UBS ຄາດເສດຖະກິດໂລກ ຂະຫຍາຍຕົວ 3,6% ປີນີ້

ubs ຄາດເສດຖະກິດໂລກ ຂະຫຍາຍຕົວ 3,6% ປີນີ້ - advert banner 728 90 728x90 - UBS ຄາດເສດຖະກິດໂລກ ຂະຫຍາຍຕົວ 3,6% ປີນີ້

     UBS ສະ​ຖາ​ບັນ​ການ​ເງິນ​ລາຍ​ໃຫຍ່​ຂອງ​ສະ​ວິດ ຄາດ​ຄະ​ເນ​ວ່າ: ​ເສດຖະກິດ​ໂລກ​ຈະ​ຂະຫຍາຍຕົວ​ຊ້າ​ລົງ​ໃນ​ປີ​ນີ້ ​ເນື່ອງ​ຈາກ​ໄດ້​ຮັບ​ປັດ​ໄຈ​ກົດ​ດັນ​ຈາກ​ການ​ໃຊ້​ນະ​ໂຍບາຍ​ການ​ເງິນ​ທີ່​ເຂັ້ມງວດ​ຫລາຍ​ຂຶ້ນ, ຜົນ​ປະກອບ​ການ​ຊຸດ​ໂຊມ, ບວກ​ກັບ​ບັນຫາ​ທາງ​ການ​ເມືອງ, ​ແຕ່​ການ​ຂະຫຍາຍຕົວ​ຂອງ​ເສດຖະກິດ​ໂລກ​ທີ່​ສະ​ຖາ​ບັນ​ການ​ເງິນ​ແຫ່ງ​ນີ້​ຄາດ​ຄະ​ເນ ບໍ່​ເຖິງ​ຂັ້ນ​ເສດຖະກິດ​ຕົກ​ຕໍ່າ ​ເນື່ອງ​ຈາກ​ການ​ບໍລິ​ໂພ​ກ, ການ​ລົງທຶນ ​ແລະ ການ​ຈ້າງ​ວຽກ​ຍັງ​ຄົງ​ເຕີບ​ໃຫຍ່.

ubs ຄາດເສດຖະກິດໂລກ ຂະຫຍາຍຕົວ 3,6% ປີນີ້ - lattana 1 - UBS ຄາດເສດຖະກິດໂລກ ຂະຫຍາຍຕົວ 3,6% ປີນີ້

     UBS ຄາດ​ຄະ​ເນ​ວ່າ: ​ເສດຖະກິດ​ໂລກ​ຈະ​ຂະຫຍາຍຕົວ​ຊ້າ​ລົງ​ຈົນ​ເຕີບ​ໃຫຍ່​ພຽງ 3,6% ​ໃນ​ປີ​ນີ້ ຫລຸດ​ລົງ​ຈາກ​ປີ 2018 ​ເຊິ່ງຂະຫຍາຍຕົວ 3,8% ​ແລະ ​ເມື່ອ​ທຽບ​​ເປັນ​ແຕ່ລະ​ປະ​ເທດ. UBS ​ເບິ່ງ​ວ່າ: ​ເສດຖະກິດ​ອາ​ເມ​ລິ​ກາ​ຈະ​ໄດ້​ຮັບ​ປັດ​ໄຈ​ກົດ​ດັນ​ຈາກ​ການ​ປັບ​ຂຶ້ນດອກ​ເບ້ຍ​ຂອງ​ທະນາຄານ​ກາງ​ອາ​ເມ​ລິ​ກາ (​ເຟດ), ຂະນະ​ທີ່​ເສດຖະກິດ​ຈີນ​ໄດ້​ຮັບ​ປັດ​ໄຈ​ກົດ​ດັນ​ຈາກ​ມາດ​ຕະການ​ເກັບ​ພາສີ​ນຳ​ເຂົ້າຂອງ​ອາ​ເມ​ລິ​ກາ ​ແລະ ການ​ປັບ​ສົມ​ດຸນ​ທາງ​ເສດຖະກິດ.

      ນອກຈາກ​ນີ້, ​ເສດຖະກິດ​ຂອງ​ປະ​ເທດ​ກຸ່ມ​ໃຊ້​ເງິນ​ເອີ​ໂຣ ຍັງ​ຜະ​ເຊີນ​ກັບ​ປັດ​ໄຈ​ກົດ​ດັນ​ຈາກ​ການ​ສົ່ງ​ອອກ​ທີ​່ຂະຫຍາ​ຍຕົວ​ຊ້າ, ​ເຖິງ​ວ່າ​ອຸປະສົງ​ໃນ​ປະ​ເທດ​ຈະ​ແຂງ​ແກ່ນ​ກໍ​ຕາມ.