ກອງທັບມຽນມາກຽມປະຕິບັດການ ກວາດລ້າງກະບົດໃນລັດຍະໄຂ່

- advert banner 728 90 728x90 - ກອງທັບມຽນມາກຽມປະຕິບັດການ ກວາດລ້າງກະບົດໃນລັດຍະໄຂ່

      ລັດຖະບານມຽນມາ​ໄດ້​ສັ່ງ​ໃຫ້​ກອງທັບ​ກຽມ​ໃຊ້​ປະຕິບັດ​ການ​ກວາດ​ລ້າງ​ກຸ່ມ​ກະບົດ​ທີ່​ເປັນ​ກຸ່ມ​ຊາດ​ພັນ​ໃນ​ລັດ​ຍະ​ໄຂ່ ​ເຊິ່ງຢູ່​ເບື້ອງຫລັງ​ການ​ກໍ່​ເຫດ​ໂຈມ​ຕີ​ສະຖານີ​ຕຳຫລວດ 4 ​ແຫ່ງ​ໃນ​ອາທິດ​ຜ່ານ​ມາ.

- lattana 1 - ກອງທັບມຽນມາກຽມປະຕິບັດການ ກວາດລ້າງກະບົດໃນລັດຍະໄຂ່

      ​ໂຄສົກ​ລັດຖະບານ​ມຽນມາ​ເປີດ​ເຜີຍ​ໃນ​ວັນ​ທີ 7 ມັງກອນ​ວ່າ: ທຳນຽບປະທານາທິບໍດີ​ໄດ້​ສັ່ງ​ໃຫ້​ກອງທັບ​ເລີ່​ມປະຕິບັດ​ການ​ກວາດ​ລ້າງ​ຜູ້​ກໍ່​ຄວາມ​ບໍ່​ສະຫງົບ. ພ້ອມ​ກັນນັ້ນ ທ່ານ​ຍັງ​ຂໍ​ຮ້ອງ​ບໍ່​ໃຫ້​ຊົນ​ກຸ່ມ​ໜ້ອຍ​​ໃນ​ລັດ​ຍະ​ໄຂ່​ສະໜັບສະໜູນ​ກຸ່ມ​ກໍ່​ຄວາມ​ບໍ່​ສະຫງົບ​ນຳ​ອີກ. ​ໃນ​ໄລຍະ​ຫລາຍ​ອາທິດ​ຜ່ານ​ມາຢູ່​ລັດ​ຍະ​ໄຂ່ ທາງ​ຕາ​ເວັນ​ຕົກ​ຂອງ​ມຽນມາ ​ເກີດ​ເຫດ​ປະ​ທະ​ກັນ​ລະຫວ່າງ​ກອງ​ກຳລັງ​ຄວາມ​ໝັ້ນຄົງ​ກັບ​ກອງ​ກຳລັງ​ອາຣະກັນ ​ເຊິ່ງ​ເປັນ​ກຸ່ມ​ຕິດ​ອາວຸດ​ທີ່​ຮຽກຮ້ອງ​ຂໍ​ອຳນາດ​ໃນ​ການ​ປົກຄອງ​ຕົນ​ເອງ​ເພີ່ມ. ​ເຫດ​ຮຸນ​ແຮງ​ຫລ້າ​ສຸດ​ເກີດ​ຂຶ້ນ​ໃນ​ວັນ​ທີ 4 ມັງກອນ ມີ​ການ​ບຸກ​ເຂົ້າ​ໂຈມ​ຕີ​ສະຖານີ​ຕຳຫລວດ 4 ​ແຫ່ງ​ທີ່ຢູ່​ໃກ້​ຊາຍ​ແດນ​ຕິດ​ກັບ​ບັງ​ກະລາ​ເທດ​ ​ໂດຍ​ເຈົ້າໜ້າ​ທີ່​ລະບຸ​ວ່າ: ມີ​ກຸ່ມ​ກໍ່​ຄວາມ​ບໍ່​ສະຫງົບ​ຫລາຍ​ຮ້ອຍ​ຄົນ​ກໍ່​ເຫດ​ໃນ​ຄັ້ງນີ້ ​ເຮັດ​ໃຫ້​ເຈົ້າໜ້າ​ທີ່​ຕຳຫລວດ​ເສຍ​ຊີວິດ 13 ຄົນ ​ແລະ ບາດ​ເຈັບ​ອີກ 9 ຄົນ ກ່ອນ​ທາງ​ກອງທັບ​ຈະ​ສົ່ງ​ກຳລັງ​ເຂົ້າມາ​ຊ່ວຍ​ເຫລືອ. ທາງ​ກອງ​ກຳລັງ​ອາຣະກັນ​ອ້າງ​ວ່າ: ມີ​ສະມາຊິກ​ເສຍ​ຊີວິດ 3 ຄົນ ພ້ອມ​ທັງ​ກ່າວ​ຫາກ​ອງທັບ​ວ່າ​ໃຊ້​ສະຖານີ​ຕຳຫລວດ​ເປັນ​ຖານ​ໃນ​ການ​ໃຊ້​ປືນ​ໃຫຍ່​ໂຈມ​ຕີ​ພວກ​ຕົນ.