ບັງກະລາເທດຈັບ ແລະ ຕາມຫານັກຂ່າວ ລາຍງານວ່າມີການໂກງເລືອກຕັ້ງ

ບັງກະລາເທດຈັບ ແລະ ຕາມຫານັກຂ່າວ ລາຍງານວ່າມີການໂກງເລືອກຕັ້ງ - advert banner 728 90 728x90 - ບັງກະລາເທດຈັບ ແລະ ຕາມຫານັກຂ່າວ ລາຍງານວ່າມີການໂກງເລືອກຕັ້ງ

         ບັງ​ກະລາ​ເທດຈັບກຸມນັກ​ຂ່າວ​ຄົນ​ໜຶ່ງ ​ແລະ ຕາມ​ຫາ​ອີກ​ຄົນ​ໜຶ່ງ ຂໍ້​ຫາ​ລາຍ​ງານ​ຂ່າວ​ປອມ​ວ່າ​ມີ​ການ​ໂກງ​ເລືອກ​ຕັ້ງທົ່ວ​ໄປ​ໃນ​ວັນ​ທີ 30 ທັນວາ​ຜ່ານ​ມາ ທີ່​ນາຍົກລັດຖະມົນຕີ ​ເຊກ ຮາ​ສິນາ ກວາດ​ບ່ອນ​ນັ່ງ​ໃນ​ສະພາ​ເກືອບ​ທັງ​ໝົດ.

ບັງກະລາເທດຈັບ ແລະ ຕາມຫານັກຂ່າວ ລາຍງານວ່າມີການໂກງເລືອກຕັ້ງ - lattana 1 - ບັງກະລາເທດຈັບ ແລະ ຕາມຫານັກຂ່າວ ລາຍງານວ່າມີການໂກງເລືອກຕັ້ງ

     ຕຳຫລວດ​ບັງ​ກະລາ​ເທດ​ເປີດ​ເຜີຍ​ກັບ​ສື່​ວ່າ: ຈັບ​ກຸມ​ນັກ​ຂ່າວ​ຂອງ​ໜັງສືພິມ​ທາ​ກາທຣິບູນ​ໄດ້​ໃນ​ວັນ​ທີ 1 ມັງກອນ ຢູ່​ເຂດ​ຄູ​ລນາ ທາງ​ໃຕ້​ຂອງ​ປະ​ເທດ ​ໂດຍ​ໃຊ້​ອຳນາດ​ຕາມ​ກົດໝາຍ​ຄວາມ​ໝັ້ນຄົງ​ດີ​ຈີ​ຕອນ ​ເນື່ອງ​ຈາກ​ລາວ​ລາຍ​ງານ​ຂ່າວ​ວ່າ: ​ເຂດ​ເລືອກ​ຕັ້ງ​ແຫ່ງ​ໜຶ່ງ​ມີ​ບັດ​ລົງ​ຄະ​ແນນ​ຫລາຍ​ກວ່າ​ຈຳ​ນວນ​ຜູ້​ລົງທະບຽນ​ໃຊ້​ສິດ​ເຖິງ 22.419 ​ໃບ ທັງ​ທີ່​ຄວາມ​ຈິງ​ແລ້ວ​ມີ​ຜູ້​ອອກ​ໄປ​ໃຊ້​ສິດ 80% ຂອງ​ຜູ້​ລົງທະບຽນ. ນັກ​ຂ່າວ​ຄົນ​ນີ້​ໃຫ້​ຂໍ້​ມູນ​ປອມ ຫວັງ​ເຮັດ​ໃຫ້ການ​ເລືອກ​ຕັ້ງມີ​ຄວາມ​ສົງ​ໄສ ຖ້າ​ຖືກ​ຕັດສິນ​ວ່າ​ມີ​ຄວາມ​ຜິດ​ຈະ​ມີ​ໂທດ​ຈຳ​ຄຸກ​ສູງ​ສຸດ 14 ປີ. ນອກຈາກ​ນີ້ ຕຳຫລວດ​ຍັງ​ຕ້ອງການ​ນັກ​ຂ່າວ​ອີກ​ຄົນ​ໜຶ່ງ​ມາ​ສອບ​ປາກຄຳ ​ເພາະ​ທາງ​ການ​ທ້ອງ​ຖິ່ນ​ຍື່ນ​ຟ້ອງ​ນັກ​ຂ່າວ​ທັງ​ສອງ​ຄົນ​ນີ້.

      ຜົນ​ການ​ເລືອກ​ຕັ້ງທົ່ວ​ໄປ​ໃນ​ວັນ​ທີ 30 ທັນວາ​ຜ່ານ​ມາ, ພັກ​ສິນ​ນິບາດ​ອາວາ​ມີ​ຂອງ​ນາຍົກລັດຖະມົນຕີ ຮາ​ສິນາ ​ແລະ ພັກພັນທະ​ມິດ ​ໄດ້​ຄະ​ແນນ​ເຖິງ 98% ຫລື 288 ບ່ອນ​ນັ່ງ​ຈາກ​ທັງ​ໝົດ 300 ບ່ອນ​ນັ່ງ ​ເຮັດ​ໃຫ້​ນາງ ຮາ​ສິນາ ອາຍຸ 71 ປີ ​ໄດ້​ເປັນ​ນາຍົກລັດຖະມົນຕີສະ​ໄໝ​ທີ​ສາມ​ຕິດ​ຕໍ່​ກັນ ​ແລະ ​ເປັນ​ນາຍົກລັດຖະມົນຕີທີ່ຢູ່​ໃນ​ຕຳ​ແໜ່​ງດົນ​ທີ່​ສຸດ​ຂອງ​ປະ​ເທດ ​ເພາະ​ເປັນ​ນາຍົກລັດຖະມົນຕີຄັ້ງທຳ​ອິດ​ໃນ​ປີ 1996-2001, ຄັ້ງທີ​ສອງ​ໃນ​ປີ 2009-2014, ຄັ້ງທີ​ສາມ​ໃນ​ປີ 2014-2018 ​ແລະ ຄັ້ງທີ​ສີ່​ໃນ​ການ​ເລືອກ​ຕັ້ງຫລ້າ​ສຸດ. ຝ່າຍ​ຄ້ານ​ອ້າງ​ວ່າ: ລັດຖະບານ​ໂກງ​ເລືອກ​ຕັ້ງ, ຂະນະ​ທີ່​ສະຫະພາບ​ເອີຣົບ (EU) ຂໍ​ໃຫ້​ທາງ​ການ​ບັງ​ກະລາ​ເທດ​ກວດ​ສອບ​ເຫດ​ຮຸນ​ແຮງ​ໃນ​ວັນ​ເລືອກ​ຕັ້ງທີ່​ຜູ້​ສະໜັບສະໜູນ​ຕ່າງ​ພັກ​ກໍ່ວິວາດ​ກັນ​ຈົນ​ມີ​ຜູ້​ເສຍ​ຊີວິດ 17 ຄົນ ​ແລະ ອຸປະສັກ​ຂັດຂວາງ​ການ​ໃຊ້​ສິດ​ເລືອກ​ຕັ້ງ, ສ່ວນ​ອາ​ເມ​ລິ​ກາສະ​ແດງ​ຄວາມ​ກັງວົນ​ທີ່​ມີ​ຂ່າວ​ໜ້າ​ເຊື່ອ​ຖື​ວ່າ: ມີ​ການ​ຂົ່ມຂູ່​ຄຸກ​ຄາມ ​ແລະ ​ໃຊ້​ຄວາມ​ຮຸນ​ແຮງ.