ປົດຄູຝຶກທີມຊາດໄທ ຫລັງນຳທີມເສຍໃຫ້ ອິນເດຍ ໃນຮອບ 45 ປີ

ປົດຄູຝຶກທີມຊາດໄທ ຫລັງນຳທີມເສຍໃຫ້ ອິນເດຍ ໃນຮອບ 45 ປີ - advert banner 728 90 728x90 - ປົດຄູຝຶກທີມຊາດໄທ ຫລັງນຳທີມເສຍໃຫ້ ອິນເດຍ ໃນຮອບ 45 ປີ

      ສະມາຄົມ​ບານ​ເຕະ​ແຫ່ງ​ປະ​ເທດ​ໄທ ຫລື FA Thailand ​ໄດ້​ປະກາດ​ປົດ​ຄູ​ຝຶກ​ທີ​ມຊາດ​ຊຸດ​ໃຫຍ່ ມິ​ໂລ​ວານ ຣາ​ເຢວັກ ຄູ​ຝຶກ​ຊາວ​ເຊີ​ເບຍ ອະດີດ​ຄູ​ຝຶກ​ກາ​ນ້າ, ກາ​ຕ້າ ​ແລະ ​ເອວຈີ​ເຣຍ ອອກ​ຈາກ​ຕຳ​ແໜ່​ງຮຽບຮ້ອຍ ຫລັງ​ນຳ​ທີ​ມ​ເສຍ​ໃຫ້ ອິນ​ເດຍ 1-4 ນັດ​ທີ 1 ຂອງ​ກຸ່ມ A ລາຍການ ​ເອຊຽນຄັບ 2019 ທີ່​ສະຫະລັດອາຣັບ ​ເອມິ​ເຣດ ​ໃນ​ວັນ​ທີ 6 ມັງກອນ ​ເປັນ​ການ​ນຳ​ທີ​ມ​ເສຍ​ໃຫ້ ອິນ​ເດຍ ຄັ້ງທຳ​ອິດ​ໃນ​ຮອບ 45 ປີ ຕໍ່​ຈາກ​ເດືອນ​ກໍລະກົດ 1974 ທີ່​ມ​າ​ເລ​ເຊຍ 1-4 ​ເຊັ່ນ​ກັນ.

ປົດຄູຝຶກທີມຊາດໄທ ຫລັງນຳທີມເສຍໃຫ້ ອິນເດຍ ໃນຮອບ 45 ປີ - lattana 1 - ປົດຄູຝຶກທີມຊາດໄທ ຫລັງນຳທີມເສຍໃຫ້ ອິນເດຍ ໃນຮອບ 45 ປີ

      ປັດຈຸບັນ ສະມາຄົມ​ບານ​ເຕະ​ແຫ່ງ​ປະ​ເທດ​ໄທ ​ໄດ້​ແຕ່​ງຕັ້ງຄູ​ຝຶກ ສິຣິສັກ ຍອດ​ຫຍ້າ​ໄທ ​ແລະ ​ໂຊ​ກທະວີ ພົມຣັດ ຄຸມ​ທີ​ມຊົ່ວຄາວ​ຈົນ​ສຳ​ເລັດ​ການ​ແຂ່ງຂັນ ​ເອຊຽນຄັບ 2019 ​ໂດຍ 2 ນັດ​ຕໍ່​ໄປ​ໃນ​ຮອບ​ແບ່ງ​ກຸ່ມ ກຸ່ມ A ​ໄທ ຈະ​ພົບ​ກັບ ບາ​ເຣນ ​ໃນ​ວັນ​ທີ 10 ມັງກອນ​ນີ້ ​ແລະ ພົບ​ກັບ ​ເຈົ້າພາບ​ສະຫະລັດ​ອາຣັບ ​ເອມິ​ເຣດ ​ໃນ​ວັນ​ທີ 14 ມັງກອນ.

       ຕາມ​ສະຖິຕິ FIFA ​ໄທ ພົບ ອິນ​ເດຍ 21 ຄັ້ງ, ​ໄທ​ຊະນະ 11, ອິນ​ເດຍຊະນະ 4 ສະ​ເໝີ​ກັນ 6 ຄັ້ງ, ​ໄທ​ຍິງ​ໄດ້ 36 ປະຕູ, ອິນ​ເດຍຍິງ​ໄດ້ 21 ປະຕູ.