະ ເຊື່ອມໂຍງກັບພາກພື້ນ ແລະ ສາກົນ.