ປະຊາຊົນເປັນຫວ່ງຫລາຍບັນຫາໃນສັງຄົມ

- advert banner 728 90 728x90 - ປະຊາຊົນເປັນຫວ່ງຫລາຍບັນຫາໃນສັງຄົມ

ປະຊາຊົນບັນດາເຜົ່າໄດ້ມີຄວາມເປັນຫວ່ງຕໍ່ຫລາຍບັນຫາທີ່ເກີດຂຶ້ນໃນສັງຄົມເຮົາ, ສົ່ງຜົນສະທ້ອນຕໍ່ຄວາມສະຫງົບປອດໄພ ແລ ະຄວາມເປັນລະບຽບຮຽບຮ້ອຍໃນສັງຄົມ, ພ້ອມສະເໜີໃຫ້ລັດມີມາດຕະການສະກັດກັ້ນແກ້ໄຂຢ່າງເຂັ້ມງວດ. ນີ້ແມ່ນຄໍາເຫັນຂອງທ່ານຮອງປະທານສູນກາງແນວລາວສ້າງຊາດທີ່ໄດ້ສະເໜີໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ທີ່ສໍາເລັດລົງເມື່ອບໍ່ດົນນີ້.

- lattana 1 - ປະຊາຊົນເປັນຫວ່ງຫລາຍບັນຫາໃນສັງຄົມ

ຮອງປະທານສູນກາງແນວລາວສ້າງຊາດກ່າວວ່າ: ຜ່ານການສັງລວມຄໍາເຫັນ, ຄໍາສະເໜີຂອງປະຊາຊົນບັນດາເຜົ່າທີ່ສົ່ງມາຫາສູນກາງແນວລາວໃນຜ່ານມາເຫັນວ່າມີຫລາຍບັນຫາຢາກໃຫ້ລັດຖະບານສືບຕໍ່ເອົາໃຈໃສ່ແກ້ໄຂເປັນຕົ້ນ: ການປະຕິບັດໜ້າທີ່ຂອງເຈົ້າໜ້າທີ່ແລະອໍານາດການປົກຄອງທ້ອງຖິ່ນຈໍານວນໜຶ່ງບໍ່ໄປຕາມລະບຽບກົດໝາຍ, ມີການນາບຂູ່ເກັບຄ່າທໍານຽມຕ່າງໆນໍາປະຊາຊົນ, ນັກຮຽນ-ນັກສຶກສາ, ການຄຸ້ມຄອງສະຖານບັນເທິງ, ບັນຫາໂສເພນີ, ຢາເສບຕິດ, ຂີ້ລັກ-ງັດແງະ, ການຫລີ້ນກິນຟູມເຟືອຍໃນຖັນແຖວພະນັກງານ-ລັດຖະກອນ, ການພະນັນ, ການຄ້າມະນຸດ, ຄ້າຂາຍເຖື່ອນ, ສໍ້ລາດບັງຫລວງເກີດຂຶ້ນຫລາຍ.ນອກນີ້, ການຮັກສາຄວາມເປັນລະບຽບ, ຄວາມສະອາດຈົບງາມໃນຕົວເມືອງຍັງບໍ່ເຮັດໄດ້ດີ, ໂດຍສະເພາະຢູ່ຕາມຕະຫລາດ, ແຄມທາງຍັງພົບເຫັນການຖີ້ມຂີ້ເຫຍື້ອຊະຊາຍສົ່ງກິ່ນເໝັນ, ການຂາຍເຄື່ອງຊະຊາຍ, ການຈອດລົດບໍ່ເປັນລະບຽບພາໃຫ້ການສັນຈອນແອອັດແລະເກີດອຸປະຕິເຫດຍັງພົບເຫັນຫລາຍເຊັ່ນກັນ. ຊຶ່ງທັງໝົດນີ້ສະເໜີໃຫ້ມີມາດຕະການແກ້ໄຂທີ່ເຂັ້ມງວດ, ນັບແຕ່ການສຶກສາອົບຮົມ, ປັບໃໝ, ດໍາເນີນຄະດີຕາມລະບຽບກົດໝາຍເພື່ອຄວາມເປັນລະບຽບຮຽບຮ້ອຍແລະຈົບງາມຂອງບ້ານເມືອງ.