ທະນາຄານໂລກຫລຸດຕົວເລກ ການເຕີບໃຫຍ່ເສດຖະກິດໂລກ ຈາກບັນຫາການຄ້າຈີນ-ອາເມລິກາ

- advert banner 728 90 728x90 - ທະນາຄານໂລກຫລຸດຕົວເລກ ການເຕີບໃຫຍ່ເສດຖະກິດໂລກ ຈາກບັນຫາການຄ້າຈີນ-ອາເມລິກາ

      ທະນາຄານ​ໂລກອອກ​ລາຍ​ງານ​ທ່າ​ອ່ຽງ​ເສດຖະກິດ​ເຄິ່ງປີ​ທຳ​ອິດ 2019 ​ເ​ປີດ​ເຜີຍ​ການ​ເຕີບ​ໃຫຍ່​ຂອງ​ເສດຖະກິດ​ໂລກ​ຈະ​ຂະຫຍາຍ​ຕົວ​ຊ້າ ​ເນື່ອງ​ຈາກ​ບັນຫາ​ການ​ຄ້າ​ລະຫວ່າງ​ຈີນ​ກັບ​ອາ​ເມ​ລິ​ກາ​ທີ່​ສົ່ງ​ຜົນ​ຕໍ່​ຄວາມ​ເຊື່ອ​ໝັ້ນທາງ​ເສດຖະກິດ.

- lattana 1 - ທະນາຄານໂລກຫລຸດຕົວເລກ ການເຕີບໃຫຍ່ເສດຖະກິດໂລກ ຈາກບັນຫາການຄ້າຈີນ-ອາເມລິກາ

      ທະນາຄານ​​ໂລກ​ຖະ​ແຫລ​ງປັບ​ຫລຸດ​ຕົ​ວ​ເລກ​ທ່າ​ອ່ຽງລວມຍອດ​ຜະລິດ​ຕະພັນ​ພາຍ​ໃນ (GDP) ທົ່ວ​ໂລກ​ມາ​ຢູ່ 2,9% ​ໃນ​ປີ​ນີ້ ​ແລະ 2,8% ​ໃນ​ປີ 2020 ​ເຊິ່ງຖື​ວ່າ​ຕໍ່າ​ກວ່າ​ການ​ຄາດ​ຄະ​ເນ​ໄວ້, ​ແຕ່​ເຕືອນ​ວ່າຄວາມ​ສ່ຽງ​ຈະ​ເພີ່ມ​ຂຶ້ນອີກ ​ແລະ ​ເຕືອນ​ຄະນະ​ຜູ້​ວາງ​ແຜນ​ນະ​ໂຍບາຍ​ເສດຖະກິດ​ໃຫ້​ກຽມ​ຮັບ​ມື​ກັບ​ມໍ​ລະ​ສຸມ​ທາງ​ເສດຖະກິດ​ທີ່​ຈະ​ເກີດ​ຂຶ້ນ. ລາຍ​ງານ​ທ່າ​ອ່ຽງ​ເສດຖະກິດ​ໂລກ​ຂອງ​ທະນາຄານ​ໂລກ​ຄາດ​ວ່າ: ການ​ເຕີບ​ໃຫຍ່​ທາງ​ເສດຖະກິດ​ຂອງ​ອາ​ເມ​ລິ​ກາ​ຈະ​ຂະຫຍາຍຕົວ​ຊ້າ​ໃນ​ປີ​ນີ້​ລົງ​ມາ​ຢູ່ 2,5% ຈາກ 2,9% ​ໃນ​ປີ 2018 ​ແລະ ຈະ​ຫລຸດ​ລົງ​ໄປ​ອີກ​ໃນ​ປີໜ້າ​ຈົນ​ຮອດ 1,7%, ສ່ວນ​ເສດຖະກິດ​ຈີນ​ມີ​ທ່າ​ອ່ຽງຂະຫຍາຍຕົວ​ຊ້າ​ເຊັ່ນ​ກັນ​ທ່າມກາງ​ຂໍ້​ຂັດ​ແຍ່ງ​ທາງ​ການ​ຄ້າ ຈີນ-ອາ​ເມ​ລິ​ກາ ​ໂດຍ​ອາດ​ຂະຫຍາຍຕົວ​ຊ້າ​ລົງ​ມາ​ຢູ່ 6,2% ​ໃນ​ປີ​ນີ້ ​ແລະ ປີໜ້າ. ຂະນະ​ທີ່​ທ່າ​ອ່ຽງການ​ເຕີບ​ໃຫຍ່​ທົ່ວ​ໂລກ​ຍັງມີ​ຢູ່ ​ແຕ່​ບັນຫາ​ທີ່​ເກີດ​ຂຶ້ນຈະ​ສົ່ງ​ຜົນ​ກະທົບ ຫລື ບໍ່​ນັ້ນ ຂຶ້ນຢູ່​ກັບ​ຜູ້​ກຳນົດ​ນະ​ໂຍບາຍ​ເສດຖະກິດ​ວ່າ​ຈະ​ມີ​ແຜນ​ຮັບ​ມື​ໄດ້​ດີ​ແນວ​ໃດ.