ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ

ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ - advert banner 728 90 728x90 - ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ

     ການເດີນທາງໂດຍເຮືອບິນນັ້ນໄດ້ຮັບຄວາມນິຍົມຫລາຍຂຶ້ນເລື້ອຍໆ ເພາະມີຄວາມປອດໄພສູງ, ແຕ່ການເດີນທາງດັ່ງກ່າວ ອາດສົ່ງຜົນຕໍ່ສຸຂະພາບຂອງຜູ້ໂດຍສານໄດ້ຄືກັນ ເຊິ່ງບັນຫາສຸຂະພາບທີ່ພົບຫລາຍນັ້ນກໍແມ່ນອາການບາດເຈັບໃນຫູຍ້ອນຫູອື້ ຈາກການປ່ຽນແປງຄວາມດັນບັນຍາກາດຢ່າງກະທັນຫັນ.

ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ - lattana 1 - ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ

  ອາການຫູອື້ເປັນເລື່ອງກັງວົນຂອງຜູ້ໂດຍສານເປັນປະຈຳ  ໂດຍສະເພາະຈຸບິນ ແລະ ນັກບິນ ເຖິງວ່າຈະໃຊ້ຢາພົ່ນດັງ ແລະ ປັບ ຄວາມດັນໃນຫູຊັ້ນກາງໂດຍວິທີຕ່າງໆ ເຊັ່ນ : ເພີ່ມຄວາມດັນບໍລິເວນທາງຫລັງຜົ້ງປາກ ແລະ ຜົ້ງດັງ  (Valsalva maneuver)  ເພື່ອເປີດທໍ່ລະບາຍອາກາດທີ່ເຊື່ອມຕໍ່ໄປຫາຫູຊັ້ນກາງແລ້ວ ແຕ່ອາການຫູອື້ຍັງບໍ່ເຊົາ ວິທີແກ້ອາການຫູອື້ມີດັ່ງນີ້ :

     – ຫຍຳ້ໝາກຝຣັ່ງ : ການແກ້ໄຂຈຶ່ງຕ້ອງປັບຄວາມດັນໃນຫູ ເຊັ່ນ : ອົມເຂົ້າໜົມ, ຫຍຳ້ໝາກຝຣັ່ງ ແລະ ເຮັດ (Valsalva maneuver) ເພື່ອປັບແຮງດັນໃນຫູຊັ້ນກາງໃຫ້ເທົ່າກັບບັນຍາກາດພາຍນອກ ຫາກປ່ອຍຄວາມດັນອາກາດແຕກຕ່າງກັນຫລາຍ ເຊັ່ນ : ເຜີນອນຫລັບໃນເວລາເຮືອບິນຫລຸດລະດັບລົງ ຈົນມີອາການເຈັບຫູ ວິທີປັບຄວາມດັນປົກກະຕິອາດບໍ່ໄດ້ຜົນ ຈຶ່ງຕ້ອງເຮັດ (Valsalva maneuver) ຊ່ວຍປັບຄວາມດັນ ກ່ອນທີ່ຈະເກີດອາການບາດເຈັບໃນຫູຊັ້ນກາງ ຫລື  (Barotrauma).

     – ການກັ້ນຫາຍໃຈ : ນອກຈາກນີ້ ການເຮັດ Eustachain Tube  ໂດຍຫາຍໃຈເຂົ້າ ຄື ກັ້ນຫາຍໃຈແລ້ວໃຊ້ນິ້ວມືບີບດັງ, ອັດປາກແໜ້ນ ແລ້ວເບັ່ງລົມຫາຍໃຈອອກ ໃຫ້ອາກາດຖືກດັນໄປຫູຊັ້ນກາງ ຈົນໄດ້ຍິນສຽງເປີດຂອງທໍ່ ແລ້ວກືນນຳ້ລາຍ ອາການຫູອື້ຈະດີຂຶ້ນ ທັງນີ້ການປ່ຽນແປງລະດັບຄວາມສູງມີຜົນໃຫ້ຄວາມດັນບັນຍາກາດຫລຸດລົງ ແລະ ການຫລຸດລະດັບຄວາມສູງມີຜົນກົງກັນຂ້າມຄື ຄວາມດັນເພີ່ມຂຶ້ນ.

     – ຄວາມດັນໃນຫ້ອງໂດຍສານ  ເຖິງວ່າເຮືອບິນຈະບິນໃນຄວາມສູງ 12.000 ແມັດ, ແຕ່ຄວາມດັນໃນຫ້ອງໂດຍສານໄດ້ຖືກປ່ຽນເພື່ອບໍ່ໃຫ້ເກີດອັນຕະລາຍຕໍ່ຜູ້ໂດຍສານ ເຊິ່ງປົກກະຕິຄວາມດັນຈະຢູ່ລະດັບຄວາມສູງ 1.800 – 2.400 ແມັດ ຂຶ້ນຢູ່ກັບຊະນິດຂອງເຮືອບິນ.

     – ໃນຂະນະເຮືອບິນໄຕ່ລະດັບຂຶ້ນ : ຂະນະທີ່ເຮືອບິນໄຕ່ລະດັບຂຶ້ນ ແຮງດັນບັນຍາກາດພາຍນອກຈະໜ້ອຍກ່ວາໃນຫູຊັ້ນກາງ ອາກາດຈຶ່ງໄຫລອອກງ່າຍເມື່ອ ເຮືອບິນລົງແຮງດັນໃນຫູຊັ້ນກາງທີ່ມີໜ້ອຍຈຶ່ງບໍ່ສາມາດດັນອາກາດຈາກພາຍນອກໄດ້ ການໄຫລຂອງອາກາດອອກຈາກຫູໄປຫາຫລັງຜົ້ງດັງຈະເຮັດໄດ້ງ່າຍກ່ວາການໄຫລຂອງອາກາດເຂົ້າສູ່ຫູຊັ້ນກາງ. ດັ່ງນັ້ນ ເວລາອາກາດຂະຫຍາຍໂຕ (ແກ້ວຫູໂພງອອກ) ຂະນະເຮືອບິນໄຕ່ລະດັບຈຶ່ງບໍ່ມີບັນຫາເທົ່າກັບຂະນະຫລຸດລະດັບລົງສູ່ພື້ນ (ແກ້ວຫູຍຸບເຂົ້າ) ທີ່ຈະຮູ້ສຶກຫູອື້ ຈົນຕ້ອງອ້າປາກຫາວ, ປິດດັງ ແລະ ກືນນຳ້ລາຍ, ຫຍຳ້ໝາກຝຣັ່ງ ແລະ ກືນນຳ້ລາຍຕະຫລອດ ໂດຍຕ້ອງເຮັດໄປເລື້ອຍໆນັບແຕ່ກ່ອນໜ້າ ຫລື ຫລັງຫູອື້ ຢ່າລໍໍຖ້າຈົນເຈັບຫູຈຶ່ງຄ່ອຍເຮັດ ເພາະຄວາມດັນທີ່ຕ່າງກັນຫລາຍຂຶ້ນຈະໄປເປີດທໍ່ລະບາຍອາກາດໃຫ້ຍາກຂຶ້ນ ຈົນຕ້ອງເຮັດ Valsalva ເພື່ອເປີດທາງລະບາຍອາກາດເຂົ້າສູ່ຫູຊັ້ນກາງ ເຊິ່ງຕ້ອງເຮັດ 2 – 3 ເທື່ອ ແລ້ວກືນນຳ້ລາຍຕາມຫລັງທຸກເທື່ອ.

ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ - 050401 2019 1 - ວິທີຫລຸດອາການເຈັບຫູຍ້ອນຫູອື້ເວລາຂີ່ເຮືອບິນ

     ຫາກເຮືອບິນຕົກຫລຸມອາກາດ ຫລື ຫລຸດລະດັບຢ່າງໄວວາ ອາດເກີດແຮງດັນລົມໃນຫູ ຈົນແກ້ວຫູເຄັ່ງ ເລືອດອອກໃນແກ້ວຫູ ຫລື ໃນຫູຊັ້ນກາງ ຈະມີອາການເຈັບປວດຮຸນແຮງ  ຄວນຟ້າວໄປພົບແພດທັນທີ.