ເອົາປະຊາຊົນເປັນກົກ ຫັນຊົນນະບົດເປັນເປົ້າໝາຍ

- advert banner 728 90 728x90 - ເອົາປະຊາຊົນເປັນກົກ ຫັນຊົນນະບົດເປັນເປົ້າໝາຍ

ໂດຍ: ທິດກ່ຳ

- lattana 1 - ເອົາປະຊາຊົນເປັນກົກ ຫັນຊົນນະບົດເປັນເປົ້າໝາຍ

ຫົວບົດນີ້ທິດກ່ຳໄດ້ແກະເອົາມາຈາກຄຳໃຫ້ສຳພາດ ຂອງທ່ານນາຍົກລັດຖະມົນຕີ ທອງລຸນ ສີສຸລິດ ທີ່ໄດ້ກ່າວ ຕໍ່ສື່ມວນຊົນລາວ ເມື່ອວັນທີ 26 ທັນວາ 2018 ຜ່ານມາ ໃນໂອກາດວັນສ້າງຕັ້ງກອງ ທຶນເພື່ອລົບລ້າງຄວາມທຸກຍາກຄົບຮອບ 15 ປີ.

- 95247 - ເອົາປະຊາຊົນເປັນກົກ ຫັນຊົນນະບົດເປັນເປົ້າໝາຍ
(ພາບປະກອບ)

ໃນຄວາມໝາຍຂອງ ທ່ານນາຍົກລັດຖະມົນຕີໃຫ້ ສຳພາດມານີ້, ກໍໝາຍເຖິງການເລັ່ງລັດພັດທະນາຂັ້ນຕໍ່ໄປຖືເອົາປະຊາຊົນເປັນກົກ, ຫັນເອົາຊົນນະບົດເປັນເປົ້າໝາຍຢ່າງແທ້ຈິງເພາະພາລະກິດທຸກສິ່ງຢ່າງແມ່ນເພື່ອຊາດ, ເພື່ອປະຊາຊົນ ແລະ ຮັບໃຊ້ປະຊາຊົນ.

ເມື່ອໃດປະຊາຊົນມີ ການຜະລິດທີ່ໝັ້ນຄົງ, ຍືນຍົງ, ມີຢູ່ມີກິນ, ມີຊີວິດອີ່ມໜຳສຳລານດີຂຶ້ນປະເທດຊາດກໍຮັ່ງ ມີເຂັ້ມແຂງໄປໃນຕົວ.

ເມື່ອເຮົາຫວນຄືນ ເບິ່ງແຜນພັດທະນາຊົນນະບົດ  ແລະ ລຶບລ້າງຄວາມທຸກຍາກ ຂອງປະເທດຊາດແມ່ນເລີ່ມ ມີມາແຕ່ໄລຍະປີ 1986 ໂດຍພັກ ແລະ ລັດຖະບານ ໄດ້ເປີດກວ້າງການປ່ຽນແປງໃໝ່ ຢ່າງມີຫລັກການຂອງພັກ,  ກຳນົດເອົາເສດຖະກິດໃຫ້ມີ ຫລາຍພາກສ່ວນນັບທັງຂອງລັດ, ລວມໝູ່, ທັງບຸກຄົນນິຕິ ບຸກຄົນທີ່ມີຫລາຍສີສັນຈາກພາຍໃນ ແລະ ຕ່າງປະເທດ.

ຈາກນັ້ນ, ມາຮອດປີ 2011 ໄດ້ມີແຜນອັນລະອຽດ ໃນການພັດທະນາຊົນນະບົດ, ມາຮອດປີ 2015 ສາມາດຕັ້ງກອງທຶນໂດຍມີເປົ້າ ໝາຍຢ່າງຈະແຈ້ງ.

ຈາກສິ່ງຕ່າງໆທີ່ກ່າວ ມານີ້, ພັກ ແລະ ລັດຖະບານ ໄດ້ວາງທິດທາງໂດຍມີເປົ້າ ໝາຍລວມ ແລະ ອັນສະເພາະ ເປັນຕົ້ນ: 4 ບຸກທະລຸ, 3 ສ້າງຄືສ້າງແຂວງ ເປັນຫົວ ໜ່ວຍຍຸດທະສາດ, ສ້າງ ເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງ ບ້ານເປັນຫົວໜ່ວຍພັດທະນາ ແລະ ນອກຈາກນັ້ນ ກໍມີ ແຜນອື່ນໆ ໃນການເລັ່ງພັດທະນາຊົນນະບົດເພ່ື່ອລົບ ລ້າງຄວາມທຸກຍາກແຕ່ລະໄລຍະຂອງອົງການທີ່ກ່ຽວຂ້ອງເປັນອັນສະເພາະ.

ຜ່ານການຈັດຕັ້ງປະຕິບັດເຫັນວ່າ ໝາກຜົນທີ່ ໄດ້ຮັບນັ້ນເປັນໄປຕາມເປົ້າໝາຍທີ່ກຳນົດໄວ້ມາຮອດປັດຈຸບັນຈຳນວນຄອບຄົວທຸກຍາກ, ບ້ານທຸກຍາກ ແລະ ເມືອງທຸກຍາກໄດ້ຫລຸດ ລົງໃນແຕ່ລະປີ.

ແນວໃດກໍຕາມ, ເພື່ອຫັນເອົາການຊີ້ນຳຈາກຂັ້ນ ເທິງໂດຍສະເພາະຕໍ່ຄຳຊີ້ນຳ ຂອງທ່ານນາຍົກລັດຖະມົນຕີຕໍ່ທິດທາງທີ່ວ່າ “ເອົາປະຊາຊົນເປັນກົກ ຫັນເອົາຊົນ ນະບົດເປັນເປົ້າໝາຍ” ກາຍ ເປັນພາລະກິດໜຶ່ງທີ່ຕ້ອງສຸມໃສ່ໃຫ້ໄດ້ມາ ເຊິ່ງໝາກ ຜົນໃນປີ 2019 ແລະ ເປົ້າໝາຍປີ 2024.

ຖ້າຢາກໄດ້ຕາມຄວາມຫວັງນັ້ນ, ພວກເຮົາຕ້ອງພາກັນຫັນນ໋ອດຫັນເກຍ ແລະ ຢຽບຄັນເລັ່ງໃຫ້ໄປຖືກທິດຖືກທາງ ແລະ ເປັນຮູບປະທຳ ຢ່າງແທ້ຈິງ ແລະ ຈະແຈ້ງ.

ໃນແຜນພັດທະນາເສດ ຖະກິດ-ສັງຄົມ 5 ປີ ແຕ່ລະໄລຍະໂດຍສະເພາະນັບແຕ່ຄັ້ງທີ 5, ທີ 6 ແລະ ທີ 7 ພວກເຮົາຄາດກະໃຫ້ມີຜົນສຳເລັດໃນປີ 2020 ແຕ່ເນື່ອງດ້ວຍປັດໄຈບາງດ້ານຍັງບໍ່ທັນມີຄວາມພ້ອມຈຶ່ງບໍ່ສາມາດປົດປ່ອຍອອກຈາກຄວາມທຸກຍາກ ແລະ ດ້ອຍພັດທະນາໄດ້.

ເຖິງຢ່າງໃດກໍດີ, ຕາມ ເຮົາວ່າແຕ່ນີ້ຫາປີ 2024 ພວກເຮົາຍັງມີໂອກາດ ແລະ ປັດໄຈຫລາຍດ້ານທີ່ມີທ່າ ແຮງ ແລະ ມີຄວາມພ້ອມ ເປັນຕົ້ນເຂື່ອນໄຟຟ້າກໍຈະມີຫລາຍແຫ່ງສຳເລັດ, ການສ້າງທາງລົດໄຟຄວາມໄວ  ສູງລາວ-ຈີນ ກໍຈະເປັນໄປ ຕາມເປົ້ານັບທັງການສ້າງພື້ນຖານໂຄງລ່າງດ້ານອື່ນໆ ກໍຈະສຳເລັດໄປຫລາຍຢ່າງ ແລະ ການຫັນເຂົ້າສູ່ລະ      ບຽບກົດໝາຍ ກໍນັບມື້ເຄັ່ງຄັດຮັດກຸມແລ້ວຈະເປັນເງື່ອນໄຂໃຫ້ການຄຸ້ມຄອງ ເສດຖະກິດດ້ານມະຫາພາກເຂັ້ມແຂງຍິ່ງຂຶ້ນ.

ແຕ່ຕາມທິດກ່ຳວ່າ ໂຕ ທີ່ຕັດສິນສຳຄັນອີກອັນໜຶ່ງ ນັ້ນແມ່ນປະຊາຊົນມີການຜະລິດຢ່າງກວ້າງຫລາກຫລາຍສີສັນມີລາຍຮັບເພີ່ມ ຂຶ້ນຈົນເຫລືອກິນ, ເຫລືອໃຊ້ແລ້ວກາຍເປັນສິນຄ້າ ຈຳໜ່າຍສາມາດສະໜອງຢູ່ພາຍໃນ ແລະ ສົ່ງໄປຂາຍ ຕ່າງປະເທດນີ້ລະຄືການຫັນເອົາ ປະຊາຊົນເປັນກົກ ເອົາຊົນນະບົດເປັນເປົ້າໝາຍດັ່ງທ່ານ ນາຍົກລັດຖະມົນຕີວ່າ./.

- 8921774 - ເອົາປະຊາຊົນເປັນກົກ ຫັນຊົນນະບົດເປັນເປົ້າໝາຍ
(ພາບປະກອບ)