ເອີຣົບອາກາດໜາວແຮງ ບາງແຫ່ງອຸນຫະພູມ -24 ອົງສາ ມີຜູ້ເສຍຊີວິດແລ້ວ 13 ຄົນ

- advert banner 728 90 728x90 - ເອີຣົບອາກາດໜາວແຮງ ບາງແຫ່ງອຸນຫະພູມ -24 ອົງສາ ມີຜູ້ເສຍຊີວິດແລ້ວ 13 ຄົນ

      ຫລາຍ​ປະ​ເທດ​ເອີຣົບຜະ​ເຊີນ​ສະພາບ​ອາກາດ​ໜາວ​ແຮງ​ເປັນ​ມື້ທີ 3 ບາງ​ແຫ່ງ​ອຸນຫະພູມ​ຕິ​ດລົບ 24 ອົງສາ, ມີ​ຜູ້​ເສຍ​ຊີວິດ​​ແລ້ວ 13 ຄົນ ສ່ວນ​ຫລາຍ​ຖືກ​ຫິມະ​ຖະຫລົ່ມ​ທັບ.

- lattana 1 - ເອີຣົບອາກາດໜາວແຮງ ບາງແຫ່ງອຸນຫະພູມ -24 ອົງສາ ມີຜູ້ເສຍຊີວິດແລ້ວ 13 ຄົນ

       ຫລາຍ​ປະ​ເທດ​ເຂດ​ເອີຣົບກຳລັງ​ຜະ​ເຊີນ​ສະພາບ​ອາກາດ​ໜາວ​ແຮງ​ອີກ​ເປັນ​ມື້ທີ 3 ​ໃນ​ວັນ​ທີ 9 ມັງກອນ ຈຳນວນ​ຜູ້​ເສຍ​ຊີວິດ​ລວມ​ໃນ​ອາທິດ​ຜ່ານ​ມາ​ມີ​ຢ່າງ​ໜ້ອຍ 13 ຄົນ ສ່ວນ​ຫລາຍ​ຖືກ​ຫິມະ​ຖະຫລົ່ມ​ທັບ ພົບ​ຢູ່​ນອກ​ແວ, ຊູ​ແອດ ​ແລະ ຣູມາ​ນີ ອຸນຫະພູມ​ຕິດ​ລົບ 24 ອົງສາ ປະ​ເທດ​ລະ 1 ຄົນ, ຢູ່​ແຟງ​ລັງ 3 ຄົນ ​ໂດຍ​ຍັງ​ມີ​ຜູ້​ເສຍ​ຊີວິດ​ຢູ່​ສະ​ວິດ, ອົດ​ສະຕຣາລີ ​ແລະ ​ເຢຍລະ​ມັນ.

      ກໍລະນີ​ຂອງ​​ໂອ​ຕຣິດ ປະຊາຊົນ​ຫລາຍ​ຮ້ອນ​ຄົນ​ຢູ່​ແຕ່​ໃນ​ເຮືອນ ​ເພາະ​ຖະໜົນ​ຖືກ​ຫິມະ​ອັດ​ຂວາງ​ການ​ຈະລາຈອນ ລົດ​ສັນຈອນ​ບໍ່​ໄດ້, ບາງ​ພາກພື້ນ​ໄຟຟ້າ​ມອດ​ຫລັງ​ຕົ້ນ​ໄມ້​ຮັບ​ນ້ຳໜັກ​ຫິມະ​ບໍ່​ໄຫວ ຫັກ​ທັບ​ສາຍ​ໄຟຟ້າ​ຂາດ ​ແລະ ມີ​ການ​ເຂົ້າຊ່ວຍ​ເຫລືອ​ນັກ​ປີນ​ເຂົາ​ຊາວ​ເຢຍລະ​ມັນ 11 ຄົນ ທີ່​ຄົງ​ຄ້າງ​ໃນ​ເຄບິນ​ໃກ້​ເມືອງ​ຊັລບວກ ​ໂດຍ​ບໍ່​ມີ​ໄຟຟ້າ ​ແລະ ອາຫານ​ເຫລືອ​ໜ້ອຍ​ມາ​ແຕ່​ວັນ​ທີ 4 ມັງກອນ.

      ​ໂຮງຮຽນ​ຫລາຍ​ແຫ່ງ​ຍັງ​ຢຸດ​ການ​ຮຽນ-ການ​ສອນ ​ເຊັ່ນ​ດຽວ​ກັບ​ໂຮງຮຽນ​ຫລາຍ​ແຫ່ງ​ໃນ​ນະຄອນຫລວງ​ເອ​ເທ​ນ ຂອງ​ເກຣັກ ​ເພາະ​ຫິມະ​ຕົກ​ໜາ​ທົ່ວ​ພື້ນທີ່, ຖະໜົນ​ບາງ​ເສັ້ນ​ໃນ​ເຂດ​ຕີນ​ພູ​ຖືກ​ຫິມະ​ປົກ​ຄຸມ​ໜາ​ຈົນ​ຕ້ອງ​ປິດ, ກຸ່ມ​ຜູ້​ອົບ​ພະຍົບຫລາຍ​ສິບ​ຄົນ​ທີ່ຢູ່​ໃນ​ເຕັ້ນທາງ​ເໜືອ ລວມກັນ​ປະ​ທ້ວງ​ສະພາບ​ການ​ເປັນ​ທີ່​ຂາດ​ເຂີນ, ຂະນະ​ທີ່​ອຸນຫະພູມ​ໃນ​ບາງ​ພື້ນທີ່​ຕິດ​ລົບ​ເຖິງ 20 ອົງສາ.

       ​ເຈົ້າໜ້າ​ທີ່​ເຢຍລະ​ມັນ​ເຕືອນ​ຊາວ​ເມືອງ​ຮຳ​ບວກ ຕິດ​ແຄມ​ຝັ່ງ​ທາງ​ເໜືອ ກຽມ​ຮັບ​ມື​ໄພ​ນ້ຳຖ້ວມ​ຈາກ​ແຮງ​ລົມ​ລະດູ​ໜາວ, ສະໜາມ​ບິນ​ສຄິ​ໂລ ​ໃນ​ນະຄອນຫລວງ​ອຳ​ສະ​ເຕີ​ດຳ​ຂອງ​ໂຮ​ນລັງ ຍົກ​ເລີກ​ຖ້ຽວ​ບິນ​ເກືອບ 25% ​ໃນ​ວັນ​ທີ 8 ມັງກອນ ການ​ຍົກ​ເລີກ​ຖ້ຽວ​ບິນ​ຍັງ​ມີ​ໃນ​ສະ​ໂລ​ວາ​ກີ​ນຳ​ອີກ.