ການສະແດງສິລະປະສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70ປີສ້າງຄວາມປະທັບໃຈໃຫ້ແກ່ຜູ້ຊົມ

ການສະແດງສິລະປະສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70ປີສ້າງຄວາມປະທັບໃຈໃຫ້ແກ່ຜູ້ຊົມ - advert banner 728 90 728x90 - ການສະແດງສິລະປະສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70ປີສ້າງຄວາມປະທັບໃຈໃຫ້ແກ່ຜູ້ຊົມ

ລາຍການສະແດງສິລະປະຈາກຄະນະສິລະປະກອນທະຫານເຂດ 5 ກອງທັບປະຊາຊົນຫວຽດນາມ ໄດ້ຈັດຂຶ້ນໃນຄໍ່າຄືນວັນທີ 3 ມັງກອນນີ້ທີ່ຫໍວັດທະນະທໍາແຫ່ງຊາດ, ນະຄອນຫລວງວຽງຈັນເພື່ອຮ່ວມສະເຫລີມສະຫລອງວັນສ້າງຕັ້ງກອງທັບປະຊາຊົນປະຕິວັດລາວຄົບຮອບ 70 ປີ (20ມັງກອນ1949-20ມັງກອນ2019)ເພື່ອເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານທີ່ເປັນມູນເຊື້ອລະຫວ່າງສອງຊາດ, ສອງກອງທັບລາວ-ຫວຽດນາມ, ປະກອບສ່ວນປຸກລະດົມກຳລັງໃຈໃຫ້ນາຍ ແລະ ພົນທະຫານ ກໍຄືປະຊາຊົນລາວບັນດາເຜົ່າຫ້າວຫັນເຂົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກໃຫ້ປະກົດຜົນເປັນຈິງ,ເປັນການແລກປ່ຽນສິລະປະ, ວັດທະນະທໍາລະຫວ່າງສອງຊາດ, ສອງກອງທັບລາວ-ຫວຽດນາມ,ໂດຍມີທ່ານພົນຕີ ທອງລອຍ ສິລິວົງຮອງລັດຖະມົນຕີກະຊວງປ້ອງກັນປະເທດຫົວໜ້າກົມໃຫຍ່ການເມືອງກອງທັບ, ທ່ານພັນເອກ ຫງວຽນວັນແທງ ຫົວໜ້າການເມືອງກອງສິລະປະກອນທະຫານເຂດ 5 ພ້ອມດ້ວຍນັກສິລະປິນ,  ມີບັນດາທ່ານການນໍາພັກ-ລັດ, ຄະນະນໍາກະຊວງປ້ອງກັນປະເທດ, ບັນດານາຍ ແລະພົນທະຫານ, ນາຍ ແລະ ພົນຕໍາຫຼວດ ແລະ ມວນຊົນຊາວນະຄອນຫລວງວຽງຈັນເຂົ້າຮ່ວມຢ່າງຫລວງຫລາຍ.

ການສະແດງສິລະປະສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70ປີສ້າງຄວາມປະທັບໃຈໃຫ້ແກ່ຜູ້ຊົມ - lattana 1 - ການສະແດງສິລະປະສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70ປີສ້າງຄວາມປະທັບໃຈໃຫ້ແກ່ຜູ້ຊົມ

ດັ່ງຮູ້ນໍາກັນແລ້ວວ່າ: ລາວ-ຫວຽດນາມແມ່ນສອງປະເທດອ້າຍນ້ອງທີ່ມີສາຍແດນຕິດຈອດກັນ, ກອງທັບ ແລະປະຊາຊົນສອງຊາດມີມູນເຊື້ອສາມັກຄີຮັກແພງກັນຊ່ວຍເຫລືອເຊິ່ງກັນ ແລະກັນມາແຕ່ດົນນານ, ພ້ອມກັນຄຽງບ່າຄຽງໄຫຼ່ຕໍ່ສູ້ຕີສັດໂຕດຽວ, ຮ່ວມສຸກ, ຮ່ວມທຸກ, ຮ່ວມຂຸມຄອງສູ້ຮົບເຕັມໄປດ້ວຍການເສຍສະຫລະອັນໃຫຍ່ຫລວງນັບທັງຊີວິດ, ຢາດເຫື່ອ, ຢາດເລືອດ ແລະນໍ້າຕາຂອງນັກຮົບປະຕິວັດທັງສອງຊາດບໍ່ຈັກທໍ່ໃດເພື່ອແລກເອົາຄວາມເປັນເອກະລາດ, ອິດສະຫລະພາບມາໃຫ້ສອງຊາດລາວ-ຫວຽດນາມ ເຮັດໃຫ້ຄວາມຜູກພັນກາຍເປັນມູນເຊື້ອແຫ່ງຄວາມສາມັກຄີພິເສດ ຮ່ວມສໍາພັນສູ້ຮົບທີ່ບໍລິສຸດຜຸດຜ່ອງ, ໄວ້ເນື້ອເຊື່ອໃຈ ແລະເປັນມໍລະດົກອັນລໍ້າຄ່າຂອງສອງຊາດ ຄືດັ່ງປະທານໂຮ່ຈິມິນເວົ້າວ່າ: “ສອງຊາດລາວ-ຫວຽດນາມໄດ້ຝັງຄວາມຮັກໄວ້ໃນໃຈ ຮົ່ງຮ່າທັງແມ່ຂອງບໍ່ເລີກປຸນປານໄດ້” ແລະປະທານໄກສອນ ພົມວິຫານ ກໍໄດ້ເວົ້າວ່າ: “ເຖິງພູເຂົາຈະເຊາະເຈື່ອນ ແມ່ນໍ້າລໍາເຊຈະເຫືອດແຫ້ງ ແຕ່ສາຍພົວພັນມິດຕະພາບລາວ-ຫວຽດນາມຍັງໝັ້ນຄົງທະນົງແກ່ນຊົ່ວກາລະນາ” ບັນດາຄໍາເວົ້າດັ່ງກ່າວໄດ້ກາຍເປັນມານະຈິດ, ອາລົມຈິດປະຕິວັດ ແລະເປັນພິໄນກໍາໄວ້ໃຫ້ກອງທັບ ແລະ ປະຊາຊົນສອງຊາດພວກເຮົາໄດ້ປົກປັກຮັກສາ ແລະເສີມຂະຫຍາຍໄປຮອດເຊັ່ນລູກເຊັ່ນຫລານຕະຫລອດໄປ.

ການສະແດງສິລະປະຂອງຄະນະສິລະປະກອນທະຫານເຂດ 5 ກອງທັບປະຊາຊົນຫວຽດນາມຄັ້ງນີ້, ປະກອບມີການສະແດງບົດເພງປະສານຟ້ອນ, ຮ້ອງເພງດ່ຽວຍິງ-ດ່ຽວຊາຍ, ຮ້ອງໝູ່ຍິງ-ໝູ່ຊາຍ, ຮ້ອງຄູ່ຍິງ-ຊາຍ ແລະ ເປົ່າຄຸ່ຍ ລວມທັງໝົດ 18 ລາຍການ, ອັນໄດ້ສ້າງຄວາມເບີກບານມ່ວນຊື່ນແລະຄວາມປະທັບໃຈໃຫ້ກັບຜູ້ຊົມດ້ວຍບັນຍາກາດຟົດຟື້ນ.