ລາວ ໂຕໂຍຕ້າ ເອັຟຊີ ແລະ 3 ສະໂມສອນຈາກອາຊຽນ ກຽມປະທະ 12 ທີມດັງຈາກໄທ ລີໂອ ປຣີຊີຊັ່ນ ຄັບ 2019

- advert banner 728 90 728x90 - ລາວ ໂຕໂຍຕ້າ ເອັຟຊີ ແລະ 3 ສະໂມສອນຈາກອາຊຽນ ກຽມປະທະ 12 ທີມດັງຈາກໄທ ລີໂອ ປຣີຊີຊັ່ນ ຄັບ 2019

       ​ເຕະບານ​ອຸ່ນ​ເຄື່ອງ​ລາຍການ ລີ​ໂອ ປຣີຊີ​ຊັນ ຄັບ 2019 ຈະ​ແຂ່ງຂັນ​ລະຫວ່າງວັນ​ທີ 12-26 ມັງກອນ​ນີ້ ທີ່​ປະ​ເທດ​ໄທ. ລາຍການ​ນີ້​ຈັດ​ເປັນຄັ້ງທີ 3 ​ໂດຍ​ການ​ແຂ່ງຂັນ​ຄັ້ງນີ້​ເປັນ​ປີ​ທຳ​ອິດ​ທີ່​ທາງ​ຝ່າຍ​ຈັດການ​ແຂ່ງຂັນ​ໄດ້​ເຊີນ 4 ສະ​ໂມ​ສອນ​ຈາກ​ອາ​ຊຽນຄື: ລາວ ​ໂຕ​ໂຍຕ້າ ​ເອັຟຊີ ຈາກ ສປປ ລາວ, ຮ່າ​ໂນ້ຍ ​ເອັຟຊີ ຈາກ ສສ ຫວຽດນາມ, ພະນົມ​ເປັນ ຄຣາວ ​ເອັຟຊີ ຈາກ​ກຳປູ​ເຈຍ, ​ແທັມ​ປິ​ເນສ ​ໂຣ​ເວີ້ ​ເອັຟຊີ ຈາກ​ສິງກະ​ໂປ ​ແລະ 12 ສະ​ໂມ​ສອນ​ຈາກ​ໄທ​ເຈົ້າພາບ​ຄື: 6 ສະ​ໂມ​ສອນ​ຈາກ​ໄທ​ລີກ 1: ​ເມືອງ​ທອງ ຢູ​ໄນ​ເຕັດ ​ແຊ້ມ​ເກົ່າ, ການ​ທ່າ​ເຮືອ ​ເອັຟຊີ, ສິງ ຊຽງ​ຮາ​ຍ ຢູ​ໄນ​ເຕັດ, ປຣະຈວບ ​ເອັຟຊີ, ນະຄອນຣາຊສີມາ ​ເອັຟຊີ, ຊຽງ​ໃໝ່ ​ເອັຟຊີ ​ແລະ 6 ສະ​ໂມ​ສອນ​ຈາກ​ໄທ​ລີກ 2: ບາງກອກ​ກາສ, ປະທຸມ ຢູ​ໄນ​ເຕັດ, ຂອນ​ແກ່ນ ​ເອັຟຊີ, ໜອງ​ບົວ ​ເອັຟຊີ, ສະມຸດ​ສາຄອນ ​ເອັຟຊີ, ຣະຍອງ ​ເອັຟຊີ ​ແລະ ອຸດອນ​ທານີ ​ເອັຟຊີ.

- lattana 1 - ລາວ ໂຕໂຍຕ້າ ເອັຟຊີ ແລະ 3 ສະໂມສອນຈາກອາຊຽນ ກຽມປະທະ 12 ທີມດັງຈາກໄທ ລີໂອ ປຣີຊີຊັ່ນ ຄັບ 2019

ການ​ແຂ່ງຂັນ​ຮອບ​ຄັດ​ເລືອກ​ຮອບ​ທຳ​ອິດ​ຈະ​​ແຂ່ງຂັນ​ໃນ​ວັນ​ທີ 12-13 ມັງກອນ​ນີ້, ຮອບ​ຄັດ​ເລືອກ​ຮອບ​ທີ 2 ຈະ​ແຂ່ງຂັນ​ໃນ​ວັນ​ທີ 15-16 ມັງກອນ. ສ່ວນ ລາວ ​ໂຕ​ໂຍຕ້າ ​ເອັຟຊີ ​ແລະ 3 ສະ​ໂມ​ສອນ​ຈາກ​ອາ​ຊຽນ ຈະ​ໄດ້​ຢືນ​ຖ້າ​ໃນ​ຮອບ 8 ທີ​ມ ຫລື ຮອບ AEC ຈະ​ແຂ່ງຂັນ​ໃນ​ວັນ​ທີ 19-20 ມັງກອນ ​ໂດຍ​ ລາວ ​ໂຕ​ໂຍຕ້າ ​ເອັຟຊີ ລໍຖ້າ​ພົບ​ຜູ້​ຊະນະ​ລະຫວ່າງ 2 ທີ​ມຈາກ​ຮອບ​ຄັດ​ເລືອກ​ຮອບ​ທຳ​ອິດ (ຣະຍອງ ​ເອັຟຊີ ຫລື ຂອນ​ແກ່ນ ​ເອັຟຊີ) ຫລື ປຣະຈວບ ​ເອັຟຊີ. ຮອບ​ຮອງ​ຊະນະ​ເລີດຈະ​ແຂ່ງຂັນ​ໃນ​ວັນ​ທີ 23 ມັງກອນ ​ແລະ ນັດ​ຊີງ​ຊະນະ​ເລີດ​ຈະ​ແຂ່ງຂັນ​ໃນ​ວັນ​ທີ 25 ມັງກອນ. ​ແຊ້ມລາຍການ​ນີ້​ຈະ​ໄດ້​ຮັບ​ຂັນ​ຊະນະ​ເລີດ ພ້ອມ​ຮັບ​ເງິນ 60.000 ​ໂດ​ລາ, ອັນ​ດັບ 2 ຈະ​ໄດ້​ຮັບ​ເງິນ 20.000 ​ໂດ​ລາ, ອັນ​ດັບ 3 ຈະ​ໄດ້​ຮັບ​ເງິນ​ລາງວັນ 10.000 ​ໂດ​ລາ ​ແລະ ອັນ​ດັບ 4 ຈະ​ໄດ້​ຮັບ​ເງິນ 5.000 ​ໂດ​ລາ.