ອາເມລິກາເລີ່ມເຄື່ອນຍ້າຍ ອຸປະກອນອອກຈາກຊີຣີແລ້ວ

- advert banner 728 90 728x90 - ອາເມລິກາເລີ່ມເຄື່ອນຍ້າຍ ອຸປະກອນອອກຈາກຊີຣີແລ້ວ

     ​ເຈົ້າໜ້າ​ທີ່​ປ້ອງ​ກັນ​ປະ​ເທດ​ອາ​ເມ​ລິ​ກາຢືນຢັນ​ວ່າ: ກອງທັບ​ອາ​ເມ​ລິ​ກາ​ໄດ້​ເລີ່​ມຖອນ​ອຸປະກອນ​ອອກ​ຈາກ​ຊີຣີ​ແລ້ວ, ຫລັງ​ມີຂ່າວ​ວ່າ​ກຳລັງ​ມີ​ການ​ດຳ​ເນີນ​ຕາມ​ປະທານາທິບໍດີ​ ​ໂດນ​ນັລ ທຣຳ ປະກາດ​ໃນ​ເດືອນ​ກ່ອນ​ວ່າ​ຈະ​ຖອນ​ທະຫານ​ອາ​ເມ​ລິ​ກາ​ທັງ​ໝົດ​ອອກ​ຈາກ​ຊີຣີ.

- lattana 1 - ອາເມລິກາເລີ່ມເຄື່ອນຍ້າຍ ອຸປະກອນອອກຈາກຊີຣີແລ້ວ

     ​ເຈົ້າໜ້າ​ທີ່​ປ້ອງ​ກັນ​ປະ​ເທດ​​ ​ເປີດ​ເຜີຍ​ວ່າ: ບໍ່​ສາມາດ​ໃຫ້​ລາຍ​ລະອຽດ​ການ​ຖອນ​ອຸປະກອນ​ອອກ​ຈາກ​ຊີຣີ​ໄດ້​ດ້ວຍ​ເຫດຜົນ​ດ້ານ​ຄວາມ​ປອດ​ໄພ, ​ແຕ່​ຢືນຢັນ​ວ່າ​ມີ​ການ​ຖອນ​ແທ້ ຫລັງ​ຈາກ CNN ລາຍ​ງານ​ເປັນ​ແຫ່ງ​ທຳ​ອິດ​ອ້າງ​ເຈົ້າໜ້າ​ທີ່​ກ່ຽວຂ້ອງ​ກັບ​ການ​ຖອນ​ທະຫານ​ວ່າ: ​ເລີ່​ມການ​ເຄື່ອນ​ຍ້າຍ​ອຸປະກອນ​ອອກ​ຈາກ​ຊີຣີ​ແລ້ວ​ໃນ​ຫລາຍ​ມື້ຜ່ານ​ມາ, ​ແຕ່​ບໍ່​ຂໍ​ບອກ​ວ່າ​ເປັນ​ອຸປະກອນ​ປະ​ເພດ​ໃດ, ລຳລຽງ​ອອກ​ດ້ວຍ​ວິທີ​ໃດ ​ແລະ ອອກ​ຈາກ​ພື້ນທີ່​ໃດ​ຂອງ​ຊີຣີ. CNN ຄາດ​ວ່າ​ອາດ​ຈະ​ເປັນ​ພື້ນທີ່​ທາງ​ເໜືອ​ຂອງ​ຊີຣີ. CNN ລາຍ​ງານ​ອີກ​ວ່າ: ​ເຈົ້າໜ້າ​ທີ່​ເຄີຍ​ກ່າວ​ກ່ອນ​ໜ້າ​ນີ້​ວ່າ: ກະຊວງ​ປ້ອງ​ກັນ​ປະ​ເທດ​ຕ້ອງການ​ໃຫ້​ປະທານາທິບໍດີ​ຮູ້​ວ່າ​ກຳລັງ​ເດີນ​ໜ້າ​ຕາມ​ຄຳ​ສັ່ງ​ຖອນ​ທະຫານ​ອາ​ເມ​ລິ​ກາ 2.000 ຄົນ​ກັບປະ​ເທ​ດ້ວຍ​ການ​ເຄື່ອນ​ຍ້າຍ​ອຸປະກອນ​ອອກ​ມາ​ກ່ອນ.

      ທ່ານ ຈອນ ​ໂບລຕັນ ທີ່​ປຶກສາ​ຄວາມ​ໝັ້ນຄົງ​ແຫ່ງ​ຊາດ​ຂອງ​ປະທານາທິບໍດີ​ອາ​ເມ​ລິ​ກາ ​​ເປີດ​ເຜີຍ​ລະຫວ່າງ​ເຂົ້າພົບ​ນາຍົກລັດຖະມົນຕີ ​ເບ​ນຈາ​ມິນ ​ເນ​ຕັນ​ຢາ​ຮູ ຂອງ​ອິດສະ​ລາ​ແອນ ​ໃນ​ວັນ​ທີ 6 ມັງກອນ​ວ່າ: ກຳລັງ​ຫາລື​ເລື່ອງ​ຄຳ​ສັ່ງ​ຖອນ​ທະຫານ​ຂອງ​ປະທານາທິບໍດີ, ​ແຕ່​ການ​ຖອນ​ທະຫານ​ອອກ​ຈາກ​ພື້ນທີ່​ຕາ​ເວັນ​ອອກສຽງ​ເໜືອ​ຂອງ​ຊີຣີຈະ​ຕ້ອງ​ເຮັດ​ດ້ວຍ​ຄວາມ​ໝັ້ນ​ໃຈ​ວ່າ​ກຸ່ມ IS ຖືກ​ປາບ​ຈົນ​ໝົດ​ແລ້ວ ​ແລະ ບໍ່​ສາມາດ​ຟື້ນກັບ​ມາ​ເປັນ​ໄພ​ໄດ້​ອີກ. ຂະນະ​ທີ່​ທ່ານ ​ໄມ ພອມ​ເພ​ໂອ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ​ເນັ້ນຢູ່​ເອຢິບ ​ໃນ​ວັນ​ທີ 10 ມັງກອນ​ວ່າ: ການ​ຖອນ​ທະຫານ​ອາ​ເມ​ລິ​ກາ​ອອກ​ຈາກ​ຊີຣີຈະ​ເດີນ​ໜ້າ​ຕໍ່​ໄປ ​ແລະ ທ່ານ​ໄດ້​ເລັ່ງປະ​ເທດ​ໃນ​ຕາ​ເວັນ​ອອກ​ກາງ​ໃຫ້​ມີ​ຈຸດ​ຢືນ​ຕໍ່ຕ້ານ​ອີຣານຮ່ວມ​ກັນ.