ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວຈະ​ຈັດ​ຂຶ້ນ​ໃນ​ວັນ​ທີ 12-20 ມັງກອນ​ນີ້

ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວຈະ​ຈັດ​ຂຶ້ນ​ໃນ​ວັນ​ທີ 12-20 ມັງກອນ​ນີ້ - advert banner 728 90 728x90 - ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວຈະ​ຈັດ​ຂຶ້ນ​ໃນ​ວັນ​ທີ 12-20 ມັງກອນ​ນີ້

     ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ຖະ​ແຫລ​ງຕໍ່​ສື່​ມວນ​ຊົນ​ໃນ​ມໍ່ໆ​ມາ​ນີ້​ວ່າ: ງານ​ວາງສະ​ແດງ​ຜະລິ​ດຕະພັນ​ເຟີ​ນີ​ເຈີ​ໄມ້​ລາວ​ຄັ້ງທີ V ນີ້​ຈະ​ຈັດ​ຂຶ້ນທີ່​ສູນ​ການ​ຄ້າ​ລາວ​ໄອ​ເຕັກ ​ໃນ​ນະຄອນຫລວງ​ວຽງ​ຈັນ ລະຫວ່າງ​ວັນ​ທີ 12-20 ມັງກອນ​ນີ້ ​ເນື່ອງ​ໃນ​ໂອກາດ​ລະນຶກ​ວັນ​ສ້າງຕັ້ງກອງທັບ​ປະຊາຊົນ​ ຄົບຮອບ 70 ປີ, ຄາດ​ໃນ​ງານ​ດັ່ງກ່າວ​ຈະ​ມີ​ຍອດ​ມູນ​ຄ່າ​ການ​ຊື້-ຂາຍ​ສູງ​ເຖິງ 10 ຕື້ກີບ ຈາກ​ຜູ້​ເຂົ້າຊົມ​ບໍ່​ຕໍ່າ​ກວ່າ 2 ​ແສນ​ເທື່ອ​ຄົນ. ພ້ອມ​ເປັນ​ການ​ສົ່ງ​ເສີມ​ການ​ຜະລິດ​ເຄື່ອງ​ເຟີ​ນີ​ເຈີ​ໄມ້​ລາວ​ໄດ້​ເຕີບ​ໃຫຍ່​ຂະຫຍາຍຕົວ, ສາມາດ​ເຂົ້າຫາ​ຕະຫລາດ​ພາຍ​ໃນ ​ແລະ ຕ່າງປະ​ເທດ​ນັບ​ມື້ຫລາຍ​ຂຶ້ນ ​ແນ​ໃສ່​ການ​ນຳ​ໃຊ້​ໄມ້​ໃຫ້​ເກີດ​ປະ​ໂຫຍ​ດສູງ​ສຸດ, ຈຳກັດ​ການ​ສົ່ງ​ອອກ​ວັດຖຸ​ດິບ​ດ້ວຍ​ການ​ຫັນ​ມາ​ປຸງ​ແຕ່ງ​ເພີ່ມ​ມູນ​ຄ່າ​ໃຫ້​ຜະລິດ​ຕະພັນ​ໄມ້​ສູງ​ຂຶ້ນ. ຂະນະ​ດຽວ​ກັນ ກໍ​ເປັນ​ການ​ສົ່ງ​ເສີມ ​ແລະ ສ້າງ​ວຽກ​ເຮັດ​ງານ​ທຳ​ໃຫ້​ສັງຄົມ​ໄດ້​ຫລາຍ​ຂຶ້ນ.

ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວຈະ​ຈັດ​ຂຶ້ນ​ໃນ​ວັນ​ທີ 12-20 ມັງກອນ​ນີ້ - lattana 1 - ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ໄມ້​ລາວຈະ​ຈັດ​ຂຶ້ນ​ໃນ​ວັນ​ທີ 12-20 ມັງກອນ​ນີ້

     ​ໃນ​ງານ​ວາງສະ​ແດ​ງດັ່ງກ່າວ ຄາດ​ວ່າ​ຈະ​ມີ​ຜູ້​ມາ​ຈັບຈອງ​ຫ້ອງ​ຂາຍ​ແລ້ວ​ປະມານ 175 ຫ້ອງ ສ່ວນ​ໃຫຍ່​ແມ່ນ​ຈາກ​ຫົວໜ່ວຍ​ທຸລະ​ກິດ​ໄມ້ ​ແລະ ​ໂຮງງານ​ປຸງ​ແຕ່ງ​ໄມ້​ຕ່າງໆ ສະ​ເພາະ​ຢູ່​ນະຄອນຫລວງ​ວຽງ​ຈັນ​ມີ 53 ຫົວໜ່ວຍ, ຕ່າງ​ແຂວງ 13 ຫົວໜ່ວຍ ​ແລະ ປະ​ເທດ​ໄທ​ມີ 6 ຫົວໜ່ວຍ. ພ້ອມ​ນັ້ນ ຍັງ​ມີ​ສິນຄ້າ​ໂອດ​ອບຈາກ​ທ້ອງ​ຖິ່ນ​ຕ່າງໆ​ເຂົ້າມາ​ຮ່ວມ​ອີກ​ດ້ວຍ ​ເຊິ່ງນອກຈາກ​ການວາງສະ​ແດງ ​ແລະ ຈຳໜ່າຍ​ສິນຄ້າ​ແລ້ວ ຜູ້​ເຂົ້າຊົມ​ຍັງ​ຈະ​ໄດ້​ສຳຜັດ​ກັບ​ການ​ສາທິດ​ການ​ແກະ​ສະ​ລັກ​ໄມ້, ການ​ຜະລິດ​ເຄື່ອງ​ເຟີ​ນີ​ເຈີ​ປະ​ເພດ​ຕ່າງໆ ພ້ອມ​ຈະ​ໄດ້​ຈົກ​ສະຫລາກ​ເພື່ອ​ຊີງ​ລາງວັນ​ອື່ນໆ​ອີກ.