ນາຍົກລັດຖະມົນຕີ ສສ ຫວຽດນາມ ຕ້ອນຮັບການຢ້ຽມຂໍ່ານັບຂອງຄະນະຜູ້ແທນຂັ້ນສູງ ທຫລ

- advert banner 728 90 728x90 - ນາຍົກລັດຖະມົນຕີ ສສ ຫວຽດນາມ ຕ້ອນຮັບການຢ້ຽມຂໍ່ານັບຂອງຄະນະຜູ້ແທນຂັ້ນສູງ ທຫລ

      ຄະນະຜູ້ແທນຂັ້ນສູງຂອງທະນາຄານແຫ່ງ ສປປ ລາວ ຊຶ່ງນໍາໂດຍທ່ານ ສອນໄຊ ສິດພະໄຊ ກໍາມະການສໍາຮອງສູນກາງພັກ, ຜູ້ວ່າການທະນາຄານແຫ່ງ ສປປ ລາວພ້ອມຄະນະ ໄດ້ເດີນທາງຢ້ຽມຢາມ ແລະ ເຮັດວຽກຮ່ວມກັບການນໍາຂັ້ນສູງຂອງທະນາຄານແຫ່ງ ລັດ ສສ ຫວຽດນາມ ທີ່ນະຄອນຫຼວງ ຮ່າໂນ່ຍ ລະຫວ່າງ ວັນທີ 7 ຫາ 10 ມັງກອນນີ້ ແລະ ໃນໂອກາດດັ່ງກ່າວ ຄະນະຜູ້ແທນຂັ້ນສູງຂອງທະນາຄານແຫ່ງ ສປປ ລາວກໍ່ໄດ້ເຂົ້າຢ້ຽມຂໍ່ານັບທ່ານ ຫງວຽນ ຊວນຟຸກ ກໍາມະການກົມການເມືອງສູນກາງພັກກອມມູນິດຫວຽດນາມ, ນາຍົກລັດຖະມົນຕີແຫ່ງ ສສ ຫວຽດນາມທີ່ ໃນວັນທີ 9 ມັງກອນ.

- lattana 1 - ນາຍົກລັດຖະມົນຕີ ສສ ຫວຽດນາມ ຕ້ອນຮັບການຢ້ຽມຂໍ່ານັບຂອງຄະນະຜູ້ແທນຂັ້ນສູງ ທຫລ

       ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວກໍ່ໄດ້ກ່າວສະແດງຄວາມເຄົາລົບນັບຖືຢ່າງສູງມາຍັງທ່ານນາຍົກລັດຖະມົນຕີແຫ່ງ ສສ ຫວຽດນາມ ແລະ ພ້ອມທັງໄດ້ລາຍງານຜົນຂອງກອງປະຊຸມພົບປະ ແລະ ແລກປ່ຽນບົດຮຽນລະຫວ່າງທະນາຄານແຫ່ງ ສປປ ລາວແລະ ທະນາຄານແຫ່ງ ລັດ ສສ ຫວຽດນາມ ຊຶ່ງໄດ້ຮັບຜົນສໍາເລັດອັນຈົບງາມ ແລະ ຂະນະດຽວກັນ ຍັງໄດ້ຖືເອົາ ສສ ຫວຽດນາມ ເປັນປະເທດທໍາອິດໃນການເຄື່ອນໄຫວ ແລະ ເຮັດວຽກຂອງຕົນພາຍຫຼັງທີ່ໄດ້ດຳລົງ​ຕຳ​ແໜ່​ງເປັນຜູ້ວ່າການທະນາຄານແຫ່ງ ສປປ ລາວຈາກກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ໃນທ້າຍປີ 2018 ຜ່ານມານີ້.

        ໃນໂອກາດດັ່ງກ່າວ; ທ່ານ ຫງວຽນ ຊວນຟຸກ ນາຍົກລັດຖະມົນຕີແຫ່ງ ສສ ຫວຽດນາມໄດ້ສະແດງຄວາມຍິນດີຕ້ອນຮັບຄະນະ ແລະ ໄດ້ອ່ວຍພອນໃຫ້ຜູ້ວ່າການທະນາຄານແຫ່ງ ສປປ ລາວ ຄົນໃໝ່ ຈົ່ງປະສົບຜົນສໍາເລັດໃນໜ້າທີ່ການງານໃໝ່ ແລະ ປະກອບສ່ວນເຂົ້າໃນການພົວພັນ ແລະ ຮ່ວມມືລະຫວ່າງທະນາຄານກາງຂອງ 2 ປະເທດໃຫ້ກ້າວສູ່ລວງເລິກຍິ່ງໆຂຶ້ນ.

# ຂ່າວ: ຣັດສະໝີ ດວງສັດຈະ