ຕ້ອນຮັບ​ປີ​ໃໝ່ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 100 ກ່ວາກໍລະນີ, ມີ​ຜູ້​ເສຍ​ຊີວິດ 38 ຄົນ

ຕ້ອນຮັບ​ປີ​ໃໝ່ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 100 ກ່ວາກໍລະນີ, ມີ​ຜູ້​ເສຍ​ຊີວິດ 38 ຄົນ - advert banner 728 90 728x90 - ຕ້ອນຮັບ​ປີ​ໃໝ່ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 100 ກ່ວາກໍລະນີ, ມີ​ຜູ້​ເສຍ​ຊີວິດ 38 ຄົນ

   ກົມ​ຕຳຫລວດ​ຈະລາຈອນ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ໄລຍະ​ວັນ​ທີ 28 ທັນວາ 2018 ຫາ ວັນ​ທີ 1 ມັງກອນ 2019 ​ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 187 ກໍລະນີ, ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 38 ຄົນ, ຫລາຍ​ກ່ວາ​ຫມູ່​ແມ່ນ​ຢູ່ ນະຄອນຫລວງ​ວຽງຈັນ ມີ 43 ກໍລະນີ, ມີ​ຜູ້​ເສຍ​ຊີວິດ 6 ຄົນ, ​ແຂວງ ສະຫວັນ​ນະ​ເຂດ ມີ 13 ກໍລະນີ, ມີ​ຜູ້​ເສຍ​ຊີວິດ 4 ຄົນ, ​ແຂວງ ບໍລິ​ຄຳ​ໄຊ ມີ 13 ກໍລະນີ, ມີ​ຜູ້​ເສຍ​ຊີວິດ 3 ຄົນ ​ແລະ ​ແຂວງ ວຽງຈັນ ມີ 10 ກໍລະນີ, ມີ​ຜູ້​ເສຍ​ຊີວິດ 3 ຄົນ, ຊຶ່ງ​​ແຂວງ ຫົວພັນ ​ເປັນ​ແຂວງ​ທີ່​ປອດ​ອຸປະຕິ​ເຫດ ​ແລະ ຖ້າ​ທຽບ​ໃສ່​ປີຜ່ານມາ​ເຫັນ​ວ່າ ​ເພີ່ມ​ຂຶ້ນຫລາຍ ຍ້ອນ​ຜູ້​ຂັບ​ຂີ່​ດື່ມ​ສິ່ງ​ມຶນ​ເມົາ​ແລ້ວ​ຂັບ​ລົດ.

ຕ້ອນຮັບ​ປີ​ໃໝ່ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 100 ກ່ວາກໍລະນີ, ມີ​ຜູ້​ເສຍ​ຊີວິດ 38 ຄົນ - lattana 1 - ຕ້ອນຮັບ​ປີ​ໃໝ່ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 100 ກ່ວາກໍລະນີ, ມີ​ຜູ້​ເສຍ​ຊີວິດ 38 ຄົນ

    ​ເຈົ້າໜ້າທີ່ ຈະລາຈອນ​ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ໄລຍະສົ່ງທ້າຍປີເກົ່າ ແລະ ຕ້ອນຮັບປີໃໝ່ນີ້, ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ວາງແຜນບັນຈຸກໍາລັງປະຈໍາຕາມເສັ້ນທາງຕ່າງໆທີ່​ມີ​ຄວາມ​ສ່ຽງສູງ ໃນນະຄອນຫຼວງວຽງຈັນ, ມາ​ແຕ່ວັນທີ 25 ທັນວາ 2018 ​ເປັນ​ຕົ້ນ​ມາ, ໂດຍຈະໃຊ້ມາດຕະການຢ່າງເຂັ້ມງວດຕໍ່ຜູ້ຂັບຂີ່ເຊັ່ນ: ກວດທາດເຫຼົ້າ ແລະ ຈັບຄວາມໄວເພື່ອ​ແນ​ໃສ່ຫຼຸດຜ່ອນອຸບັດຕິເຫດຕາມທ້ອງຖະໜົນ, ທັງຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ. ​ແຕ່​ກໍ​ຍັງ​ມີ​ສະພາບ​ອຸປະຕິ​ເຫດ​ເກີດຂຶ້ນຫລາຍຄື: ວັນ​ທີ 30 ທັນວາ ຫາ 1 ມັງກອນ 2019 ມີ​ອຸປະຕິ​ເຫດ​​ເກີດ​ຂຶ້ນ 28 ກໍລະນີ ສົ່ງ​ຜົນ​ເຮັດ​ໃຫ້​ມີ​ຜູ້​ເສຍ​ຊີວິດ 6 ຄົນ.

    ກົມ​ຕຳຫລວດ​ຈະລາຈອນ ​ໃຫ້​ຮູ້​ວ່າ​: ສະພາບ​ການ​ຈະລາຈອນ​ໃນ​ຕົວ​ເມືອງ​ໃຫຍ່​ເລີ່​ມມີ​ຄວາມ​ແອ​ອັດ​ຫລາຍ​ຂຶ້ນ, ຍ້ອນ​ຈຳນວນ​ພາຫະນະ​ເພີ່ມ​ຂຶ້ນຢ່າງ​ໄວວາ, ​ແຕ່​ເສັ້ນທາງ​ຄົມມະນາຄົມ​ພັດ​ມີ​ສະພາບ​ເປ່​ເພ​ຊຸດ​ໂຊມ​ຫລາຍ, ອັນ​ເປັນ​ຕົ້ນ​ເຫດກໍ່​ໃຫ້​ເກີດ​ອຸປະຕິ​ເຫດ​​ໄດ້​ງ່າຍ, ດັ່ງ​ນັ້ນ​ຕ້ອງ​ໄດ້​ເພີ່ມ​ທະວີ​ຄວບ​ຄຸມ​ການ​ສັນຈອນ​ໃຫ້​ດີ​ຂຶ້ນກ່ວາ​ເກົ່າ ​ເພື່ອ​ສະກັດ​ກັ້ນ​ການ​ເກີດ​ອຸປະຕິ​ເຫດ​​ໃຫ້​ຫລຸດຜ່ອນ​ລົງ.