ຄະດີ​ຢາ​ເສບ​ຕິດພົ້ນ​ເດັ່ນ​​ໃນ​ປີ 2018 ຜ່ານ​ມາ

ຄະດີ​ຢາ​ເສບ​ຕິດພົ້ນ​ເດັ່ນ​​ໃນ​ປີ 2018 ຜ່ານ​ມາ - advert banner 728 90 728x90 - ຄະດີ​ຢາ​ເສບ​ຕິດພົ້ນ​ເດັ່ນ​​ໃນ​ປີ 2018 ຜ່ານ​ມາ

  ຫົວໜ້າກອງ​ບັນຊາ​ການ ປກສ ນະຄອນຫລວງວຽງຈັນ ​ໃຫ້​ຮູ້​ວ່າ: ​ໃນ​ປີ 2018 ຜ່ານ​ມາ, ກອງ​ບັນຊາ​ການ ປ​ກສ ນະຄອນຫລວງ​ວຽງຈັນ​ໄດ້ມີ​ຄວາມ​ພະຍາຍາມ​ສູງ​ຕໍ່ການ​ສະກັດ​ກັ້ນ​​ແກ້​ໄຂ​ບັນຫາ​ຢາ​ເສບ​ຕິດ, ​ໂດຍ​ໄດ້​ເຄື່ອນ​ໄຫວ​ ​ຊອກ​ຮູ້ແຫລ່ງຜະລິດ, ຊອກ​ຮູ້​ຜູ້​ເປັນ​ຫົວ​ໂປ່​ໂຕ​ການ, ພໍ່ຄ້າ​ລາຍ​ໃຫຍ່ ​ແລະ ອື່ນໆ, ຊຶ່ງ​ໄລຍະ​ດັ່ງກ່າວ​ສາມາດ​ແກ້​ໄຂ​ກຸ່ມ​ແກ້ງ​ເປົ້າໝາຍຄ້າຂາຍ​ຢາ​ເສບ​ຕິດ​​ໄດ້ 736 ​ເລື່ອງ, ກັກ​ຕົວ​ຜູ້​ຖືກ​ຫາ​ໄດ້ 1 ພັນ​ກ່ວາ​ຄົນ, ສາມາດ​ຢຶດຂອງ​ກາງ​ຢາ​ບ້າ​ຫລາຍ​ກ່ວາ 5 ​ແສນ​ເມັດ, ຢາ​ໄອ 200 ກ່ວາກິ​ໂລ, ​ໃນ​ນີ້ ມີ​ກຸ່ມ​ແກ້ງ​ລາຍ​ໃຫຍ່​ທີ່​ເຈົ້າໜ້າທີ່​ສາມາດ​ແກ້​ໄຂ​​ໄດ້ ຄື: (1) ວັນ​ທີ 16 ພຶດສະພາ 2018 ​ໄດ້​ມ້າງ​ກຸ່ມ​ແກ້ງທ້າວ ອ່ອນ​ຈັນ ຢູ່​ບ້ານກຽງ​ໃຈ, ​ເມືອງສິງ​ແຂວງຫລວງ​ນ້ຳທາ ພ້ອມ​ພັກ​ພວກ 4 ຄົນ, ພ້ອມ​ຂອງ​ກາງຢາ​ບ້າ 11 ພັນ​ກ່ວາ​ເມັດ, ຢາ​ໄອ 1 ກິ​ໂລ, ​ເຮ​ໂລ​ອິນ 2 ​ແທ່ງ ​ແລະ ລົດ​ໃຫຍ່ 2 ຄັນ. (2) ​ໃນວັນ​ທີ 19 ມິຖຸນາ 2018 ​ໄດ້​ມ້າງ​​ແກ້ງທ້າວ ລັດ​ທະ​ໄຊ ຢູ່​ບ້ານນາເ​ງິນ, ​ເມືອງທຸລະຄົມ​ແຂວງວຽງຈັນ ​ລວມມີ 8 ຄົນ, ພ້ອມຂອງ​ກາງ​ຢາ​ບ້າ​ໄດ້ 102.200 ​ເມັດ. (3) ວັນ​ທີ 25 ສິງຫາ 2018 ​ໄດ້​ມ້າງ​ກຸ່ມທ້າວ ບຸນ​ຈັນ ຢູ່​ບ້ານສະນອດ, ​ເມືອງສັງ​ທອງນະຄອນຫລວງວຽງຈັນ, ພ້ອມ​ພັກ​ພວກ 4 ຄົນ ​ແລະ ຢຶດຂອງ​ກາງ​ຢາ​ບ້ານ​ໄດ້ 18 ພັນ​ກ່ວາ​ເມັດ, ຢາ​ໄອ 502 ກຼາມ, ປືນ​ສັ້ນ 2 ກະບອກ, ລົດ​ໃຫຍ່ 7 ຄັນທີ່​ພວກ​ເຂົາ​ນຳ​ໃຊ້​ເຂົ້າ​ໃນ​ການ​ເຄື່ອນ​ໄຫວ​ຄ້າຂາຍ​ຢາ​ເສບ​ຕິດ​ດັ່ງກ່າວ. (4) ວັນ​ທີ 4 ກັນຍາ 2018 ​ໄດ້​ມ້າງ​ກຸ່ມນາງ ດວງປີ ​ແສງ​ປະ​ເສີດ ຢູ່​ບ້ານ​ໂພນ​ສະຫວ່າງ ​ເມືອງປາກ​ຊັນ​ແຂວງບໍລິ​ຄຳ​ໄຊ, ພ້ອມ​ພັກ​ພວກ 12 ຄົນ, ຍິງ 4 ຄົນ, ຢຶດຂອງ​ກາງຢາ​ໄອ​ໄດ້ 199 ກິ​ໂລ, ປືນ​ສັ້ນ 1 ກະບອກ, ລົດ​ໃຫຍ່ 9 ຄັນ, ​ ​ແລະ ວັດຖຸ​ມີຄ່າ​ອີກ​ຈຳນວນໜຶ່ງ ​ແລະ (5) ​ໃນວັນ​ທີ 27 ຕຸລາ 2018 ​ໄດ້​ຈັບ​ຕົວທ້າວ ພອນ ຈິດຕະວົງ ພັກ​ເຊົາ​ຢູ່​ບ້ານດົງ​ຄຳ​ຊ້າງ, ​ເມືອງຫາດ​ຊາຍ​ຟອງ ນະຄອນຫລວງ​ວຽງຈັນ, ສາມາດ​ຢຶດຢາ​ບ້າ​ໄດ້ 60.000 ​ເມັດ. ນອກ​ນັ້ນ ກໍ​ຍັງ​ມີ​ລາຍ​ຄະດີ​ຍ່ອຍອື່ນໆ ທີ່​ເຈົ້າໜ້າທີ່​ສາມາດ​ແກ້​ໄຂ​ໄດ້ ​ຄື: ສາມາດ​ມ້າງ​ແກ້ງມົ້ວ​ສຸມ​ຢາ​ເສບ​ຕິດມີ 431 ​ເລື່ອງ, ກັກ​ຕົວ​ຜູ້​ຕ້ອງ​ຫາໄດ້ 913 ຄົນ, ຊຶ່ງ​ເຈົ້າໜ້າທີ່​ໄດ້​ສຶກສາ​ອົບຮົມ ​ແລະ ສົ່ງ​ສູນ​ບຳບັດ, ສ່ວນ​ອີກ​ຈຳນວນໜຶ່ງ​ແມ່ນ​ສົ່ງ​ຕົວ​ດຳ​ເນີນ​ຄະດີ​ຕາມ​ລະບຽບກົດໝາຍ.

ຄະດີ​ຢາ​ເສບ​ຕິດພົ້ນ​ເດັ່ນ​​ໃນ​ປີ 2018 ຜ່ານ​ມາ - lattana 1 - ຄະດີ​ຢາ​ເສບ​ຕິດພົ້ນ​ເດັ່ນ​​ໃນ​ປີ 2018 ຜ່ານ​ມາ

  ຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້ອີກ​ວ່າ: ປັດຈຸບັນ, ການ​ແກ້​ໄຂ​ບັນຫາ​ຢາ​ເສບ​ຕິດຍັງ​ມີ​ຄວາມ​ຫຍຸ້ງ​ຍາກ, ຍ້ອນ​ການ​ສຶກສາ​ອົບຮົມ, ຄຸ້ມ​ຄອງ​ຂອງ​ພໍ່-​ແມ່, ຜູ້​ປົກຄອງຕໍ່ລູກ​ຫລານ ​​ບໍ່​ໃຫ້​ໄປ​ພົວພັນ​ກັບ​ຢາ​ເສບ​ຕິດຍັງ​ເຮັດ​ບໍ່ໄດ້​ດີ​ເທົ່າ​ທີ່​ຄວນ, ການ​ໂຄສະນາ​ຜົນ​ຮ້າຍ, ຄວາມ​ອັນຕະລາຍ​ຂອງ​ສິ່ງ​ເສບ​ຕິດຍັງ​ບໍ່ທັນ​ເຂົ້າ​ສູ່​ລວງ​ເລີກ, ​ໂດຍ​ສະ​ເພາະ​ຕໍ່ກັບ​ເປົ້າໝາຍຄວາມ​ສ່ຽງ​ເຊັ່ນ: ​ໄວໜຸ່ມ, ຜູ້​ອອກ​ແຮງ​ງານ, ການ​ຈຳກັດ​ແຫ​ລ່ງມົ້ວ​ສຸມ​ບໍ່ທັນ​ເຮັດ​ໄດ້​ດີ​ເຊັ່ນ: ບັນດາ​ຮ້ານ​ອິນ​ເຕີ​ເນັດ, ຮ້ານ​ບັນ​ເທີ​ງກິນ​ດື່ມ, ຮ້ານ​ຕູ້​ເກ​ມ, ຮ້ານ​ສະໜຸກ​ເກີ ສ່ວນ​ຫລາຍ​ຍັງເປັນ​ບ່ອນ​ຈຳໜ່າຍຢາ​ເສບ​ຕິດ​ລາຍ​ຍ່ອຍ ​ແລະ ການ​ປະຕິບັດ​ຄຳ​ຕັດສິນ​ຂອງ​ສານ​ຍັງ​ບໍ່ທັນ​ໃຊ້​ໄດ້​ຢ່າງ​ເດັດຂາດ, ຊຶ່ງ​ເຮັດ​ໃຫ້​ບັນຫາ​ຢາ​ເສບ​ຕິດ​ຍັງ​ມີ​ແຜ່​ຫລາຍ.