5 ເຄັດລັບສຸຂະພາບຜິວດີຈາກພາຍໃນສູ່ພາຍນອກ

5 ເຄັດລັບສຸຂະພາບຜິວດີຈາກພາຍໃນສູ່ພາຍນອກ - advert banner 728 90 728x90 - 5 ເຄັດລັບສຸຂະພາບຜິວດີຈາກພາຍໃນສູ່ພາຍນອກ

     1. ອາຫານຜິວຕ້ານແສງແດດ: ເວລາທີ່ທ່ານອອກໄປຂ້າງນອກ ທ່ານຈະຕ້ອງພະເຊີນກັບແສງແດດທຳລາຍສຸຂະພາບຜິວໃຫ້ແຫ້ງ, ແດງ, ດຳກ່ານ ຫລື ຜິວໄໝ້ ເຊິ່ງບາງເທື່ອການທາຄຣີມກັນແດດຢ່າງດຽວກໍຍັງບໍ່ພຽງພໍ ແລະ ໂຕຊ່ວຍໜຶ່ງທີ່ຈະປົກປ້ອງ ຜິວທ່ານໄດ້ກໍແມ່ນອາຫານທີ່ມີໄລໂຄປີນ, ເບຕ້າແຄໂຣທີນ ແລະ ກົດອະມິໂນ ສານອາຫານເຫລົ່ານີ້ພົບຫລາຍໃນໝາກເລັ່ນ ແລະ ເຂົ້າ ເຊິ່ງສານອາຫານຕ່າງໆເຫລົ່ານີ້ຈະຊ່ວຍປົກປ້ອງຜິວໄໝ້ຈາກແສງແດດ ເຮັດໃຫ້ຜິວຊຸ່ມຊື່ນ, ຕ້ານຄວາມຫ່ຽວແຫ້ງ, ຮອຍຫ່ຽວກ່ອນໄວ ໂດຍຈະກິນໝາກເລັ່ນສົດ, ປຸງແຕ່ງເປັນອາຫານ ຫລື ເຮັດເປັນຄຣີມພອກໜ້າກໍໄດ້.

5 ເຄັດລັບສຸຂະພາບຜິວດີຈາກພາຍໃນສູ່ພາຍນອກ - lattana 1 - 5 ເຄັດລັບສຸຂະພາບຜິວດີຈາກພາຍໃນສູ່ພາຍນອກ

     2. ຫລຸດຄວາມເຄັ່ງຄຽດ : ຄວາມເຄັ່ງຄຽດ, ກັງວົນ ເປັນຕົ້ນເຫດຂອງບັນຫາສຸຂະພາບກາຍ, ສຸຂະພາບຈິດ, ເຮັດໃຫ້ຜິວໝອງຄຳ້ ເພາະເວລາທີ່ເຮົາເຄັ່ງຄຽດ ຫລື ຫງຸດຫງິດ ຮ່າງກາຍຂອງເຮົາຈະຫລັ່ງຮໍໂມນຄໍຕິໂຊນອອກມາເຮັດໃຫ້ໄຂມັນໃນຮ່າງກາຍເຮັດວຽກໜັກ ຈຶ່ງເຮັດໃຫ້ເກີດບັນຫາຜິວມັນ ແລະ ເກີດສິວຕາມມາ ໜັກກ່ວານັ້ນອາດຈະກາຍເປັນຜື່ນແດງສ່ຽງຕໍ່ການຕິດເຊື້ອອື່ນໆຕາມມາ ຖ້າຢາກມີຜິວງາມ ເຮົາກໍຄວນທີ່ຈະພະຍາຍາມເບິ່ງໂລກໃນແງ່ບວກຫລາຍຂຶ້ນ ຢ່າເຄັ່ງຄຽດຈົນເກີນໄປ, ພະຍາຍາມເຮັດຈິດໃຈແຈ່ມໃສ ແລ້ວຜົນທີ່ໄດ້ຈະມີທັງສຸຂະພາບກາຍ, ສຸຂະພາບໃຈ ແລະ ສຸຂະພາບຜິວທີ່ດີ.

     3. ອອກກຳລັງກາຍເປັນປະຈຳ : ການອອກກຳລັງກາຍນອກຈາກຈະເຮັດໃຫ້ເຮົາມີສຸຂະພາບທີ່ດີ ຮ່າງກາຍແຂງແຮງແລ້ວ ຍັງຊ່ວຍໃຫ້ອົກຊີແຊນໃນຮ່າງກາຍໝູນວຽນດີ ສົ່ງຜົນໃຫ້ຜິວສົດໃສຂຶ້ນ. ໃນການອອກກຳລັງກາຍແຕ່ລະເທື່ອຈະໃຊ້ເວລາປະມານ 45 – 60 ນາທີ ເຊິ່ງຂໍ້ຄວນລະວັງຄື ຄວນອອກກຳລັງກາຍແຕ່ພໍດີ ຢ່າຫັກໂຫມ ເພາະຖ້າເຮົາອອກກຳລັງກາຍໜັກເກີນໄປຈະເຮັດໃຫ້ທ່ານເບິ່ງຊຸດໂຊມ ຜິວບໍ່ສົດໃສໃນໄລຍະຍາວ.

     4. ດື່ມນົມກ່ອນນອນ : ເຄື່ອງດື່ມທີ່ສຳຄັນ ແລະ ຈຳເປັນຕໍ່ຮ່າງກາຍນອກຈາກນຳ້ດື່ມແລ້ວຍັງມີໂຢເກິດ, ນົມສົ້ມ ຫລື ນຳ້ໝາກພຸນ ທີ່ມີສານອາຫານຈຳເປັນ ແລະ ອຸດົມໄປດ້ວຍຄຸນປະໂຫຍດທີ່ຈະຊ່ວຍໃຫ້ເຮົາມີລະບົບຂັບຖ່າຍທີ່ດີໃນຍາມເຊົ້າ ເມື່ອລະບົບຂັບຖ່າຍເຮັດວຽກດີບໍ່ມີສິ່ງເສດເຫລືອສະສົມໃນຮ່າງກາຍກໍຈະສົ່ງຜົນໃຫ້ຜິວກ້ຽງງາມສົດໃສຂຶ້ນ.

     5. ເຊືອບຫລັບປະມານ 20 ນາທີ : ຖ້າຫາກນອນບໍ່ພໍ ຮ່າງກາຍຂາດການພັກຜ່ອນກໍຈະສົ່ງຜົນຕໍ່ການເຮັດວຽກຂອງລະບົບ ຮ່າງກາຍ ລວມເຖິງການສ້າງແຊນຜິວໃໝ່ມາແທນບ່ອນແຊນຜິວເກົ່າທີ່ຕາຍໄປ ເຊິ່ງການສ້າງແຊນໃໝ່ນີ້ຊ່ວຍໃຫ້ຜິວສົດໃສກ້ຽງ ງາມຫລາຍຂຶ້ນ ທັງຍັງຊ່ວຍຫລຸດການເກີດສິວ ແລະ ຮອຍດຳຄຳ້ກ້ອງດວງຕາໄດ້ນຳ. ດັ່ງນັ້ນ ຖ້າຍາມໃດທີ່ທ່ານພັກຜ່ອນໜ້ອຍ ຂໍແນະນຳໃຫ້ຫາເວລາເຊືອບຫລັບ ປະມານ 20 ນາທີ ເພື່ອໃຫ້ຮ່າງກາຍໄດ້ເຮັດວຽກຟື້ນຟູຮ່າງກາຍສ້າງແຊນຜິວໃໝ່ຂຶ້ນມາໄດ້.