ເອັຟເອ ສັ່ງຫ້າມ ອອສຕິນຊູ ສັນຍາລັກບໍ່ເໝາະສົມ

- advert banner 728 90 728x90 - ເອັຟເອ ສັ່ງຫ້າມ ອອສຕິນຊູ ສັນຍາລັກບໍ່ເໝາະສົມ

      ສະມາຄົມ​ບານ​ເຕະ​ອັງກິດ (​ເອັຟ​ເອ) ສັ່ງ​ລົງ​ໂທດ​ຫ້າມ ຊາຣລີ ອອສຕິນ ກອງ​ໜ້າ​ ​ເຊົາ​ແທມຕັນ 2 ນັດ ຈາກ​ກໍລະນີ​ສະ​ແດງ​ພຶດຕິ​ກຳ​ບໍ່​ເໝາະ​ສົມຍົກ​ສອງ​ນິ້ວ ​ເຊິ່ງ​ເປັນ​ສັນຍາ​ລັກ​ບໍ່​ເໝາະ​ສົມ​ໃຫ້​ແຟນບານ ​ແມນ​ເຊັສ​ເຕີ ຊິ​ຕີ້ ​ໃນ​ເກ​ມພຣີ​ເມຍ​ລີກ ອັງກິດ ​ໃນ​ທ້າຍ​ປີຜ່ານມາ.

- lattana 1 - ເອັຟເອ ສັ່ງຫ້າມ ອອສຕິນຊູ ສັນຍາລັກບໍ່ເໝາະສົມ

     ​ເອັຟ​ເອ ລະບຸ​ວ່າ: ຫົວ​ຫອກ​ເຊົາ​ແທມຕັນ ຖືກຕັ້ງຂໍ້​ຫາ​ວ່າ​ສະ​ແດງ​ທ່າ​ທີ​ບໍ່​ເໝາະ​ສົມ​ໃນ​ເກ​ມລີກ​ວັນ​ທີ 30 ທັນວາ​ຜ່ານ​ມາ ​ໂດຍ​ຈາກ​ການ​ວິ​ເຄາະ​ທຸກ​ຢ່າງ​ແລ້ວ ສະມາຄົມ​ບານ​ເຕະ​ອັງກິດ​ເບິ່ງ​ວ່າການ​ສະ​ແດງ​ພຶດຕິ​ກຳ​ດັ່ງກ່າວ​ຖື​ວ່າ​ບໍ່​ເໝາະ​ສົມ ​ແລະ ດຳ​ເນີນ​ການ​ສັັ່ງຫ້າມ​ຮຽບຮ້ອຍ​ແລ້ວ ​ເຊິ່ງຈະ​ເຮັດ​ໃຫ້​ຕົ້ນສັງກັດ​ບໍ່​ມີ ອອສຕິນ ຊ່ວຍ​ທີ​ມ​ໃນ​ເກ​ມລີກ​ພົບ ​ເລ​ສ​ເຕີ ຊິ​ຕີ້ ​ແລະ ​ເກ​ມ​ເອັຟ​ເອ ຄັບ ຮອບ 3 ນັດຣີ​ເພລ ພົບ ດາ​ບີ້ ​ເຄົາ​ຕີ້.

      ທັງ​ນີ້ ອອສຕິນ ສະ​ແດງ​ພຶດຕິ​ກຳ​ດັ່ງກ່າວ​ຕອນ​ທີ່​ລາວ​ຖືກ​ປ່ຽນ​ຕົວ​ອອກ​ໃນ​ນາທີ 68 ​ໃນ​ເກ​ມທີ່​ເສຍ​ແຊ້ມ​ເກົ່າ 1-3 ສະໜາມ​ເຊັນ ​ແມຣີ ​ໂດຍ​ຫລັງ​ຈົບ​ເກ​ມ ​ເອັຟ​ເອ ​ໄດ້​ສົ່ງ​ຂໍ້ຄວາມ​ເພື່ອ​ໃຫ້​ນັກ​ເຕະ​ອະທິບາຍ​ກ່ຽວ​ກັບ​ສິ່ງ​ທີ່​ເກີດ​ຂຶ້ນ ກ່ອນ​ສະຫລຸບ​ແລ້ວ ຫົວ​ຫອກ​ເຊົາ​ແທມຕັນ ຈະຖືກ​ຫ້າມ​ໃນ​ທີ່​ສຸດ.