ເປັນຫວ່ງຕໍ່ສຸຂະພາບແມ່ ແລະ ເດັກຈາກຄວັນຢາສູບ

- advert banner 728 90 728x90 - ເປັນຫວ່ງຕໍ່ສຸຂະພາບແມ່ ແລະ ເດັກຈາກຄວັນຢາສູບ

ຈາກການຕີລາຄາຂອງກຸ່ມຄົນທີ່ມີພຶດຕິກຳໃນການສູບຢາ ແລະ ການດື່ມ ເຫລົ້າ-ດື່ມເບຍຂອງພົນລະ ເມືອງລາວເຮົາ, ໃນປີ 2018 ຜ່ານມາຢູ່ແຂວງສະຫວັນ ນະເຂດພົບເຫັນວ່າ: ພຶດຕິ ກຳຂອງການສູບຢາພາຍໃນເຮືອນຂອງສະມາຊິກທີ່  ຢູ່ ນຳກັນມີປະມານ 30-40% ມີການສູບຢາຢູ່ພາຍໃນເຮືອນມີ 20-30% ຂອງກຸ່ມ ນີ້ລະບຸໄດ້ວ່າມີການສູບຢາພາຍໃນ ເຮືອນທຸກໆວັນ ແລະ ມີປະມານ 5-10% ມີຜູ້ສູບຢາໃນເຮືອນຢ່າງໜ້ອຍອາທິດລະຄັ້ງ.

- lattana 1 - ເປັນຫວ່ງຕໍ່ສຸຂະພາບແມ່ ແລະ ເດັກຈາກຄວັນຢາສູບ

- 235674 - ເປັນຫວ່ງຕໍ່ສຸຂະພາບແມ່ ແລະ ເດັກຈາກຄວັນຢາສູບ
(ພາບປະກອບ)

ສິ່ງນີ້ສະທ້ອນໃຫ້ເຫັນວ່າ:  ຍັງມີຜູ້ສູບຢາອີກຈຳ ນວນຫລວງຫລາຍທີ່ບໍ່ໄດ້ ຄຳນຶງ ເຖິງສຸຂະພາບຂອງ ສະມາຊິກໃນຄອບຄົວທີ່ຖືກທຳລາຍດ້ວຍຄວັນຢາສູບ.

ເຈົ້າໜ້າທີ່ສາທາລະນະສຸກ ແຂວງທ່ານໜຶ່ງມີຄຳເຫັນວ່າ: ຜູ້ສູບ ແລະ ຜູ້ໄດ້ຮັບຄວັນຢາສູບເປັນອັນຕະລາຍຄືກັນ, ເຊິ່ງທັງສອງ ລ້ວນມີສານກໍ່ມະເຮັງເທົ່າກັນ ແລະ ມີພິດເທົ່າກັນກັບທຸກຄົນທີ່ໄດ້ຮັບຄວັນຢາສູບແຕ່ຫາກມີຄົນສູບຢາຢູ່ພາຍໃນເຮືອນ ໂດຍສະເພາະມີເດັກນ້ອຍແມ່ນ ຈະເປັນກຸ່ມທຳອິດທີ່ໄດ້ຮັບ ພິດໄພຈາກຄວັນຢາສູບໄດ້ ຢ່າງຮ້າຍແຮງ.

ມີຜົນການວິໄຈຢ່າງຫລວງຫລາຍທີ່ລະບຸຈະແຈ້ງວ່າ: ແມ່ຍິງ ແລະ ເດັກນ້ອຍ ທີ່ໄດ້ຮັບຄວັນຢາສູບມີໂອກາດຄວາມສຽງສູງທີ່ຈະເປັນພະຍາດປອດ ແລະ ລະບົບທາງເດີນຫາຍໃຈ, ຫອບຫືດ   ແລະ ຈະເກີດມີອາການຮ້າຍແຮງຂຶ້ນເລື້ອຍໆ ແລະ ຫາກມີຄົນໃນຄອບຄົວມີແມ່ຍິງຖືພາຄາທ້ອງແລ້ວ, ພິດຈາກຄວັນຢາສູບຈະສົ່ງຜົນໂດຍກົງຕໍ່ການພັດທະນາຂອງລູກໃນທ້ອງ ແລະ ມີຄວາມສ່ຽງທີ່ຈະລຸລູກຫລືວ່າ: ຄອດລູກ ກ່ອນກຳນົດ ແລະ ຫາກເມື່ອຄອດອອກມາແລ້ວລູກກໍຈະມີນ້ຳໜັກຕົວໜ້ອຍ ແລະ ລະບົບທາງຫາຍໃຈກໍຜິດປົກກະຕິອີກຊ້ຳ.

ສຳລັບແມ່ຍິງທີ່ມີພິດ ຂອງການສູບຢາ ຫລື ວ່າໄດ້ຮັບຄວັນຢາສູບມີອັນຕະລາຍສູງຕໍ່ຫລອດເລືອດໃນສະ ໝອງເນື່ອງຈາກສານພິດ ຈາກຄວັນຢາສູບສົ່ງຜົນໂດຍກົງກັບການຄຸມກຳເນີດເຮັດໃຫ້ເລືອດແຂງຕົວງ່າຍ ແລະ ເກີດການອັດຕັນຂອງເລືອດງ່າຍຂຶ້ນອີກດ້ວຍ, ເຊິ່ງການສູບຫລືໄດ້ຮັບຄວັນຢາສູບເປັນປັດໄຈທີ່ຈະເຮັດໃຫ້ໂລກຫລອດເລືອດສະໝອງ, ແຕ່ກໍສາມາດຫລິ້ກເວັ້ນ ແລະ ປ້ອງກັນໄດ້ໂດຍການຢຸດເຊົາສູບຢາຫາກຜູ້ປ່ວຍເປັນຜູ້ບໍລິໂພກຢາສູບເອງ ແລະ ຫລີກ  ເວັ້ນສະຖານທີ່ອາດໄດ້ຮັບຄວັນຢາສູບລວມທັງເຮັດໃຫ້ເຮືອນເຮົາເປັນສະຖານທີ່ປອດຄວັນຢາສູບແມ່ນດີທີ່ ສຸດຫລືວ່າ: ມີການຂຶ້ນພາສີຢາສູບນັ້ນຍິ່ງຈະຊ່ວຍຫລຸດຜ່ອນຈຳນວນນັກສູບຢາໄດ້ເປັນຈຳນວນຫລວງຫລາຍ ແລະ  ສາມາດຊ່ວຍ ຄຸ້ມຄອງສຸຂະພາບແມ່ ແລະ ເດັກຈາກຄວັນຢາສູບ ໄດ້ຫລາຍຂຶ້ນອີກດ້ວຍ./.

- 235784 - ເປັນຫວ່ງຕໍ່ສຸຂະພາບແມ່ ແລະ ເດັກຈາກຄວັນຢາສູບ
(ພາບປະກອບ)