6 ສັນຍານບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ

6 ສັນຍານບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ - advert banner 728 90 728x90 - 6 ສັນຍານບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ

     ຮໍໂມນເອສໂຕຣເຈນ ເປັນຮໍໂມນທີ່ພົບໄດ້ທັງໃນເພດຊາຍແລະ ເພດຍິງ, ແຕ່ໃນເພດຍິງຈະມີຫລາຍກ່ວາ ເນື່ອງຈາກເປັນຮໍ ໂມນທີ່ຜະລິດມາຈາກຮັງໄຂ່ ເຊິ່ງເປັນຮໍໂມນທີ່ສຳຄັນຫລາຍ ເພາະມີຄວາມກ່ຽວພັນກັບລະບົບຕ່າງໆຂອງຮ່າງກາຍ ເຊັ່ນ : ລະບົບເຜົາຜານ, ຮູບຮ່າງ, ການເປັນປະຈຳເດືອນ, ສະພາບທາງອາລົມ ເປັນຕົ້ນ. ປົກກະຕິເຮົາຄວນຮັກສາລະດັບຮໍໂມນໃນຮ່າງກາຍໃຫ້ດຸ່ນດ່ຽງ ຫາກຮ່າງກາຍມີລະດັບຮໍໂມນຫລາຍເກີນໄປ ຫລື ໜ້ອຍເກີນໄປ ອາດສົ່ງຜົນເສຍຕໍ່ຮ່າງກາຍໄດ້. ນີ້ແມ່ນ 6 ສັນຍານທີ່ບົ່ງບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ :

6 ສັນຍານບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ - lattana 1 - 6 ສັນຍານບອກວ່າຮ່າງກາຍມີຮໍໂມນເອສໂຕຣເຈນຫລາຍເກີນໄປ

     – ເບັງເຕົ້ານົມ : ໃນຊ່ວງເປັນປະຈຳເດືອນ ແມ່ຍິງຫລາຍຄົນຈະຮູ້ສຶກເບັງເຕົ້ານົມ ຫລື ຮູ້ສຶກວ່າເຕົ້ານົມໃຫຍ່ຂຶ້ນ ເພາະນົມມີຄວາມກ່ຽວຂ້ອງກັບຮໍໂມນ ຫາກມີຮໍໂມນຫລາຍເກີນໄປຈະເຮັດໃຫ້ຮູ້ສຶກເບັງເຕົ້ານົມ ຫລື ບວມຫລາຍກ່ວາປົກກະຕິ.

     – ອາລົມປ່ຽນແປງ : ຮໍໂມນເອສໂຕຣເຈນກ່ຽວຂ້ອງກັບລະບົບຕ່າງໆໃນຮ່າງກາຍ ແລະ ຍັງມີຄວາມສຳຄັນໃນການຄວບຄຸມອາລົມ ດັ່ງນັ້ນ ຫາກຮໍໂມນໃນຮ່າງກາຍບໍ່ດຸ່ນດ່ຽງອາດເຮັດໃຫ້ອາລົມປ່ຽນແປງ, ອ່ອນໄຫວ ແລະ ຫງຸດຫງິດງ່າຍ.

     – ນຳ້ໜັກເພີ່ມຂຶ້ນ : ຮໍໂມນເອສໂຕຣເຈນສົ່ງຜົນຕໍ່ຮູບຮ່າງຂອງແມ່ຍິງ ເປັນໂຕຊ່ວຍຄວບຄຸມການສ້າງຄໍເລສເຕີໂຣນ ແລະ ລະບົບເຜົາຜານໃນຮ່າງກາຍ ເມື່ອຮ່າງກາຍມີຮໍໂມນຫລາຍເກີນໄປຈະສົ່ງຜົນໃຫ້ນຳ້ໜັກໂຕເພີ່ມຂຶ້ນ.

– ປະຈຳເດືອນມາບໍ່ປົກກະຕິ : ເພາະຮໍໂມນເອສໂຕຣເຈນ ເປັນຮໍໂມນທີ່ຜະລິດຈາກຮັງໄຂ່ ມີສ່ວນສຳຄັນກ່ຽວກັບການເປັນປະຈຳເດືອນຂອງແມ່ຍິງ ຫາກຮໍໂມນໃນຮ່າງກາຍບໍ່ດຸ່ນດ່ຽງ ອາດສົ່ງຜົນຕໍ່ໄລຍະເວລາຂອງການເປັນປະຈຳເດືອນ.

     – ມີບັນຫາການນອນຫລັບ : ການມີຮໍໂມນເອສໂຕຣເຈນຫລາຍເກີນໄປ ສົ່ງຜົນຕໍ່ບັນຫາການນອນຫລັບທີ່ແຕກຕ່າງກັນ ບາງຄົນອາດຈະຫ້າວຫັນຫລາຍເກີນໄປຈົນນອນບໍ່ຫລັບ ຫລື ກັງວົນໃຈຕະຫລອດເວລາ ຄວນໃຫ້ຄວາມສົນໃຈກັບການນອນຫລາຍຂຶ້ນ ຫລືຫລຸດລະດັບຄວາມເຄັ່ງຄຽດລົງ.

   – ຮູ້ສຶກອິດເມື່ອຍອ່ອນເພຍໝົດມື້ :  ເປັນຜົນມາຈາກບັນຫາການນອນຫລັບ ອາດເຮັດໃຫ້ທ່ານຮູ້ສຶກອິດເມື່ອຍອ່ອນເພຍໝົດມື້ຫລາຍກ່ວາປົກກະຕິ ຄວນປ່ຽນຮູບແບບການໃຊ້ຊີວິດປະຈຳວັນ ຫລື ກວດເບິ່ງລະດັບຮໍໂມນເອສໂຕຣເຈນຂອງທ່ານ ເພາະມັນອາດມີຫລາຍເກີນໄປ.