ບາເຊໂລນາ ຂວາງ ຊູອາເຣຊ ບໍ່ໃຫ້ຍ້າຍໄປຢູ່ ອາເຊນອລ

ບາເຊໂລນາ ຂວາງ ຊູອາເຣຊ ບໍ່ໃຫ້ຍ້າຍໄປຢູ່ ອາເຊນອລ - advert banner 728 90 728x90 - ບາເຊໂລນາ ຂວາງ ຊູອາເຣຊ ບໍ່ໃຫ້ຍ້າຍໄປຢູ່ ອາເຊນອລ

      ບາ​ເຊ​ໂລ​ນາ ຕົກ​ເປັນ​ຂ່າວ​ພ້ອມ​ເຮັດ​ທຸກ​ທາງ​ຂວາງ ​ເດ​ນິສ ຊູ​ອາ​ເຣຊ ມິດ​ຟິວຂອງ​ທີ​ມ ບໍ່​ໃຫ້​ຍ້າຍ​ໄປ​ຢູ່ ອາ​ເຊ​ນອລ ​ໃນ​ເດືອນ​ມັງກອນ​ນີ້ ຫລັງ ອາ​ເຊ​ນອລ ຈ້ອງ​ດຶງ​ນັກ​ເຕະ​ສະ​ເປ​ນ​ເສີມ​ທັບ​ຊ່ວງ​ໜ້າ​ໜາວ.

ບາເຊໂລນາ ຂວາງ ຊູອາເຣຊ ບໍ່ໃຫ້ຍ້າຍໄປຢູ່ ອາເຊນອລ - lattana 1 - ບາເຊໂລນາ ຂວາງ ຊູອາເຣຊ ບໍ່ໃຫ້ຍ້າຍໄປຢູ່ ອາເຊນອລ

       ບາ​ເຊ​ໂລ​ນາ ສະ​ໂມ​ສອນ​ຍັກ​ໃຫຍ່​ແຫ່ງ ລາ​ລີ​ກາ ສະ​ເປ​ນ ຕົກ​ເປັນ​ຂ່າວ​ວ່າ​ພະຍາຍາມ​ຢ່າງ​ເຕັມ​ສ່ວນ​ເພື່ອ​ຂັດຂວາງ ​ເດ​ນິສ ຊູ​ອາ​ເຣຊ ກອງ​ກາງຂອງ​ທີ​ມ ບໍ່​ໃຫ້​ຍ້າຍ​ໄປ​ຫລິ້ນກັບ ອາ​ເຊ​ນອລ ສະ​ໂມ​ສອນ​ຍັກ​ໃຫຍ່​ແຫ່ງ ພຣີ​ເມຍ​ລີກ ​ໃນ​ຊ່ວງ​ເປີດ​ຕະຫລາດ​ຊື້-ຂາຍ​ນັກ​ເຕະ​ເດືອນ​ມັງກອນ​ນີ້.

      ອ​າ​ເຊ​ນອລ ພະຍາຍາມ​ຈະ​ຄວ້າ​ນັກ​ເຕະ​ໄວ 25 ປີຈາກ ບາ​ຊາ ​ໃນ​ຊ່ວງ​ໜ້າ​ໜາວ​ນີ້ ​ແລະ ​ໄດ້​ສອບ​ຖາມ​ຕົວ​ແທນ​ນັກ​ເຕະ​ເຖິງ​ຄວາມ​ເປັນ​ໄປ​ໄດ້​ໃນ​ການ​ດຶງ​ຕົວ​ມາ​ຮ່ວມ​ຖິ່ນ​ເອມິ​ເຣດ ສະ​ເຕດ້ຽມ ​ໃນ​ລາຄາ 20 ລ້ານ​ປອນ. ​ເຖິງ​ຢ່າງ​ໃດ​ກໍ​ຕາມ, ບາ​ຊາ ປະກາດ​ຈະ​ແຈ້ງວ່າ​ພວກ​ເຂົາ​ບໍ່​ຢາກ​ຂາຍ ຊູ​ອາ​ເຣຊ ​ໄປ​ໃນ​ຊ່ວງ​ມັງກອນ​ນີ້. ຂະນະ​ທີ່ ອາ​ເຊ​ນອລ ຫວັງ​ຢືມ​ຕົວ​ກ່ອນ​ທີ່​ຈະ​ເຊັນ​ສັນຍາ​ຖາວອນ​ໃນ​ຊ່ວງ​ຊຳ​ເມີ້.

     ​ເຊື່ອ​ກັນ​ວ່າ​ດາວ​ເຕະ​ຊາວ​ສະ​ເປ​ນມີ​ເງື່ອນ​ໄຂ​ຄ່າ​ຈີກ​ສັນຍາ ​ເຊິ່ງຈະ​ເຮັດ​ໃຫ້​ລາວ​ສາມາດ​ຍ້າຍ​ທີ​ມ​ໄດ້ ​ແຕ່ ບາ​ຊາ ຢືນຢັນ​ວ່າ​ພວກ​ເຂົາ​ບໍ່​ຕ້ອງການ​ເສຍ​ນັກ​​ເຕະ​ໄປ ​ໂດຍ​ຫລາຍ​ຄົນ​ເຊື່ອ​ວ່າ​ນີ້​ເປັນ​ພຽງ​ຄວາມ​ພະຍາຍາມ​ຫລິ້ນຕົວ​ຂອງ ບາ​ຊາ ທີ່​ຫວັງ​ໂກ້​ງລາຄາ ​ແຕ່​ເຮັດ​ໃຫ້ ອາ​ເຊ​ນອລ ຕ້ອງ​ພົບ​ກັບ​ຄວາມ​ຍາກ​ລຳບາກ.

      ອູ​ໄນ ​ເອ​ເມຣີ ຜູ້​ຈັດການ​ທີ​ມ ອາ​ເຊ​ນອລ ຕ້ອງການ​ເສີມ​ທັບ​ໃນ​ຕຳ​ແໜ່​ງມິດ​ຟິວ, ປີກ ​ແລະ ກອງ​ຫລັງ​ໃນ​ຊ່ວງ​ເດືອນ​ມັງກອນ​ນີ້ ​ແລະ ຊູ​ອາ​ເຣຊ ​ເປັນ​ອີກ​ໜຶ່ງ​ທາງ​ເລືອກ​ນອກ​ເໜືອ​ຈາກ ​ເອ​ແວຣ ບາ​ເນ​ກ້າ ກອງ​ກາງ ​ເຊ​ບີ​ຢາ ​ໄວ 30 ປີ ​ເຊິ່ງຈະ​ເຂົ້າມາ​ທົດ​ແທນ ອາຣອນ ​ແຣມຊີ ດາວ​ເຕະ​ທີ​ມຊາດ​ເວລ.

      ສຳລັບ ຊູ​ອາ​ເຣຊ ບໍ່​ມີ​ຊື່​ໃນ​ທີ​ມ ບາ​ຊາ ຊຸດ​ທີ່​ເອົາ​ຊະນະ ​ເຄຕາ​ເຟ່ 2-1 ​ໃນ​ວັນ​ທີ 6 ມັງກອນ​ຜ່ານ​ມາ.