ປະທານຟີຟາຊີ້ ຄວນເພີ່ມທີມເຕະບານໃນການແຂ່ງຂັນ ເຕະບານໂລກຮອບສຸດທ້າຍເປັນ 48 ທີມ

ປະທານຟີຟາຊີ້ ຄວນເພີ່ມທີມເຕະບານໃນການແຂ່ງຂັນ ເຕະບານໂລກຮອບສຸດທ້າຍເປັນ 48 ທີມ - advert banner 728 90 728x90 - ປະທານຟີຟາຊີ້ ຄວນເພີ່ມທີມເຕະບານໃນການແຂ່ງຂັນ ເຕະບານໂລກຮອບສຸດທ້າຍເປັນ 48 ທີມ

      ຈານ​ນີ ອິນ​ຟານ​ຕິ​ໂນ ປະທານ​ສະຫະພັນ​ເຕະບານ​ສາກົນ ຫລື ຟີ​ຟາ ກ່າວ​ໃນ​ວັນ​ທີ 2 ມັງກອນ​ວ່າ: ຖ້າ​ເປັນ​ໄປ​ໄດ້ ຟີ​ຟາ ຄວນ​ຈະ​ເພີ່ມ​ຈຳນວນ​ທີ​ມ​ເຕະບານ​ທີ່​ເຂົ້າ​ແຂ່ງຂັນ​ໃນ​ເຕະບານ​ໂລກ​ຮອບ​ສຸດ​ທ້າຍ​ຢູ່​ປະ​ເທດ​ກາ​ຕາ ​ໃນ​ປີ 2022 ຈາກ 32 ທີ​ມ ​ເປັນ 48 ທີ​ມ.

ປະທານຟີຟາຊີ້ ຄວນເພີ່ມທີມເຕະບານໃນການແຂ່ງຂັນ ເຕະບານໂລກຮອບສຸດທ້າຍເປັນ 48 ທີມ - lattana 1 - ປະທານຟີຟາຊີ້ ຄວນເພີ່ມທີມເຕະບານໃນການແຂ່ງຂັນ ເຕະບານໂລກຮອບສຸດທ້າຍເປັນ 48 ທີມ

      ​ໃນ​ອາທິດ​ຜ່ານ​ມາ, ທ່ານ ອັນ​ຟາ​ຕິ​ໂນ ກ່າວ​ວ່າ: ບັນດາ​ສະມາຄົມ​ບານ​ເຕະ​ຂອງ​ປະ​ເທດ​ຕ່າງໆ ສ່ວນ​ຫລາຍ​ສະໜັບສະໜູນ​ຢາກ​ໃຫ້​ມີ​ການ​ເພີ່ມ​ຈຳນວນ​ທີ​ມທີ່​ຜ່ານ​ເຂົ້າ​ໄປ​ຫລິ້ນບານ​ໂລກ​ຮອບ​ສຸດ​ທ້າຍ ​ແລະ ການ​ຕັດສິນ​ໃຈ​ເລື່ອງ​ນີ້​ຄາດ​ວ່າ​ຈະ​ມີ​ຂຶ້ນກ່ອນ​ການ​ຈັບ​ສະຫລາກຄູ່​ການ​ແຂ່ງຂັນ​ໃນ​ຮອບ​ຄັດ​ເລືອກ​ເດືອນ​ມີນາ. ປະທານ​ຟີ​ຟາ ຍັງ​ກ່າວ​ໃນ​ລະຫວ່າງ​ກອງ​ປະຊຸມ​ດ້ານ​ກິລາ​ອີກ​ວ່າ: ຟີ​ຟາ ກຳລັງ​ພິຈາລະນາ​ວ່າ: ມີ​ຄວາມ​ເປັນ​ໄປ​ໄດ້ ຫລື ບໍ່ ທີ່​ປະ​ເທດ​ໃກ້​ຄຽງ​ອ້ອມ​ຮອບ​ກາ​ຕາ​ຈະ​ເປັນ​ສະໜາມ​ສຳລັບ​ການ​ແຂ່ງຂັນ​ໃນ​ບາງ​ນັດ ​ເນື່ອງ​ຈາກ​ເປັນ​ເລື່ອງ​ຍາກ​ທີ່​ກາ​ຕາ ຈະ​ຈັດການ​ແຂ່ງຂັນ​ພຽງ​ລຳພັງ​ຫາກ​ມີ​ການ​ເພີ່ມ​ທີ​ມ​ໃນ​ບານ​ໂລກ​ຄັ້ງນີ້. ​ເຖິງ​ຢ່າງ​ໃດ​ກໍ​ຕາມ, ອາຣັບບີ ຊາ​ອຸ​ດິດ, ສະຫະລັດ ອາຣັບ ​ເອມິ​ເຣດ, ບາ​ເຣນ ​ແລະ ​ເອຢິບ ຕ່າງ​ກໍ​ຂວ້ຳບາດ​ທາງ​ການ​ທູດ ​ແລະ ການ​ຄ້າ​ກັບກາ​ຕາ ນັບ​ແຕ່​ເດືອນ​ມິຖຸນາ 2017 ​ເຊິ່ງຈະ​ເຮັດ​ໃຫ້ການ​ແບ່ງ​ການ​ແຂ່ງຂັນ​ບາງ​ນັດ​ໄປ​ປະ​ເທດ​ອື່ນໆ​ມີ​ຄວາມ​ຫຍຸ້ງຍາກ​ສັບ​ຊ້ອນ, ປະ​ເທດ​ເຫລົ່າ​ນີ້​ກ່າວ​ຫາ​ກາ​ຕາ​ວ່າ​ສະ​ໜັບສະ​ໜູນ​ການ​ກໍ່​ການ​ຮ້າຍ ​ເຊິ່ງ​ເປັນ​ຂໍ້​ກ່າວ​ຫາ​ທີ່​ກາ​ຕາ​ປະຕິ​ເສດ​ມາ​ໂດຍ​ຕະຫລອດ. ຟີ​ຟາ ລົງມະຕິ​ໃນ​ປີ 2017 ຈະ​ເພີ່ມ​ທີ​ມ​ເຕະບານ​ຈາກ 32 ​ເປັນ 48 ທີ​ມ ນັບ​ແຕ່​ປີ 2026 ​ເປັນ​ຕົ້ນ​ໄປ, ​ແຕ່​ປະທານ​ຟີ​ຟາ​ພະຍາຍາມ​ຊັກ​ຊວນ ​ແລະ ຊຸກຍູ້​ໃຫ້​ມີ​ການ​ເພີ່ມ​ທີ​ມ​ເປັນ 48 ທີ​ມ​ໃຫ້​​ໄວ​ຂຶ້ນ ຄື​ໃນ​ປີ 2022.