ລາວ​ສາມາດຂຶ້ນທະບຽນ​ແຮງ​ງານ​ຕ່າງປະ​ເທດ​ໄດ້​​ແລ້ວຫລາຍ​ກ່ວາ 40 ພັນ​ຄົນ

ລາວ​ສາມາດຂຶ້ນທະບຽນ​ແຮງ​ງານ​ຕ່າງປະ​ເທດ​ໄດ້​​ແລ້ວຫລາຍ​ກ່ວາ 40 ພັນ​ຄົນ - advert banner 728 90 728x90 - ລາວ​ສາມາດຂຶ້ນທະບຽນ​ແຮງ​ງານ​ຕ່າງປະ​ເທດ​ໄດ້​​ແລ້ວຫລາຍ​ກ່ວາ 40 ພັນ​ຄົນ

ກອງ​ປະຊຸມ​ສະຫລຸບ​ວຽກງານການ​ຂຶ້ນທະບຽນ ​ແລະອອກ​ບັດ​ອະນຸຍາດ​ເຄື່ອນ​ໄຫວ​ຊົ່ວຄາວ​ໃຫ້​ຄົນຕ່າງປະ​ເທດທີ່​ເຄື່ອນ​ໄຫວ​ບໍ່ຖືກຕ້ອງ​ຕາມ​ກົດໝາຍຢູ່ສປປລາວ, ​ໄດ້​ມີ​ຂຶ້ນ​ໃນ​ວັນ​ທີ 7 ມັງກອນນີ້, ​ໂດຍ​ການ​ເປັນ​ປະທານຂອງ​ທ່ານຄຳ​ແພງ ​ໄຊ​ສົມ​ແພງລັດຖະມົນຕີກະຊວງ​ແຮງ​ງານ ​ແລະສະຫວັດດີ​ການ​ສັງຄົມ, ພ້ອມ​ພາກສ່ວນ​ກ່ຽວຂ້ອງຕ່າງໆ​ເຂົ້າ​ຮ່ວມນຳ​ດ້ວຍ.

ລາວ​ສາມາດຂຶ້ນທະບຽນ​ແຮງ​ງານ​ຕ່າງປະ​ເທດ​ໄດ້​​ແລ້ວຫລາຍ​ກ່ວາ 40 ພັນ​ຄົນ - lattana 1 - ລາວ​ສາມາດຂຶ້ນທະບຽນ​ແຮງ​ງານ​ຕ່າງປະ​ເທດ​ໄດ້​​ແລ້ວຫລາຍ​ກ່ວາ 40 ພັນ​ຄົນ

ກອງ​ປະຊຸມ​ໃຫ້​ຮູ້​ວ່າ: ​ໃນ​ຜ່ານ​ມານີ້, ຢູ່​ລາວ​ເຮົາ​​ແຮງ​ງານ​ຕ່າງປະ​ເທດ​ທີ່​ເຄື່ອນ​ໄຫວ​​ບໍ່ຖືກຕ້ອງ​ຕາມ​ລະບຽບກົດໝາຍຍັງ​ມີ​ຫລາຍ, ​ໂດຍ​ສະ​ເພາະ​ແມ່ນ​​ເຂົ້າ​ມາ​ທຳ​ມາ​ຫາ​ກິນ, ຄ້າຂາຍ ​ແລະອອກ​ແຮງ​ງານທີ່​ເປັນ​ບັນຫາ​ຊຳ​ເຮື້ອມາດົນຍັງ​ແກ້​ໄຂ​ບໍ່ຕົກ, ​ເຖິງ​ແມ່ນ​ວ່າ​ໄດ້​ມີ​ການ​ນຳ​ໃຊ້​ກົນ​ໄກ ​ແລະວິທີ​ການ​ຕ່າງໆເຊັ່ນ: ການ​ບັງຄັບ​ໃຊ້ກົດໝາຍ ​ແລະລະບຽບການ​ຂອງ​ແຕ່​ລະ​ອົງການ​ລັດ​ທີ່​ກ່ຽວຂ້ອງ​, ການ​ສ້າງ​ຕັ້ງ​ຄະນະ​ກຳ​ມະ​ການສະ​ເພາະ​ກິດ​ຂຶ້ນ​ເພື່ອ​ແກ້​ໄຂ​ບັນຫາ ​ແລະອື່ນໆ ​ແຕ່​ກໍ​ຍັງ​ມີ​ຜູ້ລັກລອບ​ເຂົ້າ​ມາ​ເຄື່ອນ​ໄຫວ​ອອກ​ແຮງ​ງານ​ໃນ​ລາວ​ເຮົາ​ເປັນ​ຈຳນວນ​ຫລາຍ​ດັ່ງນັ້ນໃນ​ປີຜ່ານ​ມາຂະ​ແຫນງ​ກ່ຽວຂ້ອງ​ກໍ​ໄດ້​ພະຍາຍາມ​ອອກ​ບັດ​ໃຫ້​ແຮງ​ງານ​ດັ່ງກ່າວ​ໄດ້​ແລ້ວ 40 ພັນ​ກ່ວາຄົນ, ​ເປັນ​ຍິງ 11 ພັນ​ກ່ວາ​ຄົນ, ​ໃນ​ນັ້ນຜູ້​ປະສົງ​ຈະ​ປັບ​ສະຖານະ​ພາບ​ແຮງ​ງານ​ມີ 15.936 ຄົນ, ຜູ້​ປະສົງ​ຂໍ​ເວລາ​ຊຳລະ​ສະ​ສາງ 26.496 ຄົນ.

ໃນ​ໂອກາດ​ດັ່ງກ່າວ, ທ່ານລັດຖະມົນຕີ​ກະຊວງ​ແຮງ​ງານ ​ແລະສະຫວັດດີ​ການ​ສັງຄົມມີ​ຄຳ​ເຫັນ​ວ່າ: ຈຸດປະສົງຫລັກ​ຂອງ​ກອງ​ປະຊຸມ​ຄັ້ງ​ນີ້ເພື່ອ​​ຕີ​ລາຄາ​ຄືນກ່ຽວກັບ​ການຈັດ​ຕັ້ງ​ປະຕິບັດ​ຄຳ​ສັ່ງ​ເລ​ກທີ 02/ນຍວ່າ​ດ້ວຍ​ການ​ຂຶ້ນທະບຽນ​ແລະອອກ​ບັດ​ອະນຸຍາດ​ເຄື່ອນ​ໄຫວ​ຊົ່ວຄາວ​ໃຫ້​ຄົນ​ຕ່າງປະ​ເທດ​ທີ່​ເຄື່​ອນ​ໄຫວ​ບໍ່ຖືກຕ້ອງ​ຕາມ​ກົດໝາຍສປປລາວທີ່​ໄດ້​ຈັດ​ຕັ້ງ​ປະຕິບັດ​ມາແຕ່​ທ້າຍ​ປີ 2015 ​ຮອດ​ປັດຈຸບັນ​ວ່າ​ເຮົາ​ເຮັດ​ໄດ້​ອັນ​ໃດ ​ແລະຈະ​ຕ້ອງ​ເອົາ​ໃຈ​ໃສ່​ປັບປຸງ​ແກ້​ໄຂ​ບັນຫາ​ຫຍັງ, ​ເພື່ອ​ພ້ອມ​ກັນ​ປະກອບ​ຄຳ​ເຫັນ​ຕໍ່​ແຜນການ​ແກ້​ໄຂ​ບັນຫາ​ດັ່ງກ່າວ​ໃນຕໍ່ໜ້າ.