ທ່ານ ທຣຳ ຂູ່ປະກາດພາວະສຸກເສີນ ເພື່ອໂຄງການສ້າງກຳແພງ

ທ່ານ ທຣຳ ຂູ່ປະກາດພາວະສຸກເສີນ ເພື່ອໂຄງການສ້າງກຳແພງ - advert banner 728 90 728x90 - ທ່ານ ທຣຳ ຂູ່ປະກາດພາວະສຸກເສີນ ເພື່ອໂຄງການສ້າງກຳແພງ

    ປະທານາທິບໍດີ ​ໂດ​ນັລ ທຣຳ ກ່າວ​ວ່າ: ສະພາບ​ຊັດ​ດາວ​ຂອງ​ລັດຖະບານ​ກາງ​ອາ​ເມ​ລິ​ກາ ​ເຊິ່ງກ້າວ​ເຂົ້າສູ່​ອາທິດ​ທີ 3 ​ແລ້ວ ອາດ​ດົນ​ເປັນ​ເດືອນ ຫລື ​ເປັນ​ປີ ​ແລະ ພ້ອມ​ປະກາດ​ສະຖານະ​ການ​ສຸກ​ເສີນ ​ເພື່ອ​ໃຫ້​ໂຄງການ​ກໍ່ສ້າງ​ກຳ​ແພງ​ເກີດ​ຂຶ້ນ.

ທ່ານ ທຣຳ ຂູ່ປະກາດພາວະສຸກເສີນ ເພື່ອໂຄງການສ້າງກຳແພງ - lattana 1 - ທ່ານ ທຣຳ ຂູ່ປະກາດພາວະສຸກເສີນ ເພື່ອໂຄງການສ້າງກຳແພງ

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂດ​ນັລ ທຣຳ ຖະ​ແຫລ​ງ​ໃນ​ວັນ​ທີ​ 4 ມັງກອນ​ ພາຍຫລັງ​ສຳ​ເລັດ​ການ​ພົບ​ປະ​ຫາລື​ຄັ້ງ​ໃໝ່​ກັບ​ແກນ​ນຳ​ຂອງ​ພັກ​ເດ​ໂມ​​ແຄຣດ ຄື​ທ່ານ​ນາງ ​ແນນ​ຊີ ​ເປ​ໂລ​ຊີ ປະທານ​ສະພາ​ຜູ້​ແທນລາສະດອນ ​ແລະ ທ່ານ ຊັກ ຊູ​ເມີ ​ແກນ​ນຳ​ສຽງ​ສ່ວນ​ໜ້ອຍ​​ໃນ​ວຸດ​ທິສະພາ ​ເນັ້ນວ່າ: ຄວາມ​ປອດ​ໄພ ​ແລະ ຄວາມ​ໝັ້ນຄົງ​ຕາ​ມຊາຍ​ແດນ ຖື​ເປັນ​ໜຶ່ງ​ໃນ​ວາລະ​ສຳຄັນ​ຂອງ​ປະ​ເທດ ​ໂດຍ​ສະ​ເພາະ​ສະຖານະ​ການ​ຕາມ​ຊາຍ​ແດນ​ທາງ​ຕອນ​ໃຕ້​ທີ່​ຕິດ​ກັບ​ເມັກ​ຊິກ ​ເຊິ່ງ​ໃນ​ຕອນ​ນີ້​ອັນຕະລາຍ ​ແລະ ​ເປັນ​ຫາ​ຍະ​ນະ​ຈາກ​ການ​ທີ່​ຄາ​ລາ​ວານ​ຜູ້​ອົບ​ພະຍົບຜິດ​ກົດໝາຍ, ​ແກ້ງ​ຄ້າ​ຢາ​ເສບ​ຕິດ ​ແລະ ຂະ​ບວນການ​ຄ້າ​ມະນຸດ​ຍັງ​ຄົງ​ພະຍາຍາມ​ລັກລອບ​ຂ້າມ​ຊາຍ​ແດນ.

       ທ່ານ ທຣຳ ກ່າວ​ວ່າ: ການ​ພົບ​ປະ​ຫາລື​ກັບ​ນາງ ​ເປ​ໂລ​ຊີ ​ແລະ ທ່ານ ຊູ​ເມີ ​ເທື່ອ​ຫລ້າ​ສຸດ ​ເປັນ​ໄປ​ຢ່າງ​ສ້າງສັນ, ​ແຕ່​ເຕືອນ​ວ່າ: ສະພາບ​ຊັດ​ດາວ​ທີ​່ຍືດ​ເຍື້ອມາ​ແຕ່​ວັນ​ທີ 22 ທັນວາ​ປີຜ່ານມາ ຈະ​ຍັງ​ດຳ​ເນີນ​ຕໍ່​ໄປ​ຕາບ​ເທົ່າ​ທີ່​ຈຳ​ເປັນ ​ເຊິ່ງອາດ​ດົນ​ເປັນ​ເດືອນ ຫລື ​ເປັນ​ປີ, ​ແຕ່​ຫວັງ​ວ່າ​ຈະ​ບໍ່​ດົນ​ຂະໜາດ​ນັ້ນ. ​ເຖິງ​ຢ່າງ​ໃດ​ກໍ​ຕາມ, ທ່ານ​ໄດ້​ກຽມ​ແຜນການ​ຮອງ​ຮັບ​ໄວ້​ແລ້ວ ລວມທັງ​ການ​ໃຊ້​ອຳນາດ​ພິ​ເສດ​ປະກາດ ສະຖານະ​ການ​ສຸກ​ເສີນ ​ເພື່ອ​ເດີນ​ໜ້າ​ໂຄງການ​ກໍ່ສ້າງກຳ​ແພງ. ຜູ້ນຳ​ອາ​ເມ​ລິ​ກາ​ຢືນຢັນ​ວ່າ: ຫົນທາງ​ດຽວ​ທີ່​ຈະ​ສາມາດ​ແກ້​ໄຂ​ວິ​ກິດ​ດັ່ງກ່າວ​ໄດ້​ຢ່າງ​ວ່ອງ​ໄວ​ທີ່​ສຸດ ຄື​ການ​ມີ​ໂຄງ​ສ້າງ​ທີ່​ແຂງ​ແກ່ນຕາມຊາຍ​ແດນ​ທີ່​ຕິດ​ກັບ​ເມັກ​ຊິກ ບໍ່​ວ່າ​ຈະ​ເປັນ​ການ​ກໍ່ສ້າງດ້ວຍ​ຄອນ​ກີດ ຫລື ​ເຫລັກ ​ແລະ ທ່ານ​ຈະ​ບໍ່​ມີ​ທາງ​ລົງ​ນາມ​ໃນ​ແຜນ​ງົບປະມານ​ສະບັບ​ໃດ​ກໍ​ຕາມ ທີ່​ບໍ່​ມີ​ງົບປະມານ​ສ້າງ​ກຳ​ແພງ​ລວມຢູ່​ນຳ ຫລື ຕໍ່າ​ກວ່າ 5.000 ລ້ານ​ໂດ​ລາ​ສະຫະລັດ.