ແອນດີ້ ເມີຣີ ອຳລາວົງການເທັນນິສ ຫລັງຈົບວິມເບິລດັນ

- advert banner 728 90 728x90 - ແອນດີ້ ເມີຣີ ອຳລາວົງການເທັນນິສ ຫລັງຈົບວິມເບິລດັນ

       ​ແອນ​ດີ້ ​ເມີຣີ ນັກ​ເທັນ​ນິສຊາຍ​ຄົນ​ດັງ​ຂອງ​ສະຫະ​ລາຊະ​ອານາຈັກ ​ເປີດ​ເຜີຍ​ວ່າ: ຕົນ​ເອງ​ວາງ​ແຜນ​ຈະ​ເລີກ​ຫລິ້ນ​ເທັນ​ນິສອາຊີບ ຫລັງ​ຈົບ​ການ​ແຂ່ງຂັນ​ແກຣນສະ​ແລມ ທີ​ສາມ​ຂອງ​ປີ ລາຍການ ວິມ​ເບິ​ລດັນ ​ໃນ​ເດືອນ​ກໍລະກົດ​ນີ້ ຫລັງ​ຈາກ​ມີ​ອາການ​ບາດ​ເຈັບ​ສະ​ໂພ​ກຊຳ​ເຮື້ອ.

- lattana 1 - ແອນດີ້ ເມີຣີ ອຳລາວົງການເທັນນິສ ຫລັງຈົບວິມເບິລດັນ

      ອະດີດ​ນັກ​ເທັນ​ນິສມື 1 ຂອງ​ໂລກ​ເຄີຍ​ເຈັບ​ສະ​ໂພ​ກ​ເບື້ອງຂວາ​ໜັກ​ຈົນ​ຕັດສິນ​ໃຈ​ເຂົ້າຮັບ​ການ​ຜ່າຕັດ​ໃນ​ເດືອນ​ມັງກອນ​ປີ​ກ່ອນ ​ເຊິ່ງລາວ​ກັບ​ມາ​ຫລິ້ນ​ໄດ້​ໃນ​ເດືອນ​ມິຖຸນາ​ຜ່ານ​ມາ, ​ແຕ່​ລາວ​ໂຊ​ຟອມ​ໄດ້​ບໍ່​ດີ​ຄື​ເກົ່າ ​ແລະ ບາງ​ເທື່ອ​ຍັງ​​ເຈັບ​ຈົນ​ລົງ​ຫລິ້ນບໍ່​ໄດ້ ​ເຮັດ​ໃຫ້​ໃນ​ປີຜ່ານມາ ລາວ​ໄດ້​ລົງ​ຫລິ້ນ​ໃນ​ລາຍການ​ລະດັບ ​ເອທີ​ພີ ທົວ ​ໄປ​ພຽງ 12 ​ແມັດ​ເທົ່າ​ນັ້ນ.

      ຈາກ​ການ​ທີ່​ຍັງ​ເຈັບ​ຢູ່​ເລື້ອຍໆ ​ເຮັດ​ໃຫ້​ຫລ້າ​ສຸດ ​ເມີຣີ ອອກ​ມາ​ປະກາດ​ເລີກ​ຫລິ້ນ​ເທັນ​ນິສຫລັງ​ຈົບ​ລາຍການ ວິມ​ເບິ​ລດັນ ​ໃນ​ການ​ຖະ​ແຫລ​ງຂ່າວ ອັອສ​ເຕຣລ້ຽນ ​ໂອ​ເພັນ ​ໂດຍ​ລາວ​ເປີດ​ເຜີຍ​ວ່າ: ຖ້າ​ເກີດ​ເຈັບ​ໜັກ ອາດ​ຈະ​ຕ້ອງ​ຈຳ​ໃຈ​ບອກ​ລາ​ການ​ແຂ່ງຂັນ​ແຕ່​ຈົບ​ລາຍການ​ແກຣນສະ​ແລມທຳ​ອິດ​ຂອງ​ປີ.

       ສຳລັບ ​ເມີຣີ ​ເຄີຍ​ໄດ້​ແຊ້ມ ​ແກຣນສະ​ແລມ 3 ສະ​ໄໝມີ: ວິມ​ເບິ​ລດັນ ​ໃນ​ປີ 2013 ກັບ 2016 ​ແລະ ຢູ​ເອສ ​ໂອ​ເພັນ ​ໃນ​ປີ 2012 ​ໂດຍ​ປັດຈຸບັນ​ອັນ​ດັບ​ໂລກ​ຂອງ​ລາວ​ຫລຸດ​ລົງ​ມາ​ຢູ່​ທີ 230 ຂອງ​ໂລກ.