ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ ASEAN Quiz

ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ asean quiz - advert banner 728 90 728x90 - ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ ASEAN Quiz

ພິທີມອບໃບຍ້ອງຍໍໃຫ້ ນັກຮຽນເກັ່ງ 3 ຄົນທີ່ໄດ້ ຮອງຊະນະເລີດຖາມ-ຕອບ ຄວາມຮູ້ກ່ຽວກັບອາຊຽນ      ລະດັບພາກພື້ນ ຄັ້ງທີ 8 ທີ່ ອິນໂດເນເຊຍ (ໂຄງການ ASEAN Quiz) ໄດ້ຈັດຂຶ້ນ ໃນວັນທີ 31 ທັນວາຜ່ານມາ, ທີ່ໂທລະພາບແຫ່ງຊາດ ລາວ, ໃນໂອກາດມອບລາງ ວັນຜະລິດຕະພັນສື່ ແລະ ພິມຈຳໜ່າຍດີເດັ່ນ, ໂດຍ ເປັນ ກຽດມອບຂອງທ່ານບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ແກ່ ນາງ ທິບເກສອນ  ເຂັມທອງ ຈາກໂຮງຮຽນມັດທະຍົມສົມບູນປາກເຊ ແຂວງ ຈຳປາສັກ; ນາງ ສຸນິຕາ ສຸກ ສຳລານ ຈາກໂຮງຮຽນມັດ ທະຍົມສົມບູນແສງດາລາ ນະຄອນຫລວງວຽງຈັນ ແລະ ທ້າວ ສົມໃຈ ຈວງໃບ ຈາກໂຮງຮຽນມັດທະຍົມສົມ ບູນສະຫວັນນະເຂດ ແຂວງ ສະຫວັນນະເຂດ ທີ່ເປັນຕົວ ແທນນັກຮຽນເກັ່ງ ລະດັບມັດ ທະຍົມຕອນປາຍ ທີ່ສາມາດ ຍາດໄດ້ຕຳແໜ່ງຮອງຊະ ນະເລີດ ໃນການແຂ່ງຂັນ ຖາມ-ຕອບ ຄວາມຮູ້ກ່ຽວກັບ ອາຊຽນລະດັບພາກພື້ນ    ຄັ້ງທີ 8 ທີ່ເມືອງບາຫລີ ປະເທດອິນໂດເນເຊຍ ໃນລະຫວ່າງວັນທີ 3-7 ທັນວາ 2018.

ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ asean quiz - lattana 1 - ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ ASEAN Quiz

ຜ່ານການແຂ່ງຂັນ ທີ່ໄດ້ແບ່ງອອກເປັນ 2 ຮອບ, ແຕ່ລະຮອບປະກອບດ້ວຍ  4 ໝວດຄໍາຖາມ; ຜົນການ ແຂ່ງຂັນປາກົດວ່າ: ຊະນະ ເລີດໄດ້ແກ່ ປະເທດ ອິນໂດ ເນເຊຍ (ເຈົ້າພາບ), ຮອງ ຊະນະເລີດໄດ້ແກ່ ສປປ  ລາວ, ອັນດັບ 3 ໄດ້ແກ່ຟີລິບ ປິນ, ສິງກະໂປ ແລະ ຫວຽດ ນາມ ໄດ້ອັນດັບ 4, ອັນດັບ 6 ໄດ້ແກ່ໄທ, ອັນດັບ 7 ມຽນ ມາ, ອັນດັບ 8 ບຣູໄນ ດາຣຸດ ຊາລຳ ແລະ ອັນດັບ 9 ປະເທດກຳປູເຈຍ. ສ່ວນຜູ້ຊະນະເລີດ ໄດ້ຮັບຂັນລາງວັນ ພ້ອມເງິນສົດ 1.500 ໂດລາ ສະຫະລັດ, ອັນດັບ 2 ໄດ້ຮັບຂັນລາງວັນ ແລະ ເງິນສົດ 1.200 ໂດລາສະຫະລັດ ແລະ ອັນດັບ 3 ໄດ້ຮັບຂັນ ລາງວັນ ພ້ອມເງິນສົດ ມູນຄ່າ 900 ໂດລາສະຫະລັດ. ພ້ອມນີ້, ທີມນັກຮຽນຈາກ ລາວ ຍັງສາມາດຍາດໄດ້ ຕຳແໜ່ງຮອງຊະນະເລີດ ໃນການແຂ່ງຂັນມິດຕະພາບ (Friendship Competition) ໃນຮູບແບບຫລິ້ນ   ເກມ Inter-active games ເປັນເກມທົດສອບໄຫວພິບ ປະຕິພານ ແລະ ຄວາມວ່ອງໄວຄ່ອງແຄ້ວ, ແຂ່ງຂັນແບບມິດຕະພາບດ້ວຍ ຄວາມເບີກບານມ່ວນຊື່ນ ແລະ ໄດ້ຮັບເງິນລາງວັນ 900 ໂດລາສະຫະລັດ.

 ໂຄງການ ASEAN Quiz ມີຈຸດປະສົງ ເພື່ອແນ ໃສ່ໂຄສະນາເຜີຍແຜ່ ແລະ ສົ່ງເສີມນ້ຳໃຈອັນດີງາມ ຂອງການແຂ່ງຂັນເພື່ອມິດ ຕະພາບ ແລະ ຄວາມສາມັກ ຄີລະຫວ່າງ ບັນດາຊາວໜຸ່ມ ອາຊຽນ ໂດຍຜ່ານ ເກມການແຂ່ງຂັນຖາມ-ຕອບ ເຊິ່ງເປັນການນຳສະເໜີ ແລະ  ສ່ອງແສງໃຫ້ເຫັນກ່ຽວກັບ ຄວາມເປັນມາ ແລະ ວິວັດທະນາການທາງດ້ານປະ ຫວັດສາດ, ສັງຄົມ, ວັດທະ ນະທຳ, ການເມືອງ ແລະ ເສດຖະກິດພາຍໃນພາກພື້ນອາຊີຕະເວັນອອກສຽງ ໃຕ້. ນອກນີ້, ກໍເພື່ອສົ່ງເສີມ ຄວາມຮັບຮູ້ ແລະ ຄວາມເຂົ້າ ໃຈ ແລະ ທັງເສີມສ້າງທັດ ສະນະມຸມມອງທີ່ດີ ແລະ ຖືກ ຕ້ອງກ່ຽວກັບອາຊຽນຕື່ມ  ອີກ ລວມທັງເສີມຂະຫຍາຍ ຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງບັນດາ ປະເທດປະຊາຄົມອາຊຽນ ກໍຄື ນັກຮຽນ-ນັກສຶກສາອາ ຊຽນ ໃນຂະບວນວິວັດແຫ່ງ ການເຊື່ອມໂຍງ ແລະ ການ ສ້າງປະຊາຄົມອາຊຽນ ໃຫ້ ນັບມື້ນັບເຂັ້ມແຂງ.

ການແຂ່ງຂັນ ASEAN QUIZ ໃນ 7 ຄັ້ງ ຜ່ານ ມາ ແມ່ນໄດ້ຈັດຂຶ້ນທີ່ປະ ເທດໄທ (ປີ2002), ປະ ເທດ Brunei Darrussalam (ປີ 2004), ປະເທດມາເລເຊຍ (ປີ 2006), ປະເທດຟີລິບປີນ  (ປີ 2009) ແລະ ຣາຊະ ອານາຈັກກຳປູເຈຍ (ປີ  2011, ປະເທດຫວຽດນາມ (2014), ແລະ ປະເທດ ສປປ ລາວ (2016) ຕາມ ລຳດັບ. ໃນການແຂ່ງຂັນ ຄັ້ງທີ 7 ຜ່ານມາ ທີ່ ສປປ ລາວເຮົາເປັນເຈົ້າພາບດ້ວຍ ຕຳແໜ່ງຊະນະເລີດ.

ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ asean quiz - 25965144444 - ມອບໃບຍ້ອງຍໍໃຫ້ນັກຮຽນເກັ່ງ 3 ຄົນ ທີ່ໄດ້ຮອງຊະນະເລີດໂຄງການ ASEAN Quiz